ନୂଆବର୍ଷରୁ ଡେବିଟ୍ କାର୍ଡରୁ ସପିଂ ହେଲା ଶସ୍ତା ! ଜାଣନ୍ତୁ କଣ ରହିଛି ସରକାରଙ୍କ ନୂଆ ନିୟମ
କ୍ୟାବିନେଟ ବୈଠକରେ ଏମଡିଆର ଚାର୍ଜେସରେ ସବସିଡ୍ ଦେବା ଉପରେ ସହମତି ପ୍ରକାଶ ପାଇଛି । ଯେଉଁଥିରେ ଗ୍ରାହକଙ୍କୁ ଡେବିଟ୍ କାର୍ଡରୁ ୨୦୦୦ ଟଙ୍କା ପର୍ଯ୍ୟନ୍ତ ପେମେଂଟ କରିବା ଉପରେ ସବସିଡ୍ ଦିଆଯିବ । ତେବେ କ୍ୟାବିନେଟ ଏମଡିଆର ଚାର୍ଜିଂ ଉପରେ ସବସିଡ୍ ଦେବା ନେଇ ରଖିଥିବା ପ୍ରସ୍ତାବକୁ ମଂଜୁରୀ ଦେଇଛି । ଏଠାରେ ଆମେ କହି ରଖୁଛୁ କି, ଡିଜିଟାଲ ପେମେଂଟକୁ ଅଧିକ ପ୍ରାଥମିକତା ଦେବା ଉଦ୍ଦେଶ୍ୟରେ ଆରବିଆଇ ଏଭଳି ଏକ ବଡ ନିଷ୍ପତି ନେଇଛନ୍ତି । ଆରବିଆଇ ଏମଡିଆର ଚାର୍ଜରେ ପରିବର୍ତ୍ତନ ଆଣିଛନ୍ତି । ବ୍ୟବସାୟରେ ସେମାନଙ୍କର କ୍ୟାଟାଗୋରୀ ହିସାବରେ ଏମଡିଆର ଚାର୍ଜ ଆଦାୟ କରାଯାଇଥାଏ । ତେବେ ଏହି ନିୟମ ନୂଆ ବର୍ଷ ତଥା ୨୦୧୮, ଜାନୁଆରୀ ୧ରୁ ଲାଗୁ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଡେବିଟ୍ କାର୍ଡର ବ୍ୟବହାରକୁ ବୃଦ୍ଧି କରାଇବା ପାଇଁ କେନ୍ଦ୍ର ସରକାର ଗତ ୧୫ ତାରିଖରେ ମର୍ଚେଟ ଡିସକାଉଂଟ ଚାର୍ଜ (ଏମଡିଆର) ଉପରେ ସବସିଡ୍ ଦେବାକୁ ନିଷ୍ପତି ନେଇଛନ୍ତି । ଏହି ସବସିଡ ୨,୦୦୦ଟଙ୍କାରୁ କମ ଟ୍ରାଂନଜାକ୍ସନ ଉପରେ ମିଳିବ । କ୍ୟାବିନେଟ ଏସଂପର୍କରେ ଦିଆଯାଇଥିବା ପ୍ରସ୍ତାବକୁ ମଂଜୁରୀ ଦେଇଛନ୍ତି । ଦୋକାନୀମାନଙ୍କୁ ଡେବିଡ୍ କାର୍ଡ ଟ୍ରାଂନଜାକ୍ସନ ଉପରେ ଏମଡିଆର ଦେବାକୁ ପଡିଥାଏ ।
ତେବେ ୨,୦୦୦ ଟଙ୍କାର ଟ୍ରାଂନଜାକ୍ସନ ଉପରେ ଏବେ ଏମଡିଆର ଚାର୍ଜେସ ଶେଷ ହୋଇଛି । ଯାହାର ଲାଭ ସାଧାରଣ ଲୋକଙ୍କୁ ଦିଆଯିବ । ଆପଣ ବର୍ତ୍ତମାନ ଯେତେବେଳେ ବି ପିଓଏସ ମେସିନରୁ ଡେବିଟ୍ କାର୍ଡ ଦ୍ୱାରା ଅର୍ଥ କାରବାର କରିବେ ତେବେ ଆପଣଙ୍କୁ ଏଥିପାଇଁ ଆଉ ଅତିରିକ୍ତ ଫିସ୍ ଦେବାକୁ ପଡିବ ନାହିଁ ।
ମର୍ଚେଟ ଡିସକାଉଂଟ ରେଟ ହେଉଛି ବ୍ୟାଙ୍କ କୌଣସି ବି ଦୋକାନୀ କିମ୍ବା ବ୍ୟବସାୟ ଦ୍ୱାରା କାର୍ଡ ପେମେଂଟ ସେବା ପାଇଁ ନେଇଥାଏ । ଅଧିକାଂଶ ବ୍ୟବସାୟ ଏମଡିଆର ଚାର୍ଜେସର ଭାର ଗ୍ରାହକଙ୍କୁ ଉପରେ ଥୋକି ଦେଇଥାନ୍ତି ଏବଂ ବ୍ୟାଙ୍କକୁ ଦିଆଯାଉଥିବା ଫିସକୁ ଗ୍ରାହକଙ୍କଠାରୁ ଆଦାୟ କରିଥାନ୍ତି ।
ଆରବିଆଇ ନିଷ୍ପତି ଅନୁସାରେ, ବ୍ୟବସାୟର ଟର୍ଣ୍ଣଓଭର ହିସାବରୁ ଏମଡିଆର ଚାର୍ଜ ନିର୍ଦ୍ଧାରଣ କରାଯିବ । ୨୦ ଲକ୍ଷ ଟଙ୍କାରୁ କମ ଟର୍ଣ୍ଣଓଭର ଥିବା ଛୋଟ ବ୍ୟବସାୟ ପରିସରଭୂକ୍ତରେ ଆସିବ । ଯେବେ କି ୨୦ ଲକ୍ଷ ଟଙ୍କାରୁ ଅଧିକ ଟର୍ଣ୍ଣଓଭର ଥିବା ବଡ ବ୍ୟବସାୟ ପରିସରରେ ଆସିବ ।