ହୁସିଆର୍ ! ଗାଡି ଚୋରି ହେବା କ୍ଷଣି ହିଁ ବୀମା କଂପାନୀକୁ ତୁରନ୍ତ ଦିଅନ୍ତୁ ଖବର, ନଚେତ ମିଳିବ ନାହିଁ ଟଙ୍କା

11

ଯଦି ଆପଣଙ୍କ ଗାଡି କିମ୍ବା ଅନ୍ୟ କୌଣସି ଦାମୀ ଜିନିଷ ହଜି ଯାଏ ତେବେ ଏନେଇ ଆପଣଙ୍କୁ ସର୍ବ ପ୍ରଥମେ ବୀମା କଂପାନୀକୁ ସୂଚିତ କରିବାକୁ ପଡିବ । ତେବେ ଏହି ଖବରକୁ ଆପଣ ଫୋନ କରି ବି ଜଣାଇପାରିବେ । କାହିଁକି ନା ଚୋରି ହେବାର ଖବର ବିଳମ୍ବରେ ଦେବା ଦ୍ୱାରା ବୀମାଧାରକଙ୍କୁ କ୍ଲେମ ପାଇବାରେ ବହୁ ଅସୁବିଧାର ସାମ୍ନା କରିବାକୁ ପଡିପାରେ । କାରଣ ନିକଟରେ ଏଭଳି ମାମଲା ସାମ୍ନାକୁ ଆସିଛି. ଯେଉଁଥିରେ ରାଷ୍ଟ୍ରୀୟ ଉପଭୋକ୍ତା ବିବାଦର ସମାଧାନ କରିଥିବା ଆୟୋଗ ତଥା ଏନସିଡିଆରସି ଫୋନରେ ଦିଆଯାଇଥିବା ସୂଚନାକୁ ଆଧାର କରି ବୀମା କଂପାନୀକୁ କ୍ଲେମର ପେମେଂଟ କରିବାକୁ ନିର୍ଦ୍ଦେଶ ଦେଇଛନ୍ତି ।

ସୂଚନା ମୁତାବକ, ଦିଲ୍ଲୀର ଜଣେ ମହିଳା ବୀମା କଂପାନୀଠାରୁ ୧,୧୬,୦୦୦ଟଙ୍କାର ଗାଡି ବୀମା ପଲିସି ନେଇଥିଲେ । ଜୁନ, ୨୦୦୮ରେ ତାଙ୍କ ଗାଡିଟି ଚୋରି ହୋଇଯାଇଥିଲା । ତେବେ ମହିଳା ଜଣକ ଗାଡି ଚୋରି ଖବର ତୁରନ୍ତ ଫୋନ କରି ବୀମା କଂପାନୀକୁ ଜଣାଇଦେଇଥିଲେ । ହେଲେ କଂପାନୀ ମହିଳାଙ୍କୁ ଏହାର ଏକ ଏଫଆଇଆରର କପି ସହିତ ଲିଖିତ ସୂଚନା ଦେବାକୁ କହିଥିଲା । ମହିଳା ଜଣକଙ୍କୁ ୧୦ ଜୁଲାଇ , ୨୦୦୮କୁ ଏଫଆଇଆଇଆର କପି ମିଳିଥିଲା । ତେବେ କପି ପାଇବାର ଠିକ୍ ପରଦିନ ହିଁ ସେ କଂପାନୀକୁ ଲିଖିତ ସୂଚନା ଦେଇଥିଲେ । ମାତ୍ର କଂପାନୀର କହିବା କଥା ହେଲା କି, ଚୋରି ହେବା ଖବର ୧୪ ଦିନ ତଥା ନିର୍ଧାରିତ ଅବଧି ପରେ ଦିଆଯାଇଥିଲା । ଯାହାକି କଂପାନୀ ପଲିସିର ସର୍ତର ଉଲ୍ଲଂଘନ କରିଥିଲା । ଏଥିପାଇଁ କଂପାନୀ କ୍ଲେମ ଦେଇପାରିବ ନାହିଁ ।

ଏହାପରେ ମହିଳା ଜଣକ ଉପଭୋକ୍ତା ଅଦାଲତ ବା କନଜ୍ୟୁମର କୋର୍ଟର ଦ୍ୱାରସ୍ତ ହୋଇଥିଲେ । ଦୀର୍ଘ ୯ ବର୍ଷ କାଳ ମାମଲା ଚାଲିବା ପରେ ଚଳିତ ମାସ ରାଷ୍ଟ୍ରୀୟ ଉପଭୋକ୍ତା ବିବାଦର ସମାଧାନ କରିଥିବା ଆୟୋଗ ସ୍ୱୀକାର କରିଥିଲେ କି, ଗାଡି ଚୋରି ହେବାର ଖବର ମହିଳା ଜଣକ ସୂଚନା ଠିକ୍ ସମୟରେ ହିଁ ଦେଇଥିଲେ । ଏହାପରେ ଆୟୋଗ ବୀମା କଂପାନୀକୁ କ୍ଲେମର ୫୦ ହଜାର ଟଙ୍କା ଏବଂ ୫ ହଜାର ଟଙ୍କା ମୋକଦ୍ଦମାରେ ଖର୍ଚ୍ଚ ହୋଇଥିବା ଟଙ୍କାର ୫ ପ୍ରତିଶତ ସୁଧ ସହିତ ପରିଶୋଧ କରିବାକୁ ନିର୍ଦ୍ଦେଶ ଦେଇଥିଲେ । ଯାହାକୁ ବୀମା କଂପାନୀକୁ ୩୦ ଦିନ ମଧ୍ୟରେ ହିଁ କରିବାକୁ ପଡିବ ।

କିଭଳି କରିବେ ଅଭିଯୋଗ?

ଉପଭୋକ୍ତା ଏକ ସାଧା କାଗଜରେ ନିଜର ଅଭିଯୋଗ ଲେଖି କନଜ୍ୟୁମର କୋର୍ଟରେ ମାମଲା ଦାଖଲ କରିପାରିବେ । ଅଭିଯୋଗ ପତ୍ରରେ ଘଟଣାର ସମସ୍ତ ସୂଚନା ଥିବା ଦରକାର କି ଘଟଣାଟି କେବେ ଆଉ କେଉଁଠି ଘଟିଥିଲା । ଏଥିସହିତ ହିଁ ଅଭିଯୋଗର ସମର୍ଥନରେ ଉପଭୋକ୍ତଙ୍କୁ ଉଭୟ ବିଲ୍ ଏବଂ ଅନ୍ୟାନ୍ୟ ଦସ୍ତାବିଜ ମଧ୍ୟ ଦେବାକୁ ପଡିଥାଏ । ଅଭିଯୋଗ ପତ୍ରରେ ଏହା ମଧ୍ୟ ଲେଖାଯାଇଥାଏ କି, ଆପଣ ସାମ୍ନା ବାଲା କଂପାନୀଠାରୁ କେତେ ଟଙ୍କା କ୍ଲେମ କରିବାକୁ ଚାହୁଁଛନ୍ତି ।

Comments are closed.