ରାଜନୀତିରେ କେହି ନୁହେଁ କାହାର ! ପୁଅ ବାହାରିଲା ମୋଦି ପ୍ରଶଂସକ, ପ୍ରଧାନମନ୍ତ୍ରୀଙ୍କ ଉପରେ ଅଭଦ୍ର ଟିପ୍ପଣୀ କରିବାରୁ ବାପ ନାଁରେ କେସ୍ କରିଦେଲା ପୁଅ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସକ ତାଙ୍କୁ କେତେ ଭଲ ପାଉଛନ୍ତି ତାହା ଆପଣମାନଙ୍କୁ ବୋଧହୁଏ କିଛି କହିବାକୁ ପଡିବ ନାହିଁ । ସେହିପରି ମୋଦି ବିରୋଧୀ କିଛି ଲୋକ ମଧ୍ୟ ରହିଛନ୍ତି । ତେବେ ନିକଟରେ ଏଭଳି ଏକ ମାମଲା ସାମ୍ନାକୁ ଆସିଛି , ଯାହାକୁ ଜାଣି ଆପଣ ଏକପ୍ରକାରେ ଆଶ୍ଚର୍ଯ୍ୟ ଚକିତ ହୋଇଯିବେ ।କାରଣ ଘଟଣାଟି ହିଁ ସେମିତି ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ନୋଇଡାରେ ଦେଖିବାକୁ ମିଳିଛି ଏକ ଫ୍ୟାମିଲି ଡ୍ରାମା ଆଉ ଏହି ଡ୍ରାମାର ମୁଖ୍ୟ କେନ୍ଦ୍ରବିନ୍ଦୁ ହେଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଦିଙ୍କୁ ନେଇ ଏକ ଘରେ ବାପ-ପୁଅ ମୁହାଁମୁହିଁ ହୋଇଯାଇଥିଲେ । ସୂଚନା ମୁତାବକ, ଏଠାରେ ଜଣେ ବାପା ଦେଇଥିବା ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ଅଭଦ୍ର ଟିପ୍ପଣୀ ରେ ରାଗି ଯାଇ ପୁଅ ନିଜ ଜନ୍ମଦାତା ବିରୋଧରେ ହିଁ ଥାନାରେ ଅଭିଯୋଗ କରିଦେଇଥିଲା । ଏପରିକି ଏକ ମାମଲା ମଧ୍ୟ ରୁଜୁ କରିଛି । ଆଉ ପୁଲିସ ମଧ୍ୟ ପୁଅର ଅଭିଯୋଗକୁ ଭିର୍ତ୍ତି କରି ବାପାକୁ ଗିରଫ କରି ତଦନ୍ତ ଚଳାଇଛି ।
ମୋଦିଙ୍କ ସହିତ ରାମ ଓ ଯୋଗୀଙ୍କ ଉପରେ ବି ଦେଇଥିଲେ ଟିପ୍ପଣୀ
ଖାଲି ଏତିକି ନୁହେଁ ପୁଅର ଅଭିଯୋଗ ପରେ ପୁଲିସ ଫେସବୁକରେ ଭଗବାନ ରାମ, ପ୍ରଧାନମନ୍ତ୍ରୀ ମୋଦି ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଉପରେ ଅଭଦ୍ର ଟିପ୍ପଣୀ କରିବା ଉପରେ ଜଣେ ବ୍ୟକ୍ତିକୁ ଗିରଫ କରିଛି । କୁହାଯାଉଛି କି, ପୁଅ ନିଜ ବାପା ବିରୋଧରେ ମକଦ୍ଦମା ଦାଏର କରିଛି । ଗିରଫ ବ୍ୟକ୍ତିକୁ ବର୍ତ୍ତମାନ ପୁଲିସ ହେପାଜତରେ ରଖିଛି । ତେବେ ଜଣାପଡିଛି କି, ଗିରଫ ହୋଇଥିବା ବ୍ୟକ୍ତି ତଥା ଅଭିଯୋଗ ଆଣିଥିବା ଯୁବକ ଜଣକ ହେଉଛି ଉକ୍ତ ବ୍ୟକ୍ତିବିଶେଷଙ୍କୁ ନିଜ ସନ୍ତାନ । ଯିଏକି ଜଣେ ମୋଦି ପ୍ରଶଂସକ ।
ମିଳିଥିବା ସୂଚନାରୁ ଯାହା ଜଣାପଡିଛି କି, ଅଭିଯୁକ୍ତ ବଦରୁଦ୍ଦିନ ନିଜ ପୁଅ ଫିରୋଜର ଫେସବୁକ୍ ଆକାଉଂଟ ବ୍ୟବହାର କରୁଥିଲେ । ଫିରୋଜ ରମଜାନ ଆରମ୍ଭ ହେବା ପରଠାରୁ ଆଉ ଫେସବୁକ ଚଲାଇ ନଥିଲା । ତେବେ ପୁଲିସ ପଚରା ଉଚରାରେ ବଦରୁଦ୍ଦିନ ସ୍ୱିକାର କରିଥିଲେ କି, ସେ ରାଗରେ ଆସି ନିଜ ପୁଅ ଫେସବୁକ୍ ଆକାଉଂଟରୁ ଭଗବାନ ଶ୍ରୀରାମଚନ୍ଦ୍ର, ପ୍ରଧାନମନ୍ତ୍ରୀ ମୋଦି ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିରୋଧରେ ଅଭଦ୍ର ଟିପ୍ପଣୀ କରିଥିଲେ ।