ପାଠରେ ପଛୁଆ କିନ୍ତୁ ରୋଜଗାରରେ ଆଗୁଆ ! ରିପୋର୍ଟରେ ହେଲା ବଡ ଖୁଲାସ, କମ୍ ପାଠପଢି ନେତା ପାଉଛନ୍ତି ଲକ୍ଷାଧିକ ଟଙ୍କା, ଜାଣନ୍ତୁ କେତେ ପାରିଶ୍ରମିକ ପାଉଛନ୍ତି ଆପଣଙ୍କ ବିଧାୟକ
ଦେଶରେ କୋଟିପତିମାନଙ୍କ ମଧ୍ୟରେ ରହିଛନ୍ତି ଅନେକ ରାଜନେତା । ଯେଉଁମାନେ କି କମ୍ ଶିକ୍ଷିତ ହୋଇଥିଲେ ମଧ୍ୟ ମଧ୍ୟ ନିଜ ପାଖରେ କୁବେର ଭଣ୍ଡାର ସଦୃଶ ଧନ ଗଚ୍ଛିତ କରି ରଖିଛନ୍ତି । ଜାଣି ଆଶ୍ଚର୍ଯ୍ୟ ହେବେ ଯେ ସର୍ବୋଚ୍ଚ ଆଇନ ପ୍ରଣୟନ କର୍ତ୍ତା ତଥା ସାଂସଦମାନେ ତଥା ବିଧାୟକମାନେ ନିଜ କାର୍ଯ୍ୟାକାଳ ମଧ୍ୟରେ ଲକ୍ଷ ଲକ୍ଷ ଟଙ୍କା ରୋଜଗାର କରିଥାନ୍ତି । ତାହା ପୁଣି ବିନା କୌଣସି ଶୁଳ୍କରେ । କିନ୍ତୁ ଏହା ଅନୁପାତରେ କାମ ଖୁବ କମ କରନ୍ତି । ତେବେ ଆସନ୍ତୁ ଜାଣିବା ବିଧାୟକଙ୍କ ରୋଜାଗାର ସମ୍ବନ୍ଧିୟ କିଛି ରୋଚକ ତଥ୍ୟ-
Kanak News is now on WhatsApp
Join and get latest news updates delivered to you via WhatsApp
ଆଶୋସିଏସନ ଫର ଡେମୋକ୍ରେଟିକ୍ ରିଫର୍ମ ଆଣ୍ଡ ଦି ନ୍ୟାସନାଲ ଇଲେକ୍ଟସନ ୱାଚ ତରଫରୁ କରାଯାଇଥିବା ଏକ ସର୍ଭେ ଅନୁସାରେ, ଦେଶର ବିଧାୟକମାନଙ୍କ ବାର୍ଷିକ ହାରାହାରି ରୋଜଗାର ତଥା ଆୟ ୨୪.୫୯ ଲକ୍ଷ ଟଙ୍କା ରହିଛି । ତେବେ କର୍ଣ୍ଣାଟକର ବିଧାୟକମାନଙ୍କର ହାରାହାରି ବାର୍ଷିକ ଆୟ ସବୁଠାରୁ ଅଧିକ ତଥା ୧ କୋଟି ଟଙ୍କାରୁ ଅଧିକ ରହିଛି । ଯେବେକି ଛତିଶଗଡ ବିଧାୟକମାନଙ୍କର ବାର୍ଷିକ ହାରାହାରି ଆୟ ସବୁଠୁ କମ୍ । ଛତିଶଗଡ ବିଧାୟକଙ୍କର ହାରାହାରି ବାର୍ଷିକ ଆୟ ସବୁଠାରୁ କମ ତଥା ୫.୪ ଲକ୍ଷ ଟଙ୍କା ।
ସେହିପରି ବିଧାୟକମାନଙ୍କ ମଧ୍ୟରେ ଉଭୟ ମହିଳା ଓ ପୁରୁଷମାନଙ୍କର ଆୟରେ ବଡ ଧରଣର ଅନ୍ତର ଦେଖାଦେଇଥାଏ । ପୁରୁଷ ବିଧାୟକମାନଙ୍କୁ ହାରାହାରି ଆୟ ମହିଳା ବିଧାୟକମାନଙ୍କ ତୁଳନାରେ ଦୁଇଗୁଣାରୁ ମଧ୍ୟ ଅଧିକ । ରିପୋର୍ଟ ଅନୁସାରେ, ଯେଉଁ ବିଧାୟକମାନେ ନିଜେ ନିଜକୁ ଅଶିକ୍ଷିତ ବୋଲି କହିଛନ୍ତି , ସେମାନଙ୍କର ନିଜର ହାରାହାରି ବାର୍ଷିକ ଆୟ ୯.୩୧ ଲକ୍ଷ ଟଙ୍କା ରହିଛି । ମୋଟ ବିଧାୟକମାନଙ୍କ ମଧ୍ୟରୁ ପାଖାପାଖି ଅଧା ବିଧାୟକମାନେ ନିଜର ପେସା କୃଷି ତଥା ବ୍ୟବସାୟ ବୋଲି କହିଛନ୍ତି ।
