ମୋଦିଙ୍କ ପ୍ରତ୍ୟେକ ଫଟୋ ପଛରେ ଲୁଚି ରହିଛି କିଛି କାହାଣୀ ! ଜାଣନ୍ତୁ କାହିଁକି ହୋଇଛି ଭାଇରାଲ
କେନ୍ଦ୍ରରେ ଏନଡିଏ ସରକାରକୁ ୩ବର୍ଷ ପୁରିଛି । ଗତ ତିନି ବର୍ଷ ମଧ୍ୟରେ ପ୍ରଧାନମନ୍ତ୍ରୀ ମୋଦି ବିଭିନ୍ନ ଦେଶ ଗସ୍ତ କରିବା ସହ ଅନେକ ସ୍ଥାନ ମଧ୍ୟ ଭ୍ରମଣ କରିଛନ୍ତି । ତେବେ ଏହି ଅବସରରେ ମୋଦିଙ୍କର ଅନେକ ଫଟୋ ବିଭିନ୍ନ ସୋସିଆଲ ମିଡିଆରେ ଚର୍ଚ୍ଚାର ବିଷୟ ରହିଆସିଛି ।
Kanak News is now on WhatsApp
Join and get latest news updates delivered to you via WhatsApp
ମୋଦି ଯେତେବେଳେ ଜାପାନ ଗସ୍ତରେ ଥିଲେ ସେଠାରେ ତାଙ୍କର ଏକ ଛୋଟ ବାଳକ ସହିତ ଭେଟ ହୋଇଥିଲା, ଯାହାର କାନ ଟାଣିବାକୁ ଲାଗିଥିଲେ ମୋଦି । ଏହି ଫଟୋ ସୋସିଆଲ ମିଡିଆରେ ହୋଇଥିଲା ଭାଇରାଲ ।
ଚୀନର ଟେରାକୋଟା ମ୍ୟୁଜିୟମରେ ମୋଦି ମୂର୍ତ୍ତିମାନଙ୍କ ଗ୍ରହଣରେ ଉଠାଇଥିବା ଏହି ଫଟୋଟି ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା ।
ଜାପାନ ଗସ୍ତ କାଳରେ ମୋଦି ଏକ ବିଦ୍ୟାଳୟ ପରିଦର୍ଶନ କରିଥିଲେ ଯେଉଁଠାରେ ସେ ବଂଶୀ ବଜାଇଥିଲେ । ମୋଦିଙ୍କ ଏହି ଫଟୋଟି ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା ।
୨୦୧୬ରେ ଆସାମରେ ଆସିଥିବା ପ୍ରଳୟଙ୍କାରୀ ବନ୍ୟାର ପରିସ୍ଥିତିକୁ ଆକାଶ ମାର୍ଗରୁ ଆନୁଧ୍ୟାନ କରିଥିଲେ ମୋଦି । ଯାହାର ଏକ ଫଟୋ ହୋଇଥିଲା ଭାଇରାଲ । ତେବେ ମୋଦିଙ୍କ ଏହି ଫଟୋଟିକୁ ସୋସିଆଲ ମିଡିଆରେ ଖୁବ୍ ଅଟ୍ଟହାସ୍ୟ ମଧ୍ୟ କରାଯାଇଥିଲା ।
ଉତର ପ୍ରଦେଶ ନିର୍ବାଚନରେ ବିଜୟଲାଭ କରିବା ପରେ ଯେତେବେଳେ ମୋଦି ଦଳୀୟ କାର୍ଯ୍ୟାଳୟରେ ପହଂଚିଥିଲେ ସେତେବେଳେ ତାଙ୍କର ସ୍ୱାଗତ ଫୁଲବର୍ଷାରେ କରାଯାଇଥିଲା । ଏହି ସମୟରେ ମୋଦି ହସି ହସି ଯେତେବେଳେ ମୁଣ୍ଡରୁ ଫୁଲଗୁଡିକୁ ହଟାଉଥିଲେ ସେହି ସମୟରେ ଉଠାଯାଇଥିବା ଏହି ଚିତ୍ରଟି ହୋଇଥିଲା ଭାଇରାଲ ।
ବ୍ରିଟେନର ପ୍ରିନ୍ସ ଚାର୍ଲ୍ସ ଯେତେବେଳେ ଭାରତ ଗସ୍ତରେ ନିଜ ପତ୍ନୀଙ୍କ ସହିତ ଆସିଥିଲେ ସେତେବେଳେ ହାଇଦ୍ରାବାଦ ହାଉସରେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଥିଲେ । ମୋଦି ପ୍ରିନ୍ସଙ୍କ ସହ ଏତେ ଜୋରରେ ହାତ ମିଳାଇଥିଲେ କି ପ୍ରିନ୍ସ ଚାର୍ଲ୍ସଙ୍କ ହାତ ପୁରା ଧଳା ପଡିଯାଇଥିଲା ।