ମହିଳାଙ୍କ ବୁଦ୍ଧିକୁ ସଲାମ୍ କଲା ମୁମ୍ବାଇ ପୁଲିସ୍ ! ଟିଭି ସିରିୟଲ ଦେଖି ପତିଙ୍କୁ ଅପହରଣକାରୀଙ୍କ ଠାରୁ ବଂଚାଇଲେ ପତ୍ନୀ
ପତିଙ୍କର ଅପହରଣ ହୋଇଯିବ ଏବଂ ଏହାପରେ ଅପହରଣକାରୀ ଗୋଟିଏ ପରେ ଗୋଟିଏ ଆତଙ୍କୀତ ଭିଡିଓ ପତ୍ନୀଙ୍କ ପାଖକୁ ପଠାଇବେ । ଏହା ଯେକୌଣସି ମହିଳାଙ୍କ ପାଇଁ ହୃଦୟବିଦାରକ ହୋଇଥାଏ । ଆଉ ସେ ଏହାକୁ ନେଇ ଖୁବ୍ ଭାଂଗି ମଧ୍ୟ ପଡିବେ । କିନ୍ତୁ ହେତଲ ଶାହ ନାମ୍ନୀ ଜଣେ ମହିଳା ଏମିତି ‘ସାହସିକତା’ ଦେଖାଇଛନ୍ତି , ଯାହାକୁ ଦେଖି ମୁମ୍ବାଇ ପୁଲିସ୍ କରିଛି ସଲାମ୍ । ଆଉ ତାଙ୍କର ଏହି ଉପସ୍ଥିତ ବୁଦ୍ଧିକୁ କରିଛି ତାରିଫ ।
Kanak News is now on WhatsApp
Join and get latest news updates delivered to you via WhatsApp
ନବଭାରତ ଟାଇମ୍ସରେ ପ୍ରକାଶିତ ତଥ୍ୟ ଅନୁସାରେ, ହେତଲଙ୍କର ବୁଦ୍ଧିବିଚାର ଯୋଗୁଁ ତାଙ୍କର ୩୯ ବର୍ଷିୟ ପତି ଭାବିନ୍ ଶାହଙ୍କୁ ଶୁକ୍ରବାର ଦିନ ଅପହରଣକାରୀଙ୍କ କବଜାରୁ ପୁଲିସ୍ ଛଡାଇ ଆଣିବାରେ ସଫଳ ହୋଇଛନ୍ତି । ଏହି ମାମଲାରେ ସମୁଦାୟ ୬ଜଣ ଆରୋପିଙ୍କୁ ଗିରଫ କରାଯାଇଛି । ଡିସିପି ପରମଜିତ୍ ସିଂହ ଦହିଆ ଶନିବାର ଦିନ କହିଛନ୍ତି ,ଏହି ଅପହରଣକାଣ୍ଡର ମାଷ୍ଟର ମାଇଣ୍ଡ ମହମ୍ମଦ ଶାନୁ ଥିଲେ । ଶାନୁ ପୂର୍ବରୁ ଭାବିନଙ୍କ ବଡ ଭାଇଙ୍କ ସହ ମିଶି ମୋବାଇଲ୍ ବ୍ୟବସାୟ କରୁଥିଲେ । ଭାଇଙ୍କର କିଛି ବର୍ଷ ପରେ ମୃତ୍ୟୁ ହୋଇଯାଇଥିଲା । ଶାନୁକୁ ଭାଇର ବାହାନାରେ ଭାବିନଙ୍କ ସଂପତ୍ତି ବିଷୟରେ ଅବଗତ ଥିଲେ । ଏଥିପାଇଁ ସେ ଏକ ଦଳ ଗଠନ କଲେ ଏବଂ କେମିକାଲ୍ ଟ୍ୟାଙ୍କର ବିଜନେସ୍ ସହ ଜଡିତ ଭାବିନଙ୍କୁ ଅପହରଣ କରିବାର ଉପାୟ ରଚିଲେ ।
କେମିତି ହୋଇଥିଲା ଅପହରଣ ?
ଭାବିନ୍ ୩୧ ଅକ୍ଟୋବରରେ ଅନ୍ଧେରୀ ଆରଟିଓ କୌଣସି କାମରେ ଯାଇଥିଲେ । ଦ୍ୱିପ୍ରହର ୨ଟା ଥିଲା ସମୟ । ସେ ପତ୍ନୀ ହେତଲଙ୍କୁ ଫୋନ୍ କରି କହିଲେ ୩ଟା ସୁଦ୍ଧା ଘରେ ପହଁଚିଯିବେ । କିନ୍ତୁ ସେଦିନ ଯେତେବେଳେ ଭାବିନ ଘରକୁ ଆସିଲେ ନାହିଁ , ପତ୍ନୀ ଅମ୍ବୋଲି ପୁଲିସ୍ ଷ୍ଟେସନରେ ମିସିଂ ମାମଲା ରୁଜୁ କଲେ । ତାପର ଦିନ ୧ନଭେମ୍ବରରେ ଦିନ ୨ଟା୩୮ମିନିଟରେ ହେତଲଙ୍କ ମୋବାଇଲକୁ ଭାବିନଙ୍କ ନମ୍ବରରୁ କଲ୍ ଆସିଲା । କଲ୍ କରିଥିବା ଲୋକ ହେତଲକୁ ନିଜର ହ୍ୱାଟ୍ସଅପ୍ ଚେକ୍ କରିବାକୁ କହିଥିଲେ । ଏହି ହ୍ୱାଟ୍ସ ଆପରେ ଭାବିନଙ୍କର ଏକ ଭିଡିଓ ଥିଲା । ଯେଉଁଥିରେ ତାଙ୍କର ଶରୀରରେ ଛୁରୀ ରଖାଯାଇଥିଲା । ସେ କହୁଥିଲେ – ‘ମୋତେ ଅପହରଣ କରାଯାଇଛି । ତୁମେ ୮୨ ଲକ୍ଷ ଟଙ୍କାର ବ୍ୟବସ୍ଥା କର । ଏହି ଅର୍ଥ ଏହି ଲୋକଙ୍କ ଦିଅ ଓ ମୋତେ ଯେମିତି ହେଉ ଏହି ଠାରୁ ନେଇଯାଅ । ’ ହେତଲ ତୁରନ୍ତ ଏହି ସୂଚନା ପୁଲିସଙ୍କୁ ଦେଇଥିଲେ ।
କେମିତି ଅପହାରଣକାରୀଙ୍କୁ ହେତଲ ଦେଲେ ଚକମା ?
