ବର୍ତ୍ତମାନ ଆପଣ ୧୦ ଟିକିଆ ମୋବାଇଲ ନମ୍ବର ବ୍ୟବହାର କରୁଛନ୍ତି , କିନ୍ତୁ ଜୁଲାଇ ପହିଲାରୁ ନୂଆ ନମ୍ବର ନେଉଥିବା ଗ୍ରାହକଙ୍କୁ ୧୩ ଟିକିଆ ମୋବାଇଲ ନମ୍ବର ପ୍ରଦାନ କରାଯିବ । ସରକାର ଏଥିପାଇଁ ଜୋରଦାର ପ୍ରସ୍ତୁତି ଚଳାଇଛନ୍ତି । କେନ୍ଦ୍ର ସଂଚାର ମନ୍ତ୍ରାଳୟ ତରଫରୁ ଏଥିପାଇଁ ସମସ୍ତ ରାଜ୍ୟଗୁଡିକୁ ନିର୍ଦ୍ଦେଶମାନା ଜାରି କରିଦେଇଛି ।
ଗଣମାଧ୍ୟମରେ ପ୍ରକାଶିତ ଖବର ମୁତାବକ, ବିଏସଏନଏଲ ତଥା ଭାରତୀୟ ଦୂର ସଂଚାର ନିଗମ ଲିମିଟେଡ ଏଥିପାଇଁ ପ୍ରସ୍ତୁତ ଆରମ୍ଭ କରିଦେଇଛି । ଗତ କିଛି ଦିନ ହେଲା ଦିଲ୍ଲୀରେ ଏସଂପର୍କରେ ବୈଠକ ହୋଇଥିଲା, ଯାହା ପରେ ଏଭଳି ନିଷ୍ପତି ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
କାରଣ
ଏସଂପର୍କରେ ଦୁରସଂଚାର ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି କି, ୧୦ ଟିକିଆ ମୋବାଇଲ ନମ୍ବର ସ୍ଥାନରେ ଏବଂ ନୂଆ ନମ୍ବର ଜାରି କରାଯିବ, ଏଥିରେ କୌଣସି ଶଙ୍କା ନାହିଁ । ଦିନକୁ ଦିନ ମୋବାଇଲ ୟୁଜର୍ସଙ୍କର ସଂଖ୍ୟା ବୃଦ୍ଧି ପାଇବାରେ ଲାଗିଛି ।ଯେଉଁ କାରଣରୁ ୧୦ରୁ ଅଧିକ ନମ୍ବର ସିରିଜକୁ ଆରମ୍ଭ କରିଦେବା ଉଚିତ । ଏବଂ ପରେ ସମସ୍ତ ମୋବାଇଲ ନମ୍ବରକୁ ୧୩ ଟିକିିଆ କରିଦେବା ଉଚିତ ।
ସିଷ୍ଟମ ଅପଡେଟ କରିବାର ଦିଗ
ଦୂର ସଂଚାର ବିଭାଗ ମୁତାବକ, ମୋବାଇଲ ନମ୍ବରର ନୂଆ ସିରିଜ ଆସିବା ଦ୍ୱାରା ସମସ୍ତ ଟେଲିକମ ଅପରେଟରଙ୍କୁ ନିଜ ସିଷ୍ଟମ ଅପଡେଟ କରିବାକୁ ପଡିବ । ଏସଂପର୍କରେ ସମସ୍ତ କ୍ଷେତ୍ରର ଦୂର ସଂଚାର କଂପାନୀମାନଙ୍କୁ ନିର୍ଦ୍ଦେଶ ଜାରି କରିଦିଆଯାଇଛି । ଭାରତ ସଂଚାର ନିଗମ ଲିମିଡଟେଡ ର ବରଷ୍ଠ ଅଧିକାରୀଙ୍କ ସୂଚନା ମୁତାବକ, ଡିସେମ୍ବର ୨୦୧୮ ସୁଦ୍ଧା ପୁରୁଣା ନମ୍ବର ମଧ୍ୟ ଏହି ପ୍ରକ୍ରିୟା ଆଧାରରେ ଅପଡେଟ ହେବ । ଯାହାକି ଅକ୍ଟୋବରରୁ ଆରମ୍ଭ ହେବ ଏବଂ ୩୧ ଡିସେମ୍ବର ସୁଦ୍ଧା ଶେଷ ହୋଇଯିବ ।
ମୋବାଇଲ ସଫ୍ଟୱୟାର
ବର୍ତ୍ତମାନ ପରିସ୍ଥିତିରେ ୧୦ ଟିକିଆ ନମ୍ବର ହିସାବରେ ମୋବାଇଲ ସଫ୍ଟୱୟାର ପ୍ରସ୍ତୁତ କରାଯାଇଛି । ଆଗାମୀ ଦିନମାନଙ୍କରେ ୧୨ ଅଙ୍କ ହିସାବରେ ମୋବାଇଲ ସଫ୍ଟସୟାର ମଧ୍ୟ ଅପଡେଟ କରାଯିବ , ଯାହାଦ୍ୱାରା କି ୟୁଜର୍ସଙ୍କୁ କଲ କରିବାରେ ଆଉ କୌଣସି ଅସୁବିଧା ନହୁଏ ।
ଏଠାରେ ଆମେ କହି ରଖୁଛୁ କି, ୧୩ ଡିଜିଟ ବିଶିଷ୍ଟ ନମ୍ବର ଜାରି କରିବାକୁ ନିର୍ଦ୍ଦେଶ କେବଳ ମେସିନ-ଟୁ-ମେସିନ ବା ଏମଟୁଏମ କମ୍ୟୁନିକେସନ ପାଇଁ ରହିଛି । ଯାହାକି କୌଣସି ମୋବାଇଲ ନମ୍ବର ପାଇଁ ନୁହେଁ । ତେବେ ଏମଟୁଏମ କମ୍ୟୁନିକେସନର ବ୍ୟବହାର ସ୍ମାର୍ଟ ଇେଲେକ୍ଟ୍ରୋନିକ କାର ଏବଂ କାର ଟ୍ରାକିଂ ପାଇଁ କରାଯିବ ଆଉ ଏହାର ବ୍ୟବହାର ସ୍ମାର୍ଟ ହୋମରେ ମଧ୍ୟ ହୋଇଥାଏ ।