କଣ୍ଢେଇ ସହ କଟୁଛି ଜୀବନ : ନିଃସଙ୍ଗତା ଦୂର ପାଇଁ ଏହି ବ୍ୟକ୍ତି କଣ୍ଢେଇକୁ କରିଛନ୍ତି ସାଥୀ
ପତି-ପତ୍ନୀଙ୍କ ମଧ୍ୟରୁ ଜଣକର ମୃତ୍ୟୁ ହୋଇଗଲେ ଜୀବନ ପାଲଟିଯାଏ ନିସ୍ୱ ଓ ନିଃସହାୟ । ଅନ୍ୟ ଜଣକ ପାଇଁ ବଂଚିବା କଷ୍ଟକର ହୋଇପଡେ । ହେଲେ ଏମିତି ଏକ ବ୍ୟକ୍ତିଙ୍କ ବିଷୟରେ ଖବର ପ୍ରକାଶିତ ହୋଇଛି, ଯିଏ ନିଜ ପତ୍ନୀଙ୍କ ବିୟୋଗ ପରେ ଦ୍ୱିତୀୟ ବିବାହ ନକରି ଡଲକୁ (କଣ୍ଢେଇ) କରିଛନ୍ତି ଜୀବନର ସାଥୀ । ଏକଥା ଗପ ପରି ଲାଗୁଥିଲେ ବି ପୂରା ସତ ।
Kanak News is now on WhatsApp
Join and get latest news updates delivered to you via WhatsApp
ଚୀନରେ ରହୁଥିବା ୫୯ ବର୍ଷିୟ ଲି ଚେନ୍ ନାମକ ବ୍ୟକ୍ତି ଗୋଟିଏ କି ଦୁଇଟି ନୁହେଁ ଏକକାଳୀନ ସାତୋଟି ଡଲ୍ ସହ କଟାଉଛନ୍ତି ଦୈନିକ ଜୀବନ । ହସ ,କାନ୍ଦ ଓ ଲୁହର ସଂସାରରେ ସଂପର୍କ ଯୋଡିଛନ୍ତି କଣ୍ଢେଇ ସହ । ପ୍ରଥମ ପତ୍ନୀଙ୍କ ମୃତ୍ୟୁ ପରେ ସେ କଣ୍ଢେଇ କିଣିବା ଆରମ୍ଭ କରିଦେଇଥିଲେ । ସେ ସେହି କଣ୍ଢେଇ ସହ କଥା ହେବା ସହ ମିଶି ଖାଇଥାନ୍ତି ।
ପ୍ରକୃତରେ ପତ୍ନୀଙ୍କ ମୃତ୍ୟୁ ପରେ ଲି ଖୁବ୍ ଏକୁଟିଆ ଅନୁଭବ କରୁଥିଲେ ନିଜକୁ । କିଛି ମହିଳାଙ୍କ ସହ ସଂପର୍କ ରଖିବାକୁ ଚେଷ୍ଟା କରିଥିଲେ ବି ଏହା ବେଶୀ ଦିନ ତିଷ୍ଠି ପାରିନଥିଲା । ଲି କୈାଣସି ମଣିଷକୁ ଆଉ ବିଶ୍ୱାସ ନରଖି ,କଣ୍ଢେଇ ସହ ଜୀବନ ବିତେଇବାର ର୍ପୟାସ କଲେ । ଏହାପରେ ବିଭିନ୍ନ ପ୍ରକାରର କଣ୍ଢେଇ କିଣିବା ଆରମ୍ଭ କଲେ । ନିଜ ପୁଅକୁ ମଧ୍ୟ ଲି ଏକ କଣ୍ଢେଇ ଗିଫ୍ଟ କରଛନ୍ତି ।
ସୂଚନା ଅନୁସାରେ ଚୀନରେ ପୁରୁଷଙ୍କ ମଧ୍ୟରେ ସିଲିକନ୍ ଡଲ୍ସର କ୍ରେଜ ଅଧିକ । ଏଠାରେ ପୁରୁଷମାନେ ଡଲ୍ ବା କଣ୍ଢେଇ ସହ ରିଲେସନ ରଖିବାକୁ ଅଧିକ ପସନ୍ଦ କରିଥାନ୍ତି ।