ଏହାପରେ ହେତଲକୁ କୁହାଗଲା କି ସେ ସେ ଶୁକ୍ରବାର ଦିନ ଅପହରଣକାରୀ କହିଥିବା ଅର୍ଥକୁ ନେଇ ଅନେ୍ଧରୀ ରୁ ନାଲାସୋପାରାକୁ ଥିବା ଟ୍ରେନରେ ବସିବାକୁ । ସେ ଚିନ୍ତିତ ଥିଲେ ଏଥିପାଇଁ ଯେ ବିନା ଟିକେଟରେ ଷ୍ଟେସନରେ ପହଁଚିଯାଇଥିଲେ । ସାଦା ପୋଷାକରେ ତାଙ୍କ ସହ ମହିଳା କୋଚରେ ମହିଳା ଅଫିସର ଥିଲେ କିନ୍ତୁ ଯେତେବେଳେ ଟିସି ତାଙ୍କୁ ବିନା ଟିକେଟରେ ଯାତ୍ରା କରୁଥିବାର ଦେଖିଲେ ଜୋରିମନା ଦେବାକୁ କହିଲେ । ସେ ଏହି ଜୋରିମନା ମଧ୍ୟ ଭରିଲେ , କାରଣ ତାଙ୍କ ସହ ପୁଲିସ୍ ଅଛନ୍ତି ବୋଲି କହିବାକୁ ଚାହୁଁନଥିଲେ । ଏହାପରେ ତାଙ୍କୁ ଅପହରଣକାରୀଙ୍କ ଦ୍ୱାରା ବାରମ୍ବାର ଟ୍ରେନରୁ ଓହ୍ଲାଇବା ଓ ଚଡିିବାକୁ ନିର୍ଦ୍ଦେଶ ଦିଆଯାଉଥିଲ ।
ଶେଷରେ ରାତି ସାଢେ ଦଶରେ ବସଇ ରେଲୱେ ଷ୍ଟେସନରେ ଓହ୍ଲେଇଲେ । ଏବଂ ସେଠାରେ ଦୁଇ ଅପହରଣକାରୀଙ୍କୁ ଆଣିଥିବା ଟଙ୍କା ଦେବାକୁ କୁହାଗଲା । ଯେମିତି ହେତଲ ଏହି ଅର୍ଥ ସେମାନଙ୍କୁ ଦେଇଛନ୍ତି , ସାଧା ପୋଷାକରେ ଥିବା ପୁଲିସ୍ ତୁରନ୍ତ ଅପହରଣକାରୀଙ୍କୁ ଧରିଥିଲେ । ପଚରାଉଚରା ପରେ ଯେଉଁ ଘରେ ଭାବିନଙ୍କୁ ରଖାଯାଇଥିଲା ତାର ଠିକଣା ପାଇଥିଲେ । ସେହି ଘରୁ ଆଉ ୪ ଆରୋପିଙ୍କୁ ଧରିଲେ ପୁଲିସ୍।
ଆଉ ଏସବୁ ହୋଇଥିଲା ଭାବିନଙ୍କ ପତ୍ନୀ ହେତଲଙ୍କ ଉପସ୍ଥିତି ବୁଦ୍ଧି ଯୋଗୁଁ । ସେ ଅପହରଣକାରୀଙ୍କୁ କହିଥିଲେ ସେ କେବଳ ମିସିଂ କେସର ସୂଚନା ଦେଇଛନ୍ତି । ଏଫଆଇଆର୍ ଦେଇନାହାଁନ୍ତି । ପରେ ପୁଲିସଙ୍କୁ କହିଦେବି ଯେ ପତି ଏମିତି କହି ଚାଲିଯାଇଥିଲେ । ପୁଣି ଫେରି ଆସିଲେ । ଆଉ ଏହି ଉପାୟ ହେତଲ କ୍ରାଇମ୍ ଧାରାବାହିକ ଦେଖି ଜାଣିପାରିଥିଲେ । ଯାହାକୁ ସେ ନିଜ ପତିଙ୍କ ସହ ନିୟମିତ ଦେଖୁଥିଲେ । ଆଉ ଏହାକୁ ପ୍ରୟୋଗ କରି ହେତଲ ଅପହାରଣକାରୀଙ୍କ ଠାରୁ ନିଜ ପତିଙ୍କୁ ଛଡାଇଥିଲେ ।