ଭବିଷ୍ୟ ପୁରାଣ ଅଧା କାହିଁକି ? କିଏ ପୋଡିଥିଲା ଏହି ପୁରାଣ, ଜାଣନ୍ତୁ ଏହା ପଛର ରହସ୍ୟ
ଭବିଷ୍ୟତ ପୁରାଣ ବା ଭବିଷ୍ୟ ପୁରାଣ ହେଉଛି ବିଶ୍ୱର ୧୮ଟି ପୁରାଣ ମଧ୍ୟରେ ଗୋଟିଏ । ଆଉ ଏହି ଭବିଷ୍ୟତ ପୁରାଣ ହେଉଛି ଏକ ରହସ୍ୟମୟ ପୁରାଣ । ତେବେ କିଛି ଲୋକ ଏହି ପୁରାଣକୁ ମଧ୍ୟ ଆଧୁନିକ ପୁରାଣ ବୋଲି କୁହନ୍ତି । କିନ୍ତୁ ଏହା ଆଧୁନିକ ପୁରାଣ ନୁହେଁ । ଏହାକୁ ସାଧାରଣତଃ ୪ଟି ପର୍ବରେ ବିଭକ୍ତ କରାଯାଇଛି । ଯଥା ବ୍ରହ୍ମ ,ମଧ୍ୟମ, ପ୍ରତିସର୍ଗ ଏବଂ ଉତ୍ତରା ପର୍ବ । ଭବିଷ୍ୟତ ପୁରାଣରେ ଉଲ୍ଲେଖ ରହିଛି କି ଏଥିରେ ମୋଟ ୫୦ ହଜାର ଶ୍ଲୋକ ରହିଛି ମାତ୍ର ଏବେ ମାତ୍ର ୨୮ ହଜାର ଶ୍ଲୋକ ରହିଛି । ଏହାର ଅର୍ଥ ହେଲା ଏଥିରୁ ୨୨ ହଜାର ଶ୍ଲୋକ ସଂପୂର୍ଣ୍ଣ ଗାଏବ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ପୁରାଣରେ ଥିବା ବ୍ରହ୍ମ ପର୍ବଟି ମହର୍ଷି ବେଦବ୍ୟାସ ଶିଷ୍ୟ ସୁମନ୍ତୁ ଏବଂ ରାଜା ସତାନୀଙ୍କ ବାର୍ତ୍ତାଳାପ ଉପରେ ପର୍ଯ୍ୟବେଶିତ । ଏବଂ ଏଥିରେ କାଳର ଗଣନା. କଳି ଯୁଗ ସୃଷ୍ଟିର ବର୍ଣ୍ଣନା, ସଦାଚାର ଏବଂ ଦୁରାଚାର ସଂପର୍କରେ ଆଲୋଚନା କରାଯାଇଛି । ଏଥିସହ ୫ ପ୍ରକାରର ତୀର୍ଥ ଓ ଯଜ୍ଞ ସଂପର୍କରେ ମଧ୍ୟ ଉଲ୍ଲେଖ ରହଛି ଏହି ପୁରାଣ ମଧ୍ୟରେ ।
ସେହିପରି ମଧ୍ୟମ ପର୍ବରେ ନକ୍ଷେତ୍ର ଓ ଗ୍ରହମାନଙ୍କ ସଂପର୍କରେ ଉଲ୍ଲେଖ କରାଯାଇଛି । ଏଥିସହ ଏଥିରେ ସମୁଦ୍ର ଶାସ୍ତ୍ର ଓ ସ୍ତ୍ରୀ-ପୁରୁଷଙ୍କ ଶାରୀରିକ ସଂପର୍କରେ ମଧ୍ୟ ଉଲ୍ଲେଖ ରହିଛି । ଏହାର ପ୍ରତିସର୍ଗ ପର୍ବ ହେଉଛି ଏକ ରହସ୍ୟମୟୀ ପର୍ବ ତଥା ଅଧ୍ୟାୟ । ଏଥିରେ ସତ୍ୟ ଯୁଗର ରାଜାଙ୍କ ସଂପର୍କରେ ଉଲ୍ଲେଖ ରହିଛି ଏବଂ ଏଥିସହ ସୂର୍ଯ୍ୟବଂଶୀ ରାଜାମାନଙ୍କ ସଂପର୍କରେ ମଧ୍ୟ ଉଲ୍ଲେଖ କରାଯାଇଛି ।
କିପରି ନଷ୍ଟ ହେଲା ଭବିଷ୍ୟତ ପୁରାଣ
ଯେତେବେଳେ ବାବର ଭାରତ ଆସିଥିଲା ସେତେବେଳେ ସେ ଏହି ଭବିଷ୍ୟତ ପୁରାଣ ସଂପର୍କରେ ଜାଣିବାକୁ ପାଇଥିଲା । ଆଉ ସେ ଏହାକୁ ଲାଭ ମଧ୍ୟ କରିଥିଲା । ଏହାପରେ ସେ ଏଥିରେ ଥିବା ଶ୍ଲୋକଗୁଡିକର ଅନୁବାଦ କରାଇଥିଲା ଓ ସେଗୁଡିକୁ ବୁଝିଥିଲା । ବୁଝିବାପରେ ବାବର ସ୍ତବ୍ଧ ହୋଇପଡିଥିଲା କାରଣ ଏଥିରେ ବାବରର ଭାରତ ପ୍ରବେଶ କରିବା ସଂପର୍କରେ ବର୍ଣ୍ଣନା କରାଯାଇଥିଲା । ଏଥିସହ ବାବରଙ୍କୁ ନେଇ ଏଭଳି ତଥ୍ୟ ରହିଥିଲା କି ସମସ୍ତଙ୍କୁ ଆଶ୍ଚର୍ଯ୍ୟ କରି ପକାଇ ଥିଲା । ଏଥିରେ ବାବର ଅବନତି ସଂପର୍କରେ ମଧ୍ୟ ଉଲ୍ଲେଖ ରହିଥିଲା ଯେଉଁଥିରେ ବାବର କ୍ଷୋଭ ପ୍ରକାଶ କରିଥିଲା ଏବଂ କ୍ରୋଧିତ ହୋଇ ପୁରାଣଟିକୁ ପୋଡି ଦେଇଥିଲା । ତେବେ ଏହାକୁ କୌଣସି ମତେ ଉଦ୍ଧାର କରାଯାଇ, ମାତ୍ର ଏହା ପୂର୍ବରୁ ପୁରାଣର କିଛି ଭାଗ ସଂପୂର୍ଣ୍ଣ ଜଳି ଯାଇଥିଲା ।