ପ୍ରେମ ହୋଇଗଲା ଆତଙ୍କବାଦୀକୁ ! କାମ ରହିଗଲା ଅଧା
କୁହାଯାଏ ପ୍ରେମ କେତେବେଳେ କେମିତି ହୋଇଯାଏ , ଏହା କାହାକୁ ଜଣାନଥାଏ । ସ୍ଥାନ, କାଳ ଓ ପାତ୍ର ବିଶେଷରେ ଏହା ସବୁଠି ବିଚରଣ କରିଥାଏ । ଏମିତି ଏକ ଘଟଣା ସାମ୍ନାକୁ ଆସିଛି । ଆମେରିକାର ଗୁପ୍ତଚର ସଂସ୍ଥା ଏଫବିଆଇର ଜଣେ ମହିଳା କର୍ମଚାରୀଙ୍କ ଆଶ୍ଚର୍ଯ୍ୟକର ମାମଲା ଏବେ ଚର୍ଚ୍ଚିତ ସାଜିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଡେନିଏଲା ଗ୍ରୀନ ନାମଙ୍କ ଏହି ମହିଳା ୨୦୧୪ରେ ଆତଙ୍କବାଦୀଙ୍କ ଯାଂଚ ପାଇଁ ଗୋପନୀୟ ଭାବେ ଯାଇଥିଲେ ସିରିଆ । କିନ୍ତୁ ସେଠାରେ ତାଙ୍କର ଜଣେ ଆତଙ୍ଗବାଦୀ ସହ ପ୍ରେମ ହୋଇଗଲା ଏବଂ ପରସ୍ପର ବିବାହ କରିଥିଲେ । ଭୟଙ୍କର ଆତଙ୍କ ଓ ହତ୍ୟା ଦେଖି ଗୋଟେ ସପ୍ତାହରେ ନିଜ ଭୁଲର ପଶ୍ଚାତାପ କରିବାକୁ ଲାଗିଲେ ଡେନିଏଲା । ସେ ଏଫବିଆଇକୁ କହିଛନ୍ତି ଯେ , ସିରିଆରେ ତାଙ୍କ ଭେଟ ଡେନିସ୍ କସ୍ପର୍ଟ ନାମକ ଜଣେ ଆଇଏସ୍ ଆତଙ୍କୀ ସହ ହୋଇଥିଲା । ଡେନିସ ପାଖାପାଖି ୧ ବର୍ଷ ତଳେ ନିଜର ଧର୍ମ ପରୋବର୍ତ୍ତନ କରି ସିରିଆରେ ପହଁଚିଥିଲେ ଏବଂ ଆଇଏସ୍ ଆତଙ୍କବାଦୀ ହୋଇଯାଇଥିଲେ । ଜର୍ମାନୀରେ ରହୁଥିବା ଡେନିସ୍ ଥିଲେ ରାପ୍ ସିଙ୍ଗର ।
ଡେନିଏଲା ଆମେରିକା ଫେରିବାକୁ ଚାହୁଁଥିଲେ । କିନ୍ତୁ ଆତଙ୍କବାଦୀଙ୍କ ଜାଲରୁ ଖସିବା ସହଜ ନଥିଲା । କାରଣ ଧରାପଡିଲେ ମୃତ୍ୟୁ ସୁନିଶ୍ଚିତ । ସେ ଡେନିସଙ୍କୁ ନିଜର କଥାରେ ବିଶ୍ୱାସ ଜନ୍ମାଇଲେ । ଏହାପରେ କୈାଶଳ କରି ଆମେରିକା ଆସିବାରେ ସଫଳ ହୋଇଥିଲେ । ଡେନିଏଲା ନିଜର ସେହି ଅନୁଭୂତିକୁ ବଖାଣିବା ସହ ଚକିତ ହେଉଛନ୍ତି କେମିତି ଏପରି ଭୁଲ୍ ହୋଇଗଲା । ( ସୈାଜନ୍ୟ : ଭାସ୍କର ଡଟ୍ କମ୍ )