ଆପଣଙ୍କ ଜାଣିବା ପାଇଁ ଏଠାରେ ଆମେ କହି ରଖୁଛୁ କି, ଏହି ରିପୋର୍ଟ ସାରା ଦେଶରେ ଥିବା ୪.୦୮୬ ବିଧାୟକମାନଙ୍କ ମଧ୍ୟରୁ ୩,୧୪୫ ବିଧାୟକଙ୍କ ଦ୍ୱାରା ଦିଆଯାଇଥିବା ଶପଥପତ୍ରର ବିଶ୍ଳେଷଣ କରାଯାଇ ବାହାର କରାଯାଇଛି । ଏଥିମଧ୍ୟରୁ ୯୪୧ ବିଧାୟକମାନେ ନିଜର ବାର୍ଷିକ ଆୟ ସଂପର୍କରେ ଘୋଷଣା କରିନାହାଁନ୍ତି । ଏଥିପାଇଁ ସେମାନଙ୍କୁ ଏହି ରିପୋର୍ଟରେ ସାମିଲ କରାଯାଇପାରିନି । ଏହି ଅଧ୍ୟୟନରେ ବର୍ତ୍ତମାନ ବିଧାୟକମାନଙ୍କର ନିଜର ବାର୍ଷିକ ଆୟ ଉପରେ ହିଁ ଗୁରୁତ୍ୱ ଦିଆଯାଇଛି । ରିପୋର୍ଟ ଅନୁସାରେ, ବର୍ତ୍ତମାନ ସମୟରେ ଥିବା ୩,୧୪୫ ବିଧାୟକଙ୍କର ବାର୍ଷିକ ଆୟ ୨୪.୫୯ ଲକ୍ଷ ଟଙ୍କା ରହିଛି , ଯେବେକି ଏଥିମଧ୍ୟରୁ ଦକ୍ଷିଣାଂଚଳର ୭୧୧ ବିଧାୟକଙ୍କର ବାର୍ଷିକ ଆୟ ସବୁଠାରୁ ଅଧିକ ୫୧.୯୯ ଲକ୍ଷ ଟଙ୍କା ବୋଲି ଆକଳନ କରାଯାଇଛି ।
ସେହିପରି ପୂର୍ବାଂଚଳର ୬୧୪ ବିଧାୟକଙ୍କର ବାର୍ଷିକ ଆୟ ସବୁଠାରୁ କମ ତଥା ୮.୫୩ ଲକ୍ଷ ଟଙ୍କା ରହିଛି । କର୍ଣ୍ଣାଟକର ୨୦୧୩ ବିଧାୟକଙ୍କ ବାର୍ଷିକ ଆୟ ସବୁଠାରୁ ଅଧିକ ୧୧୧.୪ ଲକ୍ଷ ଟଙ୍କା ।
ଏହାପରେ ମହାରାଷ୍ଟ୍ରର ବିଧାୟକଙ୍କର ହାରାହାରି ଆୟ ୪୩.୪ ଲକ୍ଷ ଟଙ୍କା ରହିଛି । ଏଥିରେ ମହାହାରାଷ୍ଟ୍ରର ୨୫୬ ବିଧାୟକଙ୍କ ବିଶ୍ଳେଷଣ କରାଯାଇଛି । ଛତିଶଗଡର ଯେଉଁ ୬୩ ବିଧାୟକଙ୍କ ନିଜର ଆୟର ବିଶ୍ଳେଷଣ କରାଯାଇଛି, ସେମାନଙ୍କ ରୋଜଗାର ସବୁଠାରୁ କମ ତଥା ୫.୪ ଲକ୍ଷ ଟଙ୍କା ରହିଛି ।
ଏହାପରେ ଝାଡଖଣ୍ଡର ବିଧାୟକଙ୍କ ଆୟ ସମସ୍ତଙ୍କଠାରୁ କିଛି ମାତ୍ରାରେ ଅଧିକ ତଥା ୭.୪ ଲକ୍ଷ ଟଙ୍କା ଦାଖଲ କରାଯାଇଛି । ୭୭୧ ବିଧାୟକ ତଥା ୨୫ ପ୍ରତିଶତ ନିଜର ପେଶା ବ୍ୟବସାୟ, କାରବାର ବୋଲି କରିଛନ୍ତି, ଯେବେକି ୭୫୮ ତଥା ୨୪ ପ୍ରତିଶତ ନିଜକୁ ଚାଷୀ ବୋଲି ନିଜ ଶପଥପତ୍ରରେ କହିଛନ୍ତି ।
ଗୁଜୁରାଟର ଅଶିକ୍ଷିତ ତଥା ସ୍କୁଲ ଶିକ୍ଷାପ୍ରାପ୍ତ ବିଧାୟକ ସ୍ନାତକ ତଥା ଉଚ୍ଚ ଡିଗ୍ରୀଧାରୀ ବିଧାୟକଙ୍କ ତୁଳନାରେ ବହୁତ ଅଧିକ ରୋଜଗାର କରୁଛନ୍ତି । ରିପୋର୍ଟ ଅନୁସାରେ, ଗୁଜୁରାଟର ମୋଟ ୧୮୨ ବିଧାୟକଙ୍କ ମଧ୍ୟରୁ ୧୬୧ ଜଣଙ୍କର ବାର୍ଷିକ ଆୟ ୧୮.୮୦ ଲକ୍ଷ ଟଙ୍କା ରହିଥିବା ବେଳେ ସ୍ନାତକ କରିଥିବା ୬୩ ବିଧାୟକଙ୍କର ବାର୍ଷିକ ଆୟ ୧୪.୩୭ ଲକ୍ଷ ଟଙ୍କା ରହିଛି ।