ନାରୀ ପାଇଁ ହୋଇଥିଲା ଭଗବାନ ଶ୍ରୀକୃଷ୍ଣଙ୍କ ମୃତ୍ୟୁ ! ଜାଣନ୍ତୁ କିପରି ହେଲା ଯଦୂବଂଶର ବିନାଶ
ଦୀର୍ଘ ୧୮ ଦିନ ଧରି ଚାଲି ରହିଥିବା ମହାଭାରତରେ ରକ୍ତପାତ ଛଡା ଅନ୍ୟ କିଛି ମିଳି ନଥିଲା । ତେବେ ଏହି ଯୁଦ୍ଧରେ କୌରବ ବଂଶର ବିନାଶ ହେବାସହ ପଂଚୁ ପାଣ୍ଡବଙ୍କ ବ୍ୟତୀତ ପାଣ୍ଡବ ବଂଶର ଅଧିକାଂଶ ଲୋକଙ୍କର ମଧ୍ୟ ମୃତ୍ୟୁ ଘଟିଥିଲା । ଏହି ଯୁଦ୍ଧ କାରଣରୁ ତଥା ଯୁଦ୍ଧ ପରେ ପରେ ପୁଣି ଏକ ବଂଶର ବିଲୟ ଘଟିଥିଲା ଆଉ ସେହି ବଂଶଟି ଥିଲା ଭଗବାନ ଶ୍ରୀକୃଷ୍ଣଙ୍କର ଯଦୂ ବଂଶ । ତେବେ ଏହା ଗାନ୍ଧାରୀଙ୍କ ଦ୍ୱାରା ଦିଆଯାଇଥିବା ଅଭିଶାପ କାରଣରୁ ହିଁ ଘଟିଥିଲା ।
Kanak News is now on WhatsApp
Join and get latest news updates delivered to you via WhatsApp
କାରଣ, ମହାଭାରତ ଯୁଦ୍ଧ ପାଇଁ କୌରବଙ୍କ ମା ଗାନ୍ଧାରୀ ଶ୍ରୀକୃଷ୍ଣଙ୍କୁ ଦାୟୀ କରିଥିଲେ ଏବଂ ତାଙ୍କୁ ଅଭିଶାପ ଦେଇ କହିଥିଲେ କି, ଯେଉଁଭଳି ଭାବେ କୌରବ ବଂଶର ବିଲୟ ଘଟିଲା ଠିକ୍ ସେହିପରି ଯଦୂବଂଶର ମଧ୍ୟ ବିନାଶ ଘଟିବ । ତେବେ ସମୟକ୍ରମେ ଶ୍ରୀକୃଷ୍ଣ ନିଜ ବଂଶ ତଥା ଯଦୂବଂଶକୁ ସାଥିରେ ନେଇ ଅଲଗା ଏକ ସ୍ଥାନକୁ ଚାଲି ଯାଇଥିଲେ । ଏବଂ ସେମାନଙ୍କୁ ମୃତ୍ୟୁପାଇଁ ଅପେକ୍ଷା କରିବାକୁ ନିର୍ଦ୍ଦେଶ ଦେଇଥିଲେ ।
କିଛିଦିନ ପରେ ମହାଭାରତକୁ ନେଇ ଆଲୋଚନା କରୁଥିବାବେଳେ ଯଦୂବଂଶର ଦୁଇ ସଦସ୍ୟଙ୍କ ମଧ୍ୟରେ ବଚସା ହୋଇଥିଲା ଏବଂ ଏଥିରେ ଜଣେ ଉତକ୍ଷିପ୍ତ ହୋଇ ଅନ୍ୟ ଜଣଙ୍କର ହତ୍ୟା କରିଦେଇଥିଲା । ଯାହା ପରବର୍ତ୍ତୀ ସମୟରେ ଏକ ଉଗ୍ର ରୂପ ଧାରଣ କରିଥିଲା । ଯେଉଁଥିରେ ଶ୍ରୀକୃଷ୍ଣଙ୍କର ପୁତ୍ର ପ୍ରଦ୍ୟୁମ୍ନଙ୍କ ସମେତ ଅନ୍ୟମାନଙ୍କର ମଧ୍ୟ ମୃତ୍ୟୁ ଘଟିଥିଲା । କିଛିଦିନ ପରେ ବଳରାମ ମଧ୍ୟ ସ୍ୱଇଚ୍ଛାରେ ତାଙ୍କ ଦେହତ୍ୟାଗ କରିଥିଲେ । ଦିନେ ଶ୍ରୀକୃଷ୍ଣ ବନରେ ବିଶ୍ରାମ କରୁଥିବାବେଳେ ଜରା ନାମକ ଶିକାରୀ ତାଙ୍କ ଉପରକୁ ଧନୁତୀର ନିକ୍ଷେପ କରିଥିଲା । ଯାହାଫଳରେ ତାଙ୍କର ମୃତ୍ୟୁ ଘଟିଥିଲା ।
ମାତ୍ର ଶ୍ରୀକୃଷ୍ଣ ତାଙ୍କ ଶରୀର ତ୍ୟାଗ କରିବା ପୂର୍ବରୁ ସାରଥୀ ଦାରୁକଙ୍କୁ କହିଥିଲେ କି ତୁମେ ଦ୍ୱାରିକା ଯାଇ ସମସ୍ତଙ୍କୁ ସୂଚିତ କରିଦିଅକି ଯଦୂବଂଶର ବିଲୟ ହୋଇସାରିଛି । ଏବଂ ବଳରାମଙ୍କ ସହ ଶ୍ରୀକୃଷ୍ଣ ମଧ୍ୟ ସ୍ୱଧାମ ଫେରିଗଲେଣି ଅତଃ ଅନ୍ୟ ଯେଉଁମାନେ ଅଛନ୍ତି ସେମାନେ ସମସ୍ତେ ଦ୍ୱାରିକା ତ୍ୟାଗ କରିଦିଅନ୍ତୁ କାରଣ ଏହି ନଗରୀ ଏବେ ଜଳମଗ୍ନ ହୋଇଯିବ । ମାତ୍ର ଯେତେବେଳେ ଶ୍ରୀକୃଷ୍ଣଙ୍କ ମୃତ୍ୟୁ ସମ୍ବାଦ ତାଙ୍କ ପ୍ରିୟ ପରିଜନ ଶୁଣିବାକୁ ପାଇଥିଲେ ସେମାନେ ମଧ୍ୟ ନିଜ ଶରୀର ତ୍ୟାଗ କରିଦେଇଥିଲେ ।