କୁକୁର କରୁଛନ୍ତିି ଆତ୍ମହତ୍ୟା ! ଚର୍ଚ୍ଚାରେ ଡଗ୍ ସୁଇସାଇଡ୍ ବ୍ରିଜ୍
କୁହାଯାଏ ଏ ସଂସାରରେ ମଣିଷ ହେଉଛି ଏକ ଜୀବ ଯାହାର ଚିନ୍ତା ଓ ଚେତନା ଶକ୍ତି ବିକଶିତ । ମଣିଷ ହସେ କାନ୍ଦେ , ପ୍ରତିକ୍ରିୟା ଓ ଅନୁଭବ କରିଥାଏ । କୈାଣସି ଘଟଣା ବା କଥାକୁ ନେଇ ସେ ନିଜକୁ ବଦଳାଏ । ବାଦ ,ବିବାଦ ଓ କଳହ ଏସବୁ ମଣିଷ କରିଥାଏ । ଆଉ ସେଥିରୁ ସୂତ୍ରପାତ ହୁଏ ହତ୍ୟା ଓ ଆତ୍ମହତ୍ୟା । ହଁ ମଣିଷମାନେ ଆତ୍ମହତ୍ୟା କରନ୍ତି ବୋଲି ଆମେ ଜାଣିଛେ । ହେଲେ ଜାଣି ଆଶ୍ଚର୍ଯ୍ୟ ହେବେ ପଶୁ ବି ଆତ୍ମହତ୍ୟା କରନ୍ତି । କୈାଣସି ଘଟଣାରେ ପ୍ରତିକ୍ରିୟା କରନ୍ତି । ଏମିତି ଦେଖିବାକୁ ମିଳିଛି ସ୍କଟଲ୍ୟାଣ୍ଡରେ । ଚର୍ଚ୍ଚାରେ ଡଗ୍ ସୁଇସାଇଡ୍ ବ୍ରିଜ୍ । ଗୋଟିଏ ନିର୍ଦ୍ଦିଷ୍ଟ ପୋଲ ଉପରୁ କୁକୁରମାନେ ଆତ୍ମହତ୍ୟା କରୁଥିବାର ଖବର ଏବେ ଖୁବ୍ ଚର୍ଚ୍ଚାରେ । ଦୈନିକ ଜାଗରଣ ପ୍ରକାଶ କରିଛି ଏଭଳି ଏକ ରହସ୍ୟକର ଖବର ।
Kanak News is now on WhatsApp
Join and get latest news updates delivered to you via WhatsApp
୫୦ ଫୁଟର ଏକ ପୋଲ ଉପରୁ ଏବେ ସୁଦ୍ଧା ୬୦୦ରୁ ଅଧିକ କୁକୁର ଡେଇଁ ଆତ୍ମହତ୍ୟା କରିବାର ପ୍ରୟାସ କରିଛନ୍ତି ଏବଂ ୫୦ଟିର ମୃତ୍ୟୁ ହୋଇଛି । ଏହା ଚକିତ କରିଛି ସମସ୍ତଙ୍କୁ । କଣ ହୋଇପାରେ ଏହା ପଛର କାରଣ । ବିଶେଷଜ୍ଞମାନେ ମଧ୍ୟ ବିସ୍ମିତ । କୁକୁରମାନେ ଏମିତି କାହିଁକି କରୁଛନ୍ତି । ଶୁଣିବାକୁ ମିଳୁଛି ଏମିତି ହେବାର ରହସ୍ୟ ଏହି ପୋଲଟିର ନିକଟରେ ଥିବା ଏକ ୧୦୦ ବର୍ଷ ପୁରୁଣା କୋଠା । କିନ୍ତୁ ସେଠାର କିଛି ଲୋକଙ୍କ କହିବାନୁସାରେ ୧୯୯୪ରେ କେବିନ ନାମକ ଜଣେ ବ୍ୟକ୍ତି ଏହି ପୋଲରେ ନିଜ ପୁଅକୁ ଫିଙ୍ଗିଦେଇ ନିଜେ ଆତ୍ମହତ୍ୟା ଉଦ୍ୟମ କରିଥିଲେ ।
ଏଭଳି ଏକ ରହସ୍ୟପୂର୍ଣ୍ଣ ଘଟଣା ଉପରୁ ଏଯାଏ ବି ପରଦା ହଟିନି । କିନ୍ତୁ ଆଗକୁ କେମିତି କୁକୁରମାନଙ୍କ ମୃତ୍ୟୁ ନଘଟୁ ସେଥିପାଇଁ ପୋଲ ଉପରେ ଏକ ସୂଚନା ଫଳକ ଲଗାଯାଇଛି । କୁକୁର ମାଲିକଙ୍କୁ ସଚେତନ କରାଯାଇଛି ଏବଂ ନିଜ ପାଳିତ କୁକୁରକୁ ଫିତାରେ ବାନ୍ଧି ରଖନ୍ତୁ ବୋଲି ଲେଖାଯାଇଛି ।
ଏହାସହ ଦେଖନ୍ତୁ ଏହି ଭିଡିଓ –