ଧୋନୀ ପାଇବେ ପଦ୍ମ ଭୂଷଣ ! ବିସିସିଆଇ ଏହି ପୂର୍ବ ଅଧିନାୟକଙ୍କର ନାଁକୁ କରିଛି ସୁପାରିଶ
କନକ ବ୍ୟୁରୋ : ଭାରତୀୟ କ୍ରିକେଟ କଂଟ୍ରୋଲ ବୋର୍ଟ (ବିସିସିଆଇ) ଦଳର ପୂର୍ବତନ ଅଧନାୟକ ମହେନ୍ଦ୍ର ସିଂହ ଧୋନୀଙ୍କୁ ଦେଶର ୩ୟ ସବୁଠୁ ବଡ ନାଗରିକ ସମ୍ମାନ ଦେବାକୁ ଅଂଟା ଭିଡିଛନ୍ତି । ଆଉ ଧୋନିଙ୍କ ନାଁକୁ ପଦ୍ମ ଭୂଷଣ ପାଇଁ ନାମାଙ୍କିତ କରିବାକୁ ନିଷ୍ପତ୍ତି ନେଇଛନ୍ତି । ଧୋନୀଙ୍କର ଖେଳ ବିଶେଷ ଯୋଗଦାନ ପାଇଁ ଏପରି ନିଷ୍ପତ୍ତି ନେଇଛି ବିସିସିଆଇ । ବିସିସିଆଇର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି ଯେ, ବୋର୍ଡ ଏହି ବର୍ଷ କେବଳ ଗୋଟିଏ ନାମକୁ ସୁପାରିଶ କରିବାକୁ ନିଶ୍ଚିତ କରିଛି । ସ କେହିଛନ୍ତି ଦେଶର ସବୁଠୁ ସଫଳ ଅଧିନାୟକଙ୍କର ନାଁ ପଠାଇବାକୁ ସର୍ବସମ୍ମତ୍ତିରେ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିସିସିଆଇର ଜଣେ ଅଧିକାରୀ ନାମ ଛାପିବା ସର୍ତ୍ତ ରଖି କହିଛନ୍ତି, ବୋର୍ଡ ମହେନ୍ଦ୍ର ସିଂହ ଧୋନୀଙ୍କୁ ପଦ୍ମ ଭୂଷଣ ପୁରସ୍କାର ପାଇଁ ନାମିତ କରିବାକୁ ନିଷ୍ପତ୍ତି ନେଇଛି । ସଦସ୍ୟଙ୍କ ମଧ୍ୟରେ ଧୋନୀଙ୍କ ନାମକୁ ନେଇ କୈାଣସି ଦ୍ୱିମତ ମଧ୍ୟ ନାହିଁ । ଧୋନୀ ଦୁଇଟି ବିଶ୍ୱ କପ୍ ( ୨୦୧୧ରେ ୫୦ ଓଭରର ବିଶ୍ୱ କପ୍ ଓ ୨୦୦୭ରେ ୱଲର୍ଡ ଟି-୨୦) ବିପକ୍ଷରେ ଜିତିଛନ୍ତି । ଏହାଛଡା ୱାନ ଡେ ଇଂଟରନ୍ୟାସନାଲରେ ୧୦ ହଜାର ପାଖାପାଖି ରନ୍ , ୯୦ ଟେଷ୍ଟ ମ୍ୟାଚ୍ ଖେଳିଛନ୍ତି । ଆମେ ନାମାଙ୍କନ କରିବା ପାଇଁ ଧୋନୀଙ୍କ ଠାରୁ ଅନ୍ୟ କିଛି ବିକଳ୍ପ ପାଇନଥିଲୁ ।
ବିସିସିଆଇ ଏହି ବର୍ଷ ପଦ୍ମ ପୁରସ୍କାର ପାଇଁ ଆଉ କୈାଣସି ଖେଳାଳୀଙ୍କ ନାମ ପଠାଇନାହିଁ । ୩୬ ବର୍ଷୀୟ ଧୋନୀ ୩୦୨ ୱାନଡେ ମ୍ୟାଚ୍ ରେ ୯୭୩୭ ରନ୍ କରିଛନ୍ତି ଏବଂ ୯୦ଟି ଟେଷ୍ଟ ମ୍ୟାଚରେ କରିଛନ୍ତି ୪୮୭୬ ରନ୍ । ଏହା ଛଡା ୭୮ଟି ଟି-୨୦ ଇଂଟରନ୍ୟାସନାଲ ମ୍ୟାଚରେ ୧୨୧୨ରନ୍ କରିଛନ୍ତି । ଧୋନୀଙ୍କ ନାମରେ ୧୬ଟି ଅନ୍ତରାଷ୍ଟ୍ରୀୟ ଶତକ ରହିଛି । ଟେଷ୍ଟରେ ସେ ୬ଟି ଓ ୱାନଡେରେ ୧୦ଟି ଶତକ କରିଛନ୍ତି । ଖାଲି ଏତିକି ନୁହେଁ ସେ ଅନ୍ତରାଷ୍ଟ୍ରୀୟ କ୍ରିକେଟରେ ୧୦୦ ହାଫ୍ ସେଂଚୁରୀ ମଧ୍ୟ କରିଛନ୍ତି ।
ୱିକେଟକିପର ସ୍ତରରେ ଧୋନୀ ସବୁ ଫର୍ମାଟରେ ମିଶାଇ ୫୮୪ କ୍ୟାଚ(୨୫୬ଟି ଟେଷ୍ଟରେ ,୨୮୫ଟି ୱାନଡେ କ୍ରିକେଟରେ ଓ ଟି-୨୦ ଇଂଟରନ୍ୟାସନାଲରେ ୪୩ ଟି) ନେଇଛନ୍ତି । ଏହାସହ ସେ ୧୬୩ ଟି ଷ୍ଟମ୍ପ ଆଉଟ୍ ମଧ୍ୟ କରିଛନ୍ତି । ଧୋନୀଙ୍କୁ ପ୍ରତିଷ୍ଠିତ ଅର୍ଜୁନ ପୁରସ୍କାର , ରାଜୀବ ଗାନ୍ଧୀ ଖେଳ ରତ୍ନ ପୁରସ୍କାର ଓ ପଦ୍ମଶ୍ରୀ ପୁରସ୍କାର ମଧ୍ୟ ମିଳିସାରିଛି । ଯଦି ଧୋନୀଙ୍କୁ ପଦ୍ମ ଭୂଷଣ ମିଳିବ , ସେ ଏହି ସମ୍ମାନ ପାଇବାରେ ୧୧ତମ କ୍ରିକେଟର ହେବେ । ତାଙ୍କ ପୂର୍ବରୁ ସଚିନ୍ ତେନ୍ଦୁଲକର , କପିଲ ଦେବ, ସୁନିଲ ଗାଭାସ୍କର, ରାହୁଲ୍ ଦ୍ରାବିଡ୍ , ଚନ୍ଦୁ ବୋର୍ଡି, ପ୍ରଫେସର ଡିବି ଦେୱଧର , କର୍ଣ୍ଣଲ ସିକେ ନାଇଡୁ ଓ ଲାଲା ଅମରନାଥ ଆଦିଙ୍କୁ ଏହି ସମ୍ମାନ ମିଳିସାରିଛି ।