ମୋଦିଙ୍କ ନୂଆ ଯୋଜନା: ଏଣିକି ୫ କେଜିଆ ଗ୍ୟାସ ସିଲିଣ୍ଡର ଉପରେ ବି ଦିଆଯିବ ସବସିଡି, ଜାଣନ୍ତୁ ପୂରା ପ୍ରକ୍ରିୟା
ମୋଦି ସରକାରଙ୍କ ଉଜ୍ଜ୍ୱଳା ଯୋଜନା ଆଧାରରେ ଗରିବ ଲୋକଙ୍କୁ ମାଗଣାରେ ଗ୍ୟାସ କନେକ୍ସନ ଏବଂ ଗ୍ୟାସ ଚୁଲା ବଂଟା ଯାଉଛି । ଏହି ଯୋଜନା ଅନୁସାରେ ସାରା ଦେଶରେ ପାଖାପାଖି ଅଢେଇ କୋଟିରୁ ଅଧିକ ଗ୍ୟାସ କନେକସନ ବିତରଣ ହୋଇସାରିଲାଣି । ହେଲେ ବର୍ତ୍ତମାନ ମୋଦିଙ୍କ ଏହି ଯୋଜନାକୁ ନେଇ ଏକ ନୂଆ ସମସ୍ୟା ମୁଣ୍ଡ ଟେକିଛି । ଆଉ ସମସ୍ୟାଟି ହେଲା ଲାଭାର୍ଥି ନିଜର ଏଲପିଜି ସିଲିଣ୍ଡରକୁ ରିଫିଲ କରିବାରେ ଅସମର୍ଥ । ତେଣୁ ଲୋକଙ୍କର ଏହି ସମସ୍ୟାକୁ ଦୃଷ୍ଟିରେ ରଖି ସରକାର ଏକ ନୂଆ ବାଟ ବାହାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଉଜ୍ଜ୍ୱଳା ଯୋଜନାର ହିତାଧିକାରୀମାନେ ଏଣିକି ୧୪ କିଲୋ ବିଶିଷ୍ଟ ଗ୍ୟାସ ସିଲିଣ୍ଡରକୁ ଫେରାଇ, ଏହା ବଦଳରେ ଛୋଟିଆ ତଥା ୫ କିଲୋ ବାଲା ସିଲିଣ୍ଡର ନେଇପାରିବେ । ଆଉ ଗୁରୁତ୍ୱପୂର୍ଣ୍ଣ କଥା ହେଲା ଏଥିପାଇଁ ଲାଭାର୍ଥିଙ୍କୁ କୌଣସି ବି ପ୍ରକାରର ଅତିରିକ୍ତ ଟଙ୍କା ପରିଶୋଧ ମଧ୍ୟ କରିବାକୁ ପଡିବ ନାହିଁ । ଏଥିସହିତ ହିଁ ଏହି ଯୋଜନା ଅନୁସାରେ ପାଂଚ କିଲୋ ବାଲା ସିଲିଣ୍ଡର ନେଉଥିବା ଲାଭାର୍ଥିଙ୍କୁ ବି ସବସିଡି ଦିଆଯିବ ।
ଛୋଟ ସିଲିଣ୍ଡର ଉପରେ ମିଳିବ ସବସିଡି
ପେଟ୍ରୋଲିୟମ ମନ୍ତ୍ରାଳୟ ଦ୍ୱାରା ବଡ ସିଲିଣ୍ଡର ଆଧରରେ ଏବେ ଘରୋଇ ଉପଭୋକ୍ତାଙ୍କ ପାଇଁ କମ ଦାମରେ ୫ କେଜିଆ ଗ୍ୟାସ ସିଲିଣ୍ଡର ସବସିଡି ସହ ସରକାରଙ୍କ ଦ୍ୱାରା ଉପଲବ୍ଧ କରାଯାଇଛି । ଯେଉଁ କାରଣରୁ ଉପଭୋକ୍ତା ଛୋଟ ସିଲିଣ୍ଡରକୁ ଅତି ସହଜରେ ଭରି ଉଜ୍ଜ୍ୱଳା ଯୋଜନା ଅନୁସାରେ ମିଳିଥିବା ସିଲିଣ୍ଡର ବ୍ୟବହାର କରିପାରିବେ ।
କେତେ ଦାମ
ଆଇଓସିର ଆଧିକାରୀକ େଓବସାଇଟରେ ଦିଆଯାଇଥିବା ସୂଚନା ମୁତାବକ, ଦିଲ୍ଲୀରେ ୫ କିଲୋ ବିଶିଷ୍ଟ ଗ୍ୟାସ ସିଲିଣ୍ଡରର ଦାମ ବିନା ସବସିଡିରେ ରହିଛି ୩୪୦ଟଙ୍କା ।
ଛୋଟ ସିଲିଣ୍ଡର ନେଇପାରିବେ ଉପଭୋକ୍ତା
ଉଜ୍ଜ୍ୱଳା ଯୋଜନା ପରିସରରେ ଗରିବଙ୍କୁ ବଂଟା ଯାଇଥିବା ଗ୍ୟାସ ସିଲିଣ୍ଡର ରିଫିଲ ପାଇଁ ଲୋକ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । ଯେଉଁ କାରଣରୁ ସରକାର ଏହି ଯୋଜନାରେ ସାମାନ୍ୟ ପରିବର୍ତ୍ତନ ଆଣିଛନ୍ତି । ତେବେ ନୂଆ ଯୋଜନା ଅନୁସାରେ, ବଡ ସିଲିଣ୍ଡର ସହିତ ଏଣିକି ଛୋଟ ତଥା ୫ କିଲୋ ବିଶିଷ୍ଟ ସିଲିଣ୍ଡର ମଧ୍ୟ ଜାରି କରାଯାଇଛି । ଯାହାଦ୍ୱାରା ଉପଭୋକ୍ତା ଯେଉଁମାନେ କି ବଡ ସିଲିଣ୍ଡର ଭରିବାର ଅସମର୍ଥ ହେଉଛନ୍ତି ସେମାନେ ବଡ ସିଲିଣ୍ଡରକୁ ବଦଳାଇ ଛୋଟ ସିଲିଣ୍ଡର ନେଇପାରିବେ ।