ବ୍ୟାଙ୍କରେ ଟଙ୍କା ଜମାକୁ ନେଇ ପୁଣି ସୃଷ୍ଟି ହେଲା ନୂଆ ସମସ୍ୟା ! ଆପଣ ବି ଜାଣି ରଖନ୍ତୁ ନଚେତ୍ ବନ୍ଦ ହୋଇପାରେ ଆକାଉଂଟ୍
ଯଦି ଆପଣ ବ୍ୟାଙ୍କରେ ଟଙ୍କା ଜମା କରିବାକୁ ଯାଉଛନ୍ତି ତେବେ ଏହି ଖବରଟି ନିଶ୍ଚୟ ପଢନ୍ତୁ । କାରଣ ବ୍ୟାଙ୍କରେ ଟଙ୍କା ଜମାକୁ ନେଇ ଏକ ବଡ ପରିବର୍ତ୍ତନ ହୋଇଛି ଯାହା ଆପଣଙ୍କୁ ଅସୁବିଧାରେ ପକାଇପାରେ ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କ ଅଧିକାରୀଙ୍କଠାରୁ ମିଳିଥିବା ସୂଚନା ଅନୁସାରେ, ଏଣିକି ଲୋକଙ୍କୁ ନିଜ ଖାତାରେ ଜମା କରୁଥିବା ଟଙ୍କା ବାବଦରେ ବି ସରକାରଙ୍କୁ କୈଫତ ଦେବାକୁ ହେବ । ଖାତାରୁ ଟ୍ରାନଂଜାକସନ ସଂପର୍କରେ ମଧ୍ୟ ସୂଚନା ଦେବାକୁ ପଡିବ । ଏଥିସହିତ ଆପଣ ଏହି ଟଙ୍କା କଣ ପାଇଁ ଆଉ କେଉଁ କାମରେ ନିବେଶ କରୁଛନ୍ତି ତାହା ମଧ୍ୟ ଦର୍ଶାଇବାକୁ ପଡିବ । ଶୁଣିବାକୁ ମିଳିଛି କି, ବ୍ୟାଙ୍କ ଟ୍ରାଂନଜାକ୍ସନକୁ ନେଇ ଥିବା ନିୟମରେ କିଛି ପରିବର୍ତ୍ତନ ଆଣାଯାଇଛି । ଯଦି କୌଣସି ଗ୍ରାହକ ବ୍ୟାଙ୍କର ଏହି ନିୟମକୁ ଉଲଘଂନ କରନ୍ତି ତେବେ ତାଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିପାରେ । କାରଣ ଆପଣଙ୍କ ଟଙ୍କା ଉପରେ ଏବେ ଇନକମ ଟ୍ୟାକ୍ସ ବିଭାଗର ନଜର ରହିଛି ।
ବ୍ୟାଙ୍କ ଅଧିକାରୀଙ୍କ କହିବାନୁସାରେ, କଳାଧନ ଉପରେ ଲଗାମ କସିବାକୁ ସରକାରଙ୍କ ତରଫରୁ ଏଭଳି ନିଷ୍ପତି ନିଆଯାଇଛି । ଏହି ଚେଷ୍ଟା ବଳରେ ଆୟକର ବିଭାଗ ବ୍ୟାଙ୍କ ଟ୍ରାଂଜାକସନ ଉପରେ ନଜର ରଖିବ । ଏଥିପାଇଁ ଆୟକର ଭରିବା ସମୟରେ ସତର୍କ ହେବାକୁ ପଡିବ । ନୂଆ ନିୟମ ଅନୁସାରେ, ଯଦି କୌଣସି ବ୍ୟକ୍ତିଙ୍କର ଗୋଟିଏ କିମ୍ବା ଏକାଧିକ ବ୍ୟାଙ୍କ ଆକାଉଂଟ ରହିଛି ଆଉ ଏହି ଆକାଉଂଟଗୁଡିକରେ ମୋଟ ୧୦ ଲକ୍ଷ ଜମା ରହିଛି ତେବେ ଏଥିପାଇଁ ଉକ୍ତ ବ୍ୟକ୍ତି ବିଶେଷଙ୍କୁ ଆୟକର ବିଭାଗର ସାମ୍ନା କରିବାକୁ ପଡିବ । ଅର୍ଥାତ୍ ଆପଣଙ୍କୁ ଏଥିପାଇଁ ଆୟକର ବିଭାଗକୁ କୈଫତ ଦେବାକୁ ହେବ ।
ଖାଲି ଏତିକି ନୁହେଁ, ୧ ଲକ୍ଷ ଟଙ୍କା କିମ୍ବା ଏହାଠାରୁ ଅଧିକ ଟଙ୍କା କ୍ରେଡିଟ ବିଲ ପେମେଂଟ ସଂପର୍କିତ ତଥ୍ୟ ମଧ୍ୟ ଆପଣଙ୍କୁ ଆୟକର ବିଭାଗକୁ ଦେବାକୁ ହେବ । ଏହାଛଡା ଲକ୍ଷେ ଟଙ୍କାରୁ ଅଧିକ କ୍ରେଡିଟ କାର୍ଡ ଡ୍ୟୁ ଦେବା ସମୟରେ ବି ଉଭୟ ଅନଲାଇନ କିମ୍ବା କ୍ୟାସରେ କରୁଥିବା ପେମେଂଟ ସଂପର୍କରେ ତଥ୍ୟ ମଧ୍ୟ ଦେବାକୁ ହେବ ।