ଟ୍ରାଇକୁ ଜିଓର ଚିଠି : ତଥ୍ୟ ଲୁଚାଉଛି ଏୟାରଟେଲ୍, କରୁଛି ମିଛ ପ୍ରଚାର
ରିଲାଏନ୍ସ ଜିଓ ଏବଂ ଭାରତୀ ଏୟାରଟେଲ ମଧ୍ୟରେ ଆରମ୍ଭ ହୋଇଯାଇଛି ଖଣ୍ଡଯୁଦ୍ଧ । ତେବେ ଏହା କୋଣସି ