କୁନି ପିଲାର ଜିଦ୍ ଆଗରେ ମୁଣ୍ଡ ନୁଆଇଲେ ମୁଖ୍ୟମନ୍ତ୍ରୀ ! ଭାଇରାଲ୍ ହେଲା ଭିଡିଓ
କିଛି ଦିନ ହେଲା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏକ ଭିଡିଓ । ଯେଉଁଥିରେ ଏକ ଛୋଟିଆ ବାଳକ ମୁହଁ ଲୁଚାଇ ଖଟରେ ଶୋଇ ମୁଖ୍ୟମନ୍ତ୍ରୀଙ୍କୁ ଦେଖାକରିବାକୁ ଜିଦରେ ଅଡି ବସିଛି । ତେବେ ଛୋଟ ବାଳକଟି ଯେଉଁ ମୁଖ୍ୟମନ୍ତ୍ରୀଙ୍କୁ ଦେଖା କରିବାକୁ ବାରମ୍ବାର କହୁଛି ସେ ହେଉଛନ୍ତି କେରଳର ମୁଖ୍ୟମନ୍ତ୍ରୀ ପିନରଇ ବିଜୟନ ଏବଂ ବାଳକଟିର ନାଁ ହେଉଛି ଆଦି । ବଡ କଥା ହେଉଛି କି, ଆଦିର ଏହି ଜିଦ୍ଦ ଆଗରେ ବି ମୁଣ୍ଡ ନୁଆଇଛନ୍ତି କେରଳ ମୁଖ୍ୟମନ୍ତ୍ରୀ ବିଜୟନ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, କୁନି ପିଲାଟିର ମା’ ଆଦିଙ୍କୁ କଥା ଦେଇଥିଲେ କି, ଯେବେ ମୁଖ୍ୟମନ୍ତ୍ରୀ ଆସିବେ ସେ ତାଙ୍କୁ ମୁଖ୍ୟମନ୍ତ୍ରୀଙ୍କ ସହିତ ଭେଟ କରିଦେବେ ଆଉ ଯେଉଁଥି ପାଇଁ ଆଦିଙ୍କ ମା’ ରସିନା ରଂଜିତ ଏହି ଭିଡିଓକୁ ଫେସବୁକରେ ଅପଲୋଡ କରିଥିଲେ । ଯାହାକି ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହୋଇଯାଇଥିଲା ।
ତେବେ ଏହି ଭିଡିଓଟି ବିଜୟନଙ୍କ ପାଖରେ ମଧ୍ୟ ପହଁଚିଥିଲା ଆଉ କୁନି ପିଲାର ଜିଦ୍ଦ ଆଗରେ ସେ ବି ମୁଣ୍ଡ ନୁଆଇଥିଲେ । ଏହାପରେ ଖୋଦ ବିଜୟନ ଆଦିଙ୍କୁ ଡକାଇ ତାଙ୍କ ସହିତ ସାକ୍ଷାତ କରିଛନ୍ତି । ଯାହାର ଫଟୋକୁ ଆଦିଙ୍କ ମା’ ଫେସବୁକରେ ଶେୟାର କରି ଏସଂପର୍କରେ ସୂଚନା ଦେଇଛନ୍ତି । ଆଦି ସିଏମଙ୍କ ସହିତ ସାକ୍ଷାତ କରିବା ସହିତ ତାଙ୍କୁ ନିଜ ହାତରେ ସିଏମଙ୍କ ଏକ ଫଟୋ ତିଆରି କରି ଉପହାର ମଧ୍ୟ ଦେଇଥିଲେ । ଏସିଏମଙ୍କୁ ସାକ୍ଷାତ କରିବାର ଭିଡିଓ ମଧ୍ୟ ସୋଲିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।