ହିମାଚଳ –ଗୁଜୁରାଟ ନିର୍ବାଚନ ଚିନ୍ତା : ଜିଏସଟିକୁ ନେଇ ବ୍ୟବସାୟୀଙ୍କ ସମସ୍ୟା ବୁଝିବେ ମନ୍ତ୍ରୀ ଓ ସାଂସଦ
ହିମାଚଳ ପ୍ରଦେଶ ଓ ଗୁଜୁରାଟ ବିଧାନସଭା ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିଛି ବିଜେପି । ଏଥିପାଇଁ ବିଜେପିର ତମାନ ନେତା ଲାଗିପଡିଛନ୍ତି । ଜିଏସଟି ଯୋଗୁ ବ୍ୟବସାୟୀଙ୍କ ଅସୁବିଧାକୁ ନେଇ ବିଜେପି ନେତୃତ ଚିନ୍ତିତ ଅଛନ୍ତି । ବ୍ୟବସାୟୀଙ୍କ ହଇରାଣ ହରକତ ଯୋଗୁ ହିମାଚଳ ପ୍ରଦେଶ ଓ ଗୁଜୁରାଟ ବିଧାନସଭା ନିର୍ବାଚନରେ ବିଜେପରି ଯେପରି କୌଣସି କ୍ଷତି ନହୁଏ,ସେଥିପାଇଁ ସମସ୍ତ ଅସୁବିଧାକୁ ଦୂର କରିବା ପାଇଁ ବିଜେପି ପକ୍ଷରୁ ସ୍ୱତନ୍ତ୍ର କାର୍ଯ୍ୟକ୍ରମ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜିଏସଟି ସମ୍ପର୍କିତ ଅସୁବିଧା ନେଇ ବ୍ୟବସାୟୀଙ୍କ ସହ ଆଲୋଚନା କରିବା ପରେ ରିପୋର୍ଟ ପ୍ରସ୍ତୁତ କରି ଅର୍ଥ ମନ୍ତ୍ରାଳୟକୁ ପ୍ରଦାନ କରିବାକୁ କେନ୍ଦ୍ର ମନ୍ତ୍ରୀଙ୍କ ସହ ବିଜେପିର ସମସ୍ତ ସାଂସଦଙ୍କୁ ନର୍ଦେଶ ଦିଆଯାଇଛି । ଏହି ରିପୋର୍ଟ ଆଧାରରେ ଅର୍ଥ ମନ୍ତ୍ରାଳୟ ତୁରନ୍ତ ପଦକ୍ଷେପ ନେବ । ତା ସହ ବ୍ୟବସାୟୀଙ୍କ ସହ ଆଲୋଚନା କରି ସେମାନଙ୍କ ସମସ୍ୟା ଓ ଅସୁବିଧାକୁ ଦୂର କରାଯିବ । ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ଏଥିପାଇଁ ସମସ୍ତ ପ୍ରସ୍ତୁତି ସରିଛି, ଖୁବ ଶୀଘ୍ର କାମ ଆରମ୍ଭ ହେବ ।
କେନ୍ଦ୍ର ସରକାରଙ୍କ କିଛି ବରିଷ୍ଠ ମନ୍ତ୍ରୀ ଓ ବରିଷ୍ଠ ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କୁ କହିଛନ୍ତି ବିମୁଦ୍ରାକରଣ ପରେ ଯେପରି ଜିଏସଟିକୁ ଲାଗୁ କରାଗଲା ଏହାଦ୍ୱାରା ବ୍ୟବସାୟୀମାନେ ପ୍ରଭାବିତ ହୋଇଛନ୍ତି । ବିଶେଷକରି ଛୋଟ ଓ ମଧ୍ୟମ ଧରଣର ବ୍ୟବସାୟୀମାନେ ରିର୍ଟର୍ଣ୍ଣ ଫାଇଲ ଓ ସାମଗ୍ରୀ କିଣାବିକା ଉପରେ କି ପ୍ରକାର ଅସୁବିଧା ସାମନା କରିବାକୁ ପଡୁଛନ୍ତି ଜାଣିବାକୁ ପଡିବ । ଏଥିପାଇଁ ବ୍ୟବସାୟୀଙ୍କ ନିକଟକୁ ଯାଇ କଥାବାର୍ତା କରିବାକୁ ହେବ । ବ୍ୟବସାୟୀଙ୍କୁ ବୁଝାଇ ନପାରିଲେ ନିର୍ବାଚନ ରଣାଙ୍ଗନରେ ଦଳକୁ କ୍ଷତି ସହିବାକୁ ପଡିପାରେ । ସେପଟେ ଅର୍ଥମନ୍ତ୍ରୀ ଅରୁଣ ଜେଟଲୀ କହିଛନ୍ତି ଯେତେ ଲୋକ ଜିଏସଟି ପଂଜୀକରଣ କରିଛନ୍ତି ସେଥିମଧ୍ୟରୁ ୬୦ ପ୍ରତିଶତ କ୍ଷୁଦ୍ର ଓ ମଧ୍ୟମ ଧରଣର ବ୍ୟବସାୟୀ ।
କେନ୍ଦ୍ର ସରକାରଙ୍କ ମନ୍ତ୍ରୀ ଓ ସାଂସଦଙ୍କୁ କୁହାଯାଇଛି କି ବ୍ୟବସାୟୀଙ୍କୁ ନିକଟକୁ ଯାଇ ନିୟମିତସେମାନଙ୍କ ସମସ୍ୟା ବୁଝିବେ ଓ ବୈଠକ କରିବେ । ଅର୍ଥ ମନ୍ତ୍ରାଳୟ ସହ ଜଡିତ ଅନ୍ୟ ବିଭାଗର କିଛି ମନ୍ତ୍ରୀଙ୍କୁ ମଧ୍ୟ ଏ ନେଇ ନିର୍ଦେଶ ମିଳିସାରିଛି । ବ୍ୟବସାୟୀଙ୍କ ନିକଟକୁ ଯାଇ ଜିଏସଟି ସମ୍ପର୍କିତ ସମସ୍ୟା ବୁଝିବେ । କଣ କଣ ସମସ୍ୟାର ସାମନା କରିବାକୁ ପଡୁଛି ସେନେଇ ବୁଝିବେ । ଅର୍ଥ ମନ୍ତ୍ରାଳୟ ସୂଚନା ଅନୁସାରେ ଯେଉଁ ରାଜ୍ୟରେ ବିଜେପି ସରକାରରେ ଅଛି ,ସେଠାରେ ମଧ୍ୟ ଜିଏସଟି ସମ୍ପର୍କିତ ଅସୁବିଧା ନେଇ ବ୍ୟବସାୟୀଙ୍କ ସହ ଆଲୋଚନା କରିବେ । ଯଦି ରାଜ୍ୟସ୍ତରରେ ସମାଧାନ ହୋଇପାରିବେ ତାହେଲେ ସମାଧାନ କରିବେ ନହେଲେ ବ୍ୟବସାୟୀଙ୍କ ସହ ଆଲୋଚନା କରି ରିପୋର୍ଟ କେନ୍ଦ୍ର ଅର୍ଥ ମନ୍ତ୍ରାଳୟକୁ ପଠାଇବେ । ଏହି ରିପୋର୍ଟକୁ ଭିତି କରି ସମସ୍ୟା ସମାଧାନ ଉପରେ ପ୍ରାଧାନ୍ୟ ଦିଆଯିବ ।