ଭାଇ ମୁଖ୍ୟମନ୍ତ୍ରୀ ହେଲେ ଭଉଣୀ ବିକୁଛନ୍ତି ଫୁଲ । ଜାଣନ୍ତୁ କିଏ ସେ ଉଭଣୀ
ଆଜି ଆମେ ଆପଣଙ୍କୁ ଏଭଳି ଏକ ଭାଇ-ଭଉଣୀଙ୍କ କାହାଣୀ ସଂପର୍କରେ ଜଣାଇବାକୁ ଯାଉଛୁ ଯେଉଁଠି କି ଗୋଟିଏ ପଟେ ଭାଇ ନିଜ ଅଙ୍ଗୁଳି ମୁନରେ ହଜାର ହଜାର ଲୋକଙ୍କୁ ଚଲାଉଥିବା ବେଳେ ଭଉଣୀ ଫୁଲ ବିକି ନିଜ ପରିବାର ପ୍ରତିପୋଷଣ କରୁଛି । ଅର୍ଥାତ୍ ଭାଇ ରାଜ୍ୟର ମୁଖ୍ୟମନ୍ତ୍ରୀ ଗାଦୀରେ ବସିଥିବାବେଳେ ଭଉଣୀ ଜଣେ ଫୁଲ ବିକାଳୀ । କଥାଟା ହୁଏତ ଆପଣଙ୍କୁ ଟିକିଏ ଅଲଗା ଲାଗୁଥିବ ମାତ୍ର ବାସ୍ତବରେ ଏହା ସତ୍ୟ ଅଟେ । ତେବେ ଆମେ ଏଠାରେ ଯେଉଁ ମୁଖ୍ୟମନ୍ତ୍ରୀଙ୍କ ସଂପର୍କରେ ଆଲୋଚନା କରୁଛୁ ସେ ଅନ୍ୟ କେହି ନୁହଁନ୍ତି ବରଂ ସେ ହେଉଛନ୍ତି ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ଏବିପିରେ ପ୍ରକାଶିତ ଖବର ମୁତାବକ, ହୃଷିକେଶଠାରୁ ପାଖାପାଖି ୬୦ କିଲୋମିଟର ଦୂରରେ ଅବସ୍ଥିତ ପୌଡି ଜିଲ୍ଲାର ଗଡୱାଲର କୁଠାଲ ନାମକ ଏକ ଛୋଟ ଗାଁରେ ବାସକରନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବଡ ଭଉଣୀ ଶଶୀ । ଆପଣ ଜାଣିଲେ ଚକିତ ହେବେ କି ଭାଇ ରାଜ୍ୟର ମୁଖ୍ୟମନ୍ତ୍ରୀ ହୋଇଥିବା ସତ୍ୱେ ଶଶୀ ବିତାଉଛନ୍ତି ସଂପୂର୍ଣ୍ଣ ଭାବେ ସାଧାସିଧା ଜୀବନ । ଶଶୀଙ୍କର ଦୁଇଟି ପୁଅ ଓ ଗୋଟିଏ ଝିଅ ରହିଛନ୍ତି । ପରିବାର ପୋଷିବା ପାଇଁ ଶଶୀ ନିଜ ସ୍ୱାମୀଙ୍କ ସହ ମିଶି ଗାଁରେ ଏକ ଜଳଖିଆ ଦୋକାନ ଦେବା ସହିତ ଫୁଲ ବିକ୍ରୀ କରି ଅର୍ଥ ରୋଜଗାର କରନ୍ତି ।
