ପ୍ରେମିକାଙ୍କୁ ଫୁଲ ଭାବି କୋବି ଦେଲେ ପ୍ରେମିକ ! ସୋସିଆଲ ମିଡିଆରେ ଭାଇରାଲ ଉପହାର
ଟେକ୍ସାସ : ପ୍ରେମିକାଙ୍କୁ ଖୁସି କରିବା ପାଇଁ ପ୍ରେମିକମାନେ ଦେଇଥାନ୍ତି ଫୁଲ ଉପହାର । ହେଲେ ଅଜାଣତରେ ଜଣେ ପ୍ରେମିକ ନିଜ ପ୍ରେମିକାଙ୍କୁ ଫୁଲ ବଦଳରେ ଏକ କୋବି ଦେବା ସୋସିଆଲ ମିଡିଆରେ ଭାଇରାଲ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଟେକ୍ସାସରେ ରହୁଥିବା ଜେମରକସ୍ ନାମକ ଜଣେ ଯୁବକ ତାଙ୍କ ପ୍ରେମିକା ଜୋଲିନଙ୍କ ପାଇଁ ଖୁସିରେ ଆଣିଥିଲେ ଏକ ଫୁଲ ତୋଡା । ଏହା ସେ ପ୍ରେମିକାଙ୍କୁ ଉପହାର ଦେଇଥିଲେ । ପ୍ରେମିକା ଜଣକ ଏହି ଉପହାର ଦେଖି ନିଜ ହସକୁ ରୋକି ପାରିନଥିଲେ । କାରଣ ତାଙ୍କ ପ୍ରେମିକ ଯେଉଁ ଫୁଲ ଦେଇଥିଲେ ତାହା ଥିଲା ଏକ ଭିନ୍ନ ପ୍ରଜାତିର କୋବି । ଏହାକୁ ବଡ ବଡ ରେସ୍ତୋରାଁରେ ସାଲାଡ୍ ଭାବେ ବ୍ୟବହାର କରାଯାଏ । ପ୍ରେମିକା ଜଣକ ଏହି ଫଟୋଟିକୁ ମଧ୍ୟ ସୋସିଆଲ ସାଇଟରେ ସେୟାର କରିଥିଲେ । ଜେମରକସଙ୍କ କହିବା ଅନୁସାରେ , ‘ମୁଁ ପୂର୍ବରୁ ଏଭଳି ଫୁଲ ଦେଖିନଥିଲି । ଏଣୁ ଏହାକୁ ଫୁଲ ଭାବି ଆଣିଥିଲି ’ । ଏକଥାକୁ ନେଇ ଦୁହେଁ ଖୁବ୍ ହସିଥିଲେ ।