ଇଲେକ୍ଟ୍ରିସିଟି ବିଲ୍ ପ୍ରକ୍ରିୟାରେ ହେବ ବଡ ପରିବର୍ତ୍ତନ ! ଏଣିକି ଆପଣଙ୍କର ଗୋଟିଏ ଫଟୋରେ ହିଁ ପ୍ରସ୍ତୁତ ହେବ ସମସ୍ତ ବିଲ୍, ଜାଣନ୍ତୁ କିପରି
ଇଲେକ୍ଟ୍ରିସିଟି ବିଲ ପ୍ରକ୍ରିୟାରେ ଏକ ବଡ ଧରଣର ପରିବର୍ତ୍ତନ ହେବାକୁ ଯାଉଛି । ଯେଉଁଥିରେ କେବଳ ଫଟୋ ଉଠାଇବା କ୍ଷଣି ହିଁ ଆପଣଙ୍କର ବିଲ୍ ପ୍ରସ୍ତୁତ ହୋଇଯିବ । ତେବେ ଏହା କିପରି ସମ୍ଭବ ତାହା ଜାଣିବା ପାଇଁ ପଢନ୍ତୁ ଏହି ରିପୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ସର୍ବ ପ୍ରଥମେ ଏଠାରେ ଆମେ କହି ରଖୁଛୁ କି, ଏହି ବ୍ୟବସ୍ଥା ବର୍ତ୍ତମାନ ଉତ୍ତରାଖଣ୍ଡରେ କାର୍ଯ୍ୟକାରୀ ହେବାକୁ ଯାଉଛି । ହେି ନୂତନ ବ୍ୟବସ୍ଥା ଆଧାରରେ ଏଣିକି ବିଦ୍ୟୁତ୍ ମିଟରଗୁଡିକରେ ରିଡିଂର କାମ ମୋବାଇଲ ଆପରୁ ହିଁ କରାଯିବ । ଏହି ମୋବାଇଲ ଆପଟିରେ ଆପଣ ମିଟରର ଫଟୋ ଉଠାଇବା କ୍ଷଣି ହିଁ ରିଡିଂ ହିସାବରେ ଆପଣଙ୍କର ବିଦ୍ୟୁତ୍ ବିଲ ପ୍ରସ୍ତୁତ ହୋଇଯିବ । ଆଉ ଏହି ବିଲକୁ ଆପଣ ତୁରନ୍ତ ହିଁ ପାଇଯିବେ । ତେବେ ଏହି ନୂଆ ଟେକନିକକୁ ଉତ୍ତରାଖଣ୍ଡ ପାୱାର କର୍ପୋରେସନ ଲିମିଟେଡ୍ ତରଫରୁ ମୋହଲୀର କଂପାନୀ ଟିଡିଏସ ମ୍ୟାଜଜେମେଂଟ କନସଲଟାଂଟ ପ୍ରାଇଭେଟ୍ ଲିମିଡେଟ ସହିତ ଚୁକ୍ତି ସହ ପ୍ରସ୍ତୁତ କରାଯାଇଛି ।
ପ୍ରଥମ ଚରଣରେ ଏହି ଯୋଜନା ହରିଦ୍ୱାରା ଏବଂ ଔଧମସିଂହ ନଗର ଜନପଦରେ କାର୍ଯ୍ୟକାରୀ କରାଯିବ । ସୂଚନା ମୁତାବକ, ଏହିରାଜ୍ୟମାନଙ୍କରେ ବିଦ୍ୟୁତ୍ ଅପଭୋକ୍ତାଙ୍କୁ ଏକ ଧାର୍ଯ୍ୟ ବିଲ ଦେବାକୁ କୁହାଯାଇଛି । ତେବେ ଉପଭୋକ୍ତା ଯେତେ ଚାହିଁଲେ ବିଦ୍ୟୁତ୍ ଖର୍ଚ୍ଚ କରିପାରିବେ ହେଲେ ବିଲ୍ ରୂପରେ ତାଙ୍କୁ ପ୍ରତିମାସ ନିର୍ଦ୍ଧାରିତ ଟଙ୍କା ପଇଠ କରିବାକୁ ହିଁ ପଡିବ । ଏହାବ୍ୟତୀତ. ଅନେକ ସ୍ଥାନରେ ମିଟର ରିଡିଂରେ ବ୍ୟାପକ ଅନିୟମିତତା ହୋଇଥିବା ନେଇ ବାରମ୍ବାର ଅଭିଯୋଗ ଆସିଛି । ଯାହାକୁ ଦୃଷ୍ଟିରେ ରଖି ୟିପିସିଏଲ ମୋହାଲିର ଏହି କଂପାନୀ ସହିତ ଏକ ଚୁକ୍ତିନାମା ସ୍ୱାକ୍ଷରିତ କରିଛି । ତେବେ ଏହି ଯୋଜନାର ପାଖାପାଖି ୧୪.୧୨ କୋଟି ଟଙ୍କା ଖର୍ଚ୍ଚ କରାଯାଇଛି ।
ଏହି ଯୋଜନା ଆଧାରରେ କଂପାନୀ ମୋବାଇଲ ଆପ ମାଧ୍ୟମରେ ବିଜୁଳି ବିଲ୍ ଉପଭୋକ୍ତାଙ୍କୁ ଦେବ । ଉପଭୋକ୍ତା ମୋବାଇଲ ଆପରୁ ବିଜୁଳି ମିଟରର ଏକ ଫଟୋ ନେବା କ୍ଷଣି ହିଁ ଏହି ଡାଟା ୟୁପିସିଏଲ ସର୍ଭରରେ ଚାଲିଯିବ ଏବଂ ରିଡିଂ ହିସାବରେ ବିଲ୍ ଆପଣା ଛାଏଁ ପ୍ରସ୍ତୁତ ହୋଇଯିବ । ଯାହାଦ୍ୱାରା ଘଟଣାସ୍ଥଳରେ ହିଁ ଉପଭୋକ୍ତାଙ୍କୁ ବିଜୁଳି ବିଲ ପ୍ରଦାନ କରି ଦିଆଯିବ ।