ସବୁଠାରୁ ବଡକଥା ହେଲା, ଏଭଳି କରିବା ଦ୍ୱାରା ତାଙ୍କୁ କୌଣସି ଅସୁବିଧା ନାହିଁ ଏବଂ ଏଥିରେ ସେ ବେଶ୍ ଖୁସିରେ ଅଛନ୍ତି । ତେବେ ଯେତେବେଳେ ତାଙ୍କୁ ଯୋଗୀ ଆଦିତ୍ୟନାଥଙ୍କ କଥା ପଚରାଯାଇଥିଲା ସେତେବେଳେ ଶଶୀ କହିଥିଲେ କି, ଯୋଗୀ ପ୍ରାୟତଃ ଅନେକ ବାର ତାଙ୍କ ଘରକୁ ଆସନ୍ତି ଏବଂ ପିଲାମାନଙ୍କ ସହିତ ମଧ୍ୟ ବେଖ୍ ମିଳିମିଶା କରନ୍ତି । ଥର ପାଇଁ ଯୋଗୀ ବିଧାୟକ ନିର୍ବାଚନ ସମୟ ହିଁ ଆସିଥିଲେ ଆଉ ତାପରଠୁୁ ଯୋଗୀ ତାଙ୍କ ଘରକୁ ଯାଇ ନଥିବା ଶଶୀ କହିଛନ୍ତି ।
ଏଠାରେ ଆମେ କହି ରଖୁଛୁ କି, ସାତ ଭାଇ ଭଉଣୀଙ୍କ ମଧ୍ୟରେ ଯୋଗୀ ଆଦିତ୍ୟନାଥ ହେଉଛନ୍ତି ଦ୍ୱିତୀୟ ସନ୍ତାନ ଏବଂ ଯୋଗୀଙ୍କ ଠାରୁ ମାତ୍ର ୬ ବର୍ଷ ବଡ ହେଉଛନ୍ତି ଶଶୀ । ଯୋଗୀଙ୍କ ଭାଇମାନଙ୍କ ମଧ୍ୟରେ ଜଣେ ପୌଡିରେ ପତ୍ରକାର ଥିବାବେଳେ, ଜଣେ ସେନାରେ ଏବଂ ତୃତୀୟ ଭାଇ ଟ୍ରାନ୍ସପୋର୍ଟରେ କାମ କରନ୍ତି । ଯୋଗୀ ଆଦିତ୍ୟନାଥଙ୍କ ବାପା ଆନନ୍ଦ ଜଣେ ଅବସରପ୍ରାପ୍ତ ଫରେଷ୍ଟ ରେଂଜର ଅଟନ୍ତି । ଯିଏ କି ଉତ୍ତରାଖଣ୍ଡ ପୌଡିର ଗଢୱାଲରେ ରୁହନ୍ତି । ତେବେ ଉଚ୍ଚଶିକ୍ଷା ହାସଲ କରିବା ପରେ ଆଦିତ୍ୟନାଥ ୧୯୯୦ରେ ରାମ ମନ୍ଦିର ଆନ୍ଦୋଳନ ସମୟରେ ମହନ୍ତ ଅବୈଧନାଥଙ୍କ ସଂସ୍ପର୍ଶରେ ଆସିଥିଲେ । ଏହାପରେ ଆଦିତ୍ୟନାଥ ଅବୈଧନାଥଙ୍କ ଦ୍ୱାରା ଅନୁପ୍ରାଣିତ ହୋଇ ମାତ୍ର ୨୨ ବର୍ଷ ବୟସରେ ସାଂସାରିକ ମୋହମାୟାରୁ ଦୂରେଇ ଯାଇ ସନ୍ୟାସ ନେଇଯାଇଥିଲେ ।
୧୯୯୪, ୧୫ ଫ୍ରେବୃଆରୀରେ ଗୋରଖପୁରର ମଠ ମହନ୍ତ ଅବୈଧନାଥଙ୍କ ଯୋଗୀ ଆଦିତ୍ୟନାଥଙ୍କୁ ‘ନାଥ‘ ସଂପ୍ରଦାୟରେ ଯୋଗୀର ଦିକ୍ଷା ଦେଇଥିଲେ । ଏହାପରେ ୧୯୯୮ରେ ଯୋଗୀ ଆଦିତ୍ୟନାଥ ପ୍ରଥମ ଥର ପାଇଁ ଭାରତୀୟ ସଂସଦର ସବୁଠାରୁ ଯୁବା ସାଂସଦ ହୋଇଥିଲେ । ଖାଲି ସେତିକି ନୁହେଁ ୧୯୯୯୮ରେ ଲଗାତର ଭାବେ ୫ଥର ସାଂସଦ ଭାବେ ମନୋନ୍ନତି ହୋଇସାରିଛନ୍ତି ଯୋଗୀ ଆଦିତ୍ୟନାଥ । ଏହାପରେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଭାବେ ନିର୍ବାଚିତ ହୋଇଥିଲେ ଯୋଗୀ ଆଦିତ୍ୟନାଥ ।