ଅଶିକ୍ଷିତ ସମାଜରେ ଶିକ୍ଷିତ ଝିଅ ରଞ୍ଜିତା : ଜଙ୍ଗଲରୁ ଇଞ୍ଜିନିୟର ହେବାର ସ୍ୱପ୍ନ
କେନ୍ଦୁଝର : ଆଦିବାସୀ ଅଧ୍ୟୁଷିତ କେନ୍ଦୁଝର ତେଲକୋଇ ବ୍ଲକର ଦୂର୍ଗମ ଅଂଚଳ ନମକାନୀ ଗ୍ରାମ । ବନପାହାଡ ଘେରା ଏହି ଗ୍ରାମରେ ରହନ୍ତି ଜୁଆଙ୍ଗ ଜନଜାତିର ଲୋକ । ଶିକ୍ଷା ଏମାନଙ୍କ ପାଇଁ ସାତସପନ । କେହି କେବେ ପାଠର ମୂଲ୍ୟ ଜାଣନ୍ତି ନାହିଁକି ପାଠ ପଢିବାକୁ ଆଗ୍ରହ ବି ପ୍ରକାଶ କରନ୍ତି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏପରି ଏକ ଗ୍ରାମର ଗୋପବନ୍ଧୁ ଜୁଆଙ୍ଗଙ୍କ ଝିଅ ରଞ୍ଜିତା କିନ୍ତୁ ନିଜକୁ ଅଲଗା ଭାବେ ଗଢି ତୋଲିବାକୁ ଅଂଟା ଭିଡିଛି । ବନପାହାଡ ଘେରା ଗ୍ରାମରୁ ବାହାରକୁ ପାଦ କାଢି ଇଞ୍ଜିନିୟର ହେବାର ସ୍ୱପ୍ନକୁ ସାକାର କରିବାକୁ ଉଦ୍ୟମ ଜାରୀ ରଖିଛନ୍ତି । ଏବେ ସେ ଡିପ୍ଲୋମା ଶେଷବର୍ଷର ଛାତ୍ରୀ । ଏହାପରେ ଆହୁରି ଅଧିକ ପାଠ ପଢିବାକୁ ଆଗ୍ରହ ପ୍ରକାଶ କରଛନ୍ତି ରଞ୍ଜିତା । ତେବେ ଆର୍ଥିକ ଅବସ୍ଥା ସ୍ୱଚ୍ଛଳ ନଥିବାରୁ ଏହା କେତେ ଦୁର ସଫଳ ହେବ ସେନେଇ ମଧ୍ୟ ସନ୍ଦେହ ପ୍ରକାଶ କରିଛନ୍ତି ରଞ୍ଜିତା ।
ତେବେ ଗରିବ ହୋଇଥିବାରୁ ଆଗକୁ ଝିଅକୁ ଆଉ ପଢାଇ ପାରିବା ପାଇଁ ଅକ୍ଷମତା ପ୍ରକାଶ କରିଛନ୍ତି ରଞ୍ଜିତାଙ୍କ ବାପା । ସରକାରୀ ସାହାଯ୍ୟ ମିଳିଲେ ଝିଅ କିଛି କରିପାରନ୍ତା ବୋଲି ଆଶା ପ୍ରକାଶ କରିଛନ୍ତି ରଞ୍ଜିତାଙ୍କ ବାପ ମା । ସେହିପରି ରଞ୍ଜିତାର ସଫଳତା ସମଗ୍ର ଜୁଆଙ୍ଗ ଜନଜାତିକୁ ଗୌରବାନ୍ୱିତ କରିଥିବା କହନ୍ତି ତାଙ୍କ ଜାତି ଭାଇ ମାନେ ।
ଏହାସହ ଦେଖନ୍ତୁ ଏହି ଭିଡିଓ –