ଏଟିଏମକୁ ସାଧାରଣତଃ ଟଙ୍କା ଉଠାଇବା ଓ ଜମା କରିବାର ଏକ ମାଧ୍ୟମ ବୋଲି ଆପଣ ଭାବୁଥିବେ । ହେଲେ କେବେ ଚିନ୍ତା କରିଛନ୍ତି କି ଏଟିଏମରୁ ଟଙ୍କା ଉଠାଇବା ବ୍ୟତୀତ ଆପଣ ଏଥିରୁ ଟଙ୍କା ରୋଜଗାର ମଧ୍ୟ କରିପାରିବେ । ଆଶ୍ଚର୍ଯ୍ୟ ଲାଗୁଛି ନା । ମାତ୍ର ଏହା ସମ୍ଭବ ଅଟେ । ଆପଣ ଏଟିଏମ ଖୋଲି ଘରେ ବସି ଲକ୍ଷାଧିକ ଟଙ୍କା ରୋଜଗାର କରିପାରିବେ । ହେଲେ ଏଥିପାଇଁ ଆପଣଙ୍କ ନିକଟରେ ଏକ ବ୍ୟସ୍ତବହୁଳ ଅଂଚଳରେ ଗୋଟିଏ ଦୋକାନ, ଅଫିସ କିମ୍ବା ଘର ଥିବା ନିହାତି ଜରୁରୀ । ଏବେ ଆସନ୍ତୁ ଜାଣିବା କିପରି ଆପଣ ଏଟିଏମ ଖୋଲି, ଘରେ ବସି ବସି ଟଙ୍କା ରୋଜଗାର କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ନିକଟରେ Vakrangee Limited ନାମକ ଏକ ବଡ କମ୍ପାନୀ ୫୦୦ ନୂଆ ଏଟିଏମର ପ୍ରେସ ଅର୍ଡର ଏନସିଆର ଇଣ୍ଡିଆକୁ ଦେଇଛନ୍ତି । ଯାହାକି ଏକ ଏଟିଏମ ନିର୍ମାଣ କରୁଥିବା କମ୍ପାନୀ ଅଟେ । ସେହିପରି ଅନ୍ୟ କମ୍ପାନୀ ଗୁଡିକର ୱେବସାଇଟରେ ଏଟିଏମ ଖୋଲିବା ନେଇ ଆବେଦନ ପ୍ରକ୍ରିୟା ଆରମ୍ଭ ହୋଇଛି । ହ୍ୱାଇଟ୍ ଲେବୁଲ ଏଟିଏମର ଫ୍ରାଂଚାଇଜ ନେଇ ଆପଣ ଏଟିଏମ ଖୋଲି ପାରିବେ । ତେବେ ହ୍ୱାଇଟ ଲେବୁଲ ଏକ ଏଟିଏମ ସର୍ଭିସ ପ୍ରଦାନ କରୁଥିବା କମ୍ପାନୀ । ଯିଏକି ଉଭୟ ସହର ଏବଂ ଟାଉନରେ ଏଟିଏମ ଖୋଲିବା ପାଇଁ ଫ୍ରାଂଚାଇଜ ଦେଇଥାଏ । ସେହିପରି ଉଭୟ ପବ୍ଲିକ୍ ଏବଂ ପ୍ରାଇଭେଟ ବ୍ୟାଙ୍କ ବ୍ୟତୀତ ଇଣ୍ଡିକେସ, ମୁତ୍ଥୁଟ ଓ ଇଣ୍ଡିଆ ୱାନ ଭଳି କଂପାନୀମାନେ ହ୍ୱାଇଟ ଟେବୁଲ ଏଟିଏମ ସର୍ଭିସ ଉପଲବ୍ଧ କରାଇଥାନ୍ତି । ତେବେ ଏଟିଏମରୁ ରୋଜଗାର ପ୍ରତ୍ୟେକ ଦିନର ଟ୍ରାଂଜାକସନ ଉପରେ ହିଁ ନିର୍ଭର କରିଥାଏ । ଧରି ନିଅନ୍ତୁ କି, ଯଦି ଦିନକୁ ୫୦ ଟ୍ରାଂଜାକସନ ହୁଏ ତେବେ ମାସକୁ ଏଥିରୁ ଆପଣ ୧୯,୫୦୦ ଟଙ୍କା ରୋଜଗାର କରିପାରିବେ । ସେହିପରି ଯଦି ପ୍ରତ୍ୟେକ ଦିନ ୩୦୦ ଟ୍ରାଂଜକସନ ହୁଏ ତେବେ ମାସକୁ ଆପଣ ଏଥିରୁ ୧.୧୭ ଲକ୍ଷ ରୋଜଗାର କରିପାରିବେ ।
କେମିତି ଖୋଲିବେ ଏଟିଏମ
ଏଟିଏମ ଖୋଲିବା ପାଇଁ ହେଲେ ସର୍ବ ପ୍ରଥମେ ଆପଣଙ୍କୁ ଏଟିଏମ ଇନଷ୍ଟଲ କରୁଥିବା କମ୍ପାନୀକୁ ସିକ୍ୟୁରିଟି ବାବଦକୁ ୨ରୁ ୩ ଲକ୍ଷ ଟଙ୍କା ଦେବାକୁ ପଡିବ । ଏହାଦ୍ୱାରା ଆପଣଙ୍କର କଂଟ୍ରାକ୍ଟ ସରିଗଲେ ଏହି ଟଙ୍କା ଆପଣଙ୍କୁ ଫେରାଇ ଦିଆଯିବ ।
ଜାଣନ୍ତୁ ଏଟିଏମ ଖୋଲିବା ପାଇଁ କଣ ରହିଛି ନିୟମ
ଏଟିଏମ ଖୋଲିବା ନିମନ୍ତେ ପ୍ରଥମେ ଆପଣଙ୍କ ନିକଟରେ ୫୦ ରୁ ୧୦୦ ସ୍କୋୟାର ଫୁଟର ଜାଗା ଥିବା ଦରକାର । ଏହି ସ୍ଥାନ ଗ୍ରାଉଣ୍ଡ ଫ୍ଲୋରରେ ହୋଇଥିବା ଆବଶ୍ୟକ । ଏଟିଏମ ଖୋଲିବା ପାଇଁ ସିକ୍ୟୁରିଟି ବାବଦକୁ କିଛି ଟଙ୍କା କଂପାନୀ ନିକଟରେ ଜମା କରିବାକୁ ହେବ । ଯାହାର ବନ୍ଦୋବସ୍ତ ଆପଣଙ୍କୁ କରିବାକୁ ପଡିବ । ତେବେ ଏଟିଏମ ପାଇଁ ଇଣ୍ଡିଆ ୱାନର ୱେବସାଇଟକୁ ଯାଇ ଅନଲାଇନ ଆବେଦନ କରିପାରିବେ ।
ଏଠାରେ ଆମେ କହି ରଖୁଛୁ କି, ଦେଶର ବଡ ନନ ବ୍ୟାଙ୍କିଂ ଫାଇନାନ୍ସିଆଲ କଂପାନୀ ତଥା ମୁତ୍ଥୃଟ ହ୍ୱାଇଟ ଲେବୁଲ ଏଟିଏମ ଖୋଲିବାର ସୁଯୋଗ ଦେଉଛି । ଯେଉଁଥିରେ ଭିସା, ରୂପେ ଓ ମାଷ୍ଟର କାର୍ଡ ବଳି ତିନି ପ୍ରକାରର ଏଟିଏମ କାର୍ଡ ବ୍ୟବହାର କରାଯାଇପାରିବ । ସେହିପରି ଇଣ୍ଡିଆ ୱାନ ନାମକ କମ୍ପାନୀ ମଧ୍ୟ ଏଟିଏମ ଖୋଲିବାର ସୁଯୋଗ ପ୍ରଦାନ କରୁଛି ।ନିକଟରେ ଠVakrangee Limited କମ୍ପାନୀ ମଧ୍ୟ ନୂଆ ୫୦୦ ଏଟିଏମ ଖୋଲିବା ପାଇଁ ଅର୍ଡର ଦେଇଛି । ସେପଟେ ଆରବିଆଇ ତରଫରୁ ମଧ୍ୟ କମ୍ପାନୀକୁ ୧୫ ହଜାର ଏଟିଏମ ଖୋଲିବା ପାଇଁ ଅନୁମତି ମିଳିସାରିଛି ।