ନୀତା ଅମ୍ବାନୀଙ୍କ ଦାମୀ ସଉକ : ଦିନକୁ ପିଅନ୍ତି ୩ଲକ୍ଷ ଟଙ୍କାର ଚା’
ଚା’ ସହ ଦିନର ଆରମ୍ଭ କରିବା ଅଭ୍ୟାସ ଅନେକଙ୍କର ଅଛି । କିନ୍ତୁ କିଏ ଯଦି ପ୍ରତିଦିନ ସକାଳେ ୩ ଲକ୍ଷ ଟଙ୍କାର ଚା’ ପିଉଥାଏ କହିବା ତ ଏହା ବଡ ଅଜବ ଲାଗିବ । କେହି ବିଶ୍ୱାସ ବି କରିବେନି ଜଣେ ଚା’ ପାଇଁ ତିନି ଲକ୍ଷ ଟଙ୍କା ଖର୍ଚ୍ଚ କରୁଥିବ । କିନ୍ତୁ ଏ କଥା ସତ । ଆମ ଦେଶର ସବୁଠୁ ଧନୀ ବ୍ୟକ୍ତି ମୁକେଶ ଅମ୍ବାନୀଙ୍କ ପତ୍ନୀ ନୀତା ଅମ୍ବାନୀ ଏଭଳି ୩ ଲକ୍ଷ ଟଙ୍କାର ଚା’ ପ୍ରତିଦିନ ସକାଳେ ପିଅନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି କଥାକୁ କେହି ବି ଟାଳି ପାରିବେନାହିଁ ଯେ ,ଧନୀ ଲୋକଙ୍କ ଲାଇଫ ଷ୍ଟାଇଲ୍ ସାଧାରଣ ଲୋକଙ୍କ ଠାରୁ ଭିନ୍ନ ଥାଏ । ସେମାନଙ୍କର ରହିବା ,ଖାଇବା ,ଚାଲିଚଳନ ସବୁ ସ୍ୱତନ୍ତ୍ର । ସଉକ ବି ପୂରା ଅଲଗା । ନୀତା ଅମ୍ବାନୀ ଦେଶର ବଡ ବିଜିନେସ୍ ୱିମେନଙ୍କ ମଧ୍ୟରେ ଜଣେ ପରିଗଣିତ ହୁଅନ୍ତି । ଏହା ଛଡା ସେ ମଧ୍ୟ ମୁମ୍ବାଇ ଇଣ୍ଡିଆନ୍ସର ମାଲିକ। ଏଥିପାଇଁ ନୀତାଙ୍କ ଚା’ ପିଇବା ନେଇ ଚର୍ଚ୍ଚା । ନୀତା ଅମ୍ବାନୀ ସକାଳର ଚା’ ଜାପାନର ସବୁଠୁ ପୁରୁଣା କ୍ରୋକେରୀ ବ୍ରାଣ୍ଡ ନୋରିଟେକର କପରେ ପିଇଥାନ୍ତି । ଯେଉଁଥିରେ ଏହି ଗୋଟେ କପ୍ ଚା’ର ଦାମ ୩ ଲକ୍ଷ ଟଙ୍କା ।
ନୀତା ଅମ୍ବାନୀଙ୍କ ଅନ୍ୟ ଦାମୀ ସଉକ –
ଖାଲି ଦାମୀ ଚା’ ନୀତା ଅମ୍ବାନୀ ପିଅନ୍ତି ନାହିଁ , ଦାମୀ ଷ୍ଟାଇଲିଷ୍ଟ ଜୋତା ମଧ୍ୟ ପିନ୍ଧିଥାନ୍ତି। ପୁଣି ଏହି ଯୋତାକୁ ସେ ଥରେ ମାତ୍ର ବ୍ୟବହାର କରିଥାନ୍ତି । ନୀତା ଅମ୍ବାନୀ ପିନ୍ଧୁଥିବା ଜୋତା ଗୁଡିକର ଦାମ୍ ମଧ୍ୟ କମ୍ ଦାମର ନୁହେଁ । ୧ ଲକ୍ଷରୁ ଆରମ୍ଭ ହୋଇଥାଏ ଜୋତାର ଦାମ୍ ।
ଏହାଛଡା ଦାମୀ ହାଣ୍ଡବ୍ୟାଗ୍ ଓ ଦାମୀ ହାତ ଘଡି ବ୍ୟବାହର କରିବା ମଧ୍ୟ ନୀତା ଅମ୍ବାନୀଙ୍କର ଏକ ସଉକ । ଏହି ହାଣ୍ଡବ୍ୟାଗର ଦାମ ମଧ୍ୟ ୪ଲକ୍ଷ ଟଙ୍କାରୁ ଆରମ୍ଭ । ତାଙ୍କର ଏଭଳି ଦାମୀ ସଉକକୁ ନେଇ ଖୁବ୍ ଚର୍ଚ୍ଚାରେ ନୀତା ଅମ୍ବାନୀ ।