ଦୁଇ ଦିନର ବିଜେପିର ଜାତୀୟ କାର୍ଯ୍ୟକାରିଣୀ ବୈଠକ । ଆଉ ଏନେଇ ଯେମିତି ଉଠୁଛି ପଡୁଛି ରାଜଧାନୀ । ଭୁବନେଶ୍ୱରକୁ ବିଭିନ୍ନ ରାଜ୍ୟ ସହ କେନ୍ଦ୍ରୀୟ ନେତାମାନେ ଆସିବାଠାରୁ କାର୍ଯ୍ୟକାରିଣୀ ବୈଠକ ହେବା ଯାଏ ଚାଲିଛି ଉତ୍ସାହ ଓ ଲୋକଙ୍କ ମନରେ ମୋଦିଙ୍କୁ ଦେଖିବାକୁ ବଢୁଛି ବ୍ୟାକୁଳତା ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ଭଳି ଭାବେ ଏହି କାର୍ଯ୍ୟକାରିଣୀକୁ ନେଇ ଲୋକଙ୍କ ମଧ୍ୟରେ ଭିଡ ଲାଗିରହିଛି ,ତା ପ୍ରମାଣିତ ହୋଇଛି ମୋଦିଙ୍କ ରୋଡ ସୋ ବେଳେ । ହଜାର ହଜାର ଲୋକ ମୋଦି ଆସୁଥିବା ରାସ୍ତାରେ ଠିଆ ହୋଇ ସ୍ୱାଗତ କରିଥିଲେ । କନକ ନ୍ୟୁଜକୁ ନିଜର ପ୍ରତିକ୍ରିୟା ଦେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି – ରାଜ୍ୟବାସୀ ଏବେ ଖୋଜିଲେଣି ଆଉ ଏକ ସରକାର । ତାର ବିକଳ୍ପ ସାଜିଛି ବିଜେପି । ୧୭ ବର୍ଷର ଶାସନରେ ଓଡିଶାବାସୀଙ୍କୁ ମୈାଳିକ ସୁବିଧା ଯୋଗାଇବାରେ ବିଫଳ ହୋଇଛନ୍ତି ନବୀନ ସରକାର । ଏଣୁ ପଟ୍ଟ ପରିବର୍ତ୍ତନ ପାଇଁ ସ୍ଥିର କରିସାରିଲେଣି ରାଜ୍ୟବାସୀ । ଓଡିଶାରେ କ୍ଷମତା ଦଖଲ କରି ପୂର୍ବାଂଚଳରେ ବିକାଶର ବିଗୁଲ ବଜାଇବ ବିଜେପି । ଆଉ ଏହି କ୍ଷମତା ଯୁଦ୍ଧର ଅୟମାରମ୍ଭର ଝଲକ ଦେଖିବାକୁ ମିଳିଛି ଗତ ପଂଚାୟତ ନିର୍ବାଚନରୁ ଏବଂ ଏହାପରେ ଏହା ବେଶୀ ପ୍ରମାଣିତ ହୋଇଛି ଏହି ଜାତୀୟ କାର୍ଯ୍ୟକାରିଣୀରୁ । ଏବେ ଚାରିଆଡେ ଲୋକେ କୁହାକୁହି ହେଉଛନ୍ତି ବିଜେଡି ଶିବିରରେ ଭାଳେଣି ପଡିଲାଣି ।
ଏହାସହ ମଧ୍ୟ ପଢନ୍ତୁ – ନଜରରେ ଯୋଗୀ ଆଦିତ୍ୟନାଥ : କାର୍ଯ୍ୟକାରିଣୀରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କୁ ନେଇ ଚର୍ଚ୍ଚା