ସେଲଫି ନିଶାରେ ପୂର୍ବତନ ରାଷ୍ଟ୍ରପତି ପ୍ରଣବ ମୁର୍ଖାଜୀ !
ଆଜିକାଲି ସେଲଫି ନେବା ସମସ୍ତଙ୍କର ଏକ ସଉକ ପାଲଟିଗଲାଣି । ଛୋଟ ଠାରୁ ବଡ ସମସ୍ତେ ଏଥିରେ ମସଗୁଲ୍ । ନିଜର ସ୍ମାର୍ଟଫୋନରେ ସେଲଫି ନେବାର ମଜା ମଧ୍ୟ ନିଆରା । ଆଉ ଏହାର ଫାଇଦା ସବୁ ବର୍ଗର ଲୋକେ ନେଉଛନ୍ତି । ଆଉ ଏହି ଫଟୋକୁ ସୋସିଆଲ ମିଡିଆରେ ସେୟାର କରି ଖୁବ୍ ଖୁସି ହେଉଛନ୍ତି । ଏବେ ଏହି ସେଲଫି ନିଶା ଘାରିଛି ଆମର ପୂର୍ବତନ ରାଷ୍ଟ୍ରପତି ପ୍ରଣବ ମୁର୍ଖାଜୀଙ୍କୁ । ଆଉ ଶିଖୁଛନ୍ତି କେମିତି ସେଲଫି ଉଠାଯାଏ । ଆପଣ ଭାବୁଥିବେ ତାଙ୍କୁ କିଏ ଶିଖାଉଛନ୍ତି ଏହି ସେଲଫି । ସେ ଜଣେ ଛୋଟ ପିଲା । ଯାହାଙ୍କ ନାମ ହମଜା ସୈଫି ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତରେ ପ୍ରଣବ ମୁର୍ଖାଜୀ ନିଜର ଟ୍ୱିଟର ଆକାଉଂଟରେ ଜଣେ ପିଲା ସହ ଏକ ସେଲଫି ଫଟୋ ସେୟାର କରିଛନ୍ତି । ଏହି ଫଟୋରେ ସେ ପିଲାଟିର ମୁଣ୍ଡରେ ହାତ ରଖିଛନ୍ତି । ଫଟୋ ସହ କ୍ୟାପଶନରେ ଲେଖିଛନ୍ତି , ‘ପିଲାଙ୍କ ସହ ମିଶିବା ସବୁବେଳେ ମୋତେ ଭଲଲାଗେ । ଏହି ଫଟୋରେ ନଜର ଆସୁଥିବା ପିଲାଟି ହମଜା ସୈଫି । ଯିଏ ମୋତେ ଶିଖାଇଛି ସେଲଫି କେମିତି ନିଆଯାଏ ।’
ଦେଶର ପୂର୍ବତନ ରାଷ୍ଟ୍ରପତିଙ୍କର ଏହି ଫଟୋକୁ ଏବେସୁଦ୍ଧା ହଜାର ଲୋକ ଲାଇକ୍ କରିସାରିଲେଣି ଏବଂ ଶହେ ଲୋକ ଏହାକୁ ରିଟ୍ୱିଟ୍ କରିଛନ୍ତି । ଟ୍ୱିଟରରେ ଲୋକେ ଏହି ଫଟୋକୁ ଖୁବ୍ ତାରିଫ୍ କରିଛନ୍ତି । ଏହି ବର୍ଷ ୨୪ ଜୁଲାଇରେ ରାଷ୍ଟ୍ରପତି ପଦରୁ ପ୍ରଣବମୁଖାର୍ଜୀଙ୍କର କାର୍ଯ୍ୟକାଳ ଶେଷ ହୋଇଥିଲା ।