ମଝି ଆକାଶରେ ନିଆଁ ! ବିମାନ ମଧ୍ୟରେ ହୁତୁହୁତୁ ହୋଇ ଜଳି ଉଠିଲା ଲ୍ୟାପଟପ
ଦିନକୁ ଦିନ ଦେଶର ସ୍ଥିତି ସଙ୍ଗୀନ ସ୍ଥିତିରେ ପହଂଚିଲାଣି । କେଉଁଠି ଭୂମିକମ୍ପରେ ଶହ ଶହ ଲୋକଙ୍କର ପ୍ରାଣ ଗଲାଣି ତ ପୁଣି କେଉଁଠି ଆତଙ୍କବାଦୀ ହମଲା । ସେହିପରି କେଉଁଠି ଡଙ୍ଗା ବୁଡି ହେଲାଣି ତ ପୁଣି କେଉଁଠି ଚଳନ୍ତା ବିମାନରେ ଲାଗିଲାଣି ନିଆଁ । ତେବେ ଏହି ପ୍ରସଙ୍ଗ ଆଲୋଚନା କରିବାର ମୁଖ୍ୟ ଉଦ୍ଦେଶ୍ୟ ଆମର ଏହି ଖବର ସହିତ ଜଡିତ ଆଉ ଏହି ଘଟଣାଟି ହେଲା ବିମାନରେ ନିଆଁ ଲାଗିବା ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଆମେ ଆପଣଙ୍କୁ ଜଣାଇଥିଲୁ କି ଏକ ଚଳନ୍ତା ବିମାନରେ ଜଣେ ମହିଳାଙ୍କ ମୋବାଇଲରେ ନିଆଁ ଲାଗିଯାଇଥିଲା ଫଳରେ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଯାଇଥିଲା । ଯଦିଓ ପରବର୍ତ୍ତୀ ସମୟରେ ନିଆଁକୁ ଆୟତ କରିଦିଆଯାଇଥିଲା ହେଲେ ଏହି ଘଟଣା ପରେଯାତ୍ରୀଙ୍କ ସୁରକ୍ଷାକୁ ନେଇ ଏକ ବଡ ପ୍ରଶ୍ନ ବାଚୀ ସୃଷ୍ଟି ହୋଇଛି । ସୂଚନା ମୁତାବକ, ଇଣ୍ଡିଗୋର ଏକ ବିମାନ ଉଡାଣ ସମୟରେ ପ୍ଲେନରେ ଥିବା ଏକ ଲାପଟପରେ ନିଆଁ ଲାଗିଯାଇଥିଲା । ତେବେ ଏହି ପ୍ଲେନଟି ତିରୁବନ୍ତପୁରମରୁ ବେଙ୍ଗାଲୁରୁ ଯାଉଥିବା ସମୟରେ ଏଭଳି ଦୁର୍ଘଟଣାର ଶିକାର ହୋଇଥିଲା ।
ଟାଇମ୍ସ ଅଫ ଇଣ୍ଡିଆରେ ପ୍ରକାଶିତ ଖବର ମୁତାବକ, ତିରୁବନ୍ତପୁରମରୁ ବେଙ୍ଗାଲୁରୁ ଅଭମୁଖେ ଯାଉଥିବା ଫ୍ଲାଇଟ ନମ୍ବର ୬ଇ-୪୪୫ରେ ଥିବା ଏକ ଲ୍ୟାପଟପରେ ଗତ ଶନିବାର ତଥା ୧୧ ନଭେମ୍ବରରେ ନିଆଁ ଲାଗି ଯାଇଥିଲା । ଫ୍ଲାଇଟରେ ବସିଥିବା ଯାତ୍ରମାନେ କ୍ରୃ ମେମ୍ବର୍ସଙ୍କୁ ସୂଚିତ କରିବା ପରେ ଯାଇ କ୍ରୃ ମେମ୍ବର୍ସଙ୍କୁ ଏସଂପର୍କିତ ଖବର ମିଳିଥିଲା । ଯାତ୍ରୀଙ୍କ କହିବା କଥା ହେଲାକି, ସେମାନେ ବସିଥିବା କେବିନରୁ କିଛି ଜଳିବାର ଏକ କଳା ବ୍ୟାଗରୁ କିଛି ଜଳିବାର ଗନ୍ଧ ଆସିଥିଲା । ଏହାପରେ ସେମାନେ କ୍ରୃ ମେମ୍ବର୍ସଙ୍କୁ ଜଣାଇଥିଲେ । ଯାତ୍ରୀଙ୍କଠାରୁ ଖବର ପାଇ କ୍ରୃ ମେମ୍ବର୍ସ ଅଗ୍ନିଶମକ ଯନ୍ତ୍ର ସହାୟତାରେ ଏହି ନିଆଁକୁ ଆୟତ କରିଥିଲେ ଏବଂ ସେଠାରେ ବସିଥିବା ଯାତ୍ରୀଙ୍କୁ ଅନ୍ୟ ଏକ ସ୍ଥାନରେ ସ୍ତାନାନ୍ତର କରିଥିଲେ । ଏଥିସହିତ ହିଁ ଯେ ପର୍ଯ୍ୟନ୍ତ ଫ୍ଲାଇଟ ଲ୍ୟାଣ୍ଡ ହୋଇ ନଥିଲା ସେହି ଲାପଟପକୁ ରପାଣିରେ ବୁଡାଇ ରଖାଯାଇଥିଲା ।
ଏଠାରେ ଆମେ କହି ରଖୁଛୁ କି, ଚଳାନ୍ତା ବିମାନରେ ନିଆଁ ଲାଗିବା ଘଟଣା କୌଣସି ନୂଆ ଘଟଣା ନୁହେଁ କାରଣ ଏହା ପୂର୍ବରୁ ବି ବିମାନ ଉଡାଣ ସମୟରେ ମୋବାଇଲରେ ନିଆଁ ଲାଗିଯାଇଥିବା ନେଇ ଅନେକ ଖବର ସାମ୍ନାକୁ ଆସି ସାରିସାରିଛି । କିଛି ଦିନ ତଳେ ହିଁ ଜେଟ୍ ଏୟାରବେସ ଫ୍ଲାଇଟରେ ଜଣେ ଯାତ୍ରୀଙ୍କ ସାମସଙ୍ଗ ଗାଲାକ୍ସି ଜେ-୭ରେ ନିଆଁ ଲାଗି ଯାଇଥିଲା । ଯଦିଓ ଏଥିରେ କାହାର କିଛି କ୍ଷତି ଘଟି ନଥିଲା ମାତ୍ର ମଝି ଆକାଶରେ ଏଭଳି ପରିସ୍ଥିତି ସୃଷ୍ଟି ହେବା ନିଶ୍ଚୟ ଏକ ଚିନ୍ତାର ବିଷୟ ଅଟେ । ତେବେ ଏହି ବିମାନଟି ଦିଲ୍ଲୀରୁ ଇନ୍ଦୋର ଅଭିମୁଖେ ଯାତ୍ରା କରୁଥିଲା ଏବଂ ଏଥିରେ ୧୨୦ ଜଣ ଯାତ୍ରୀ ଯାଉଥିଲେ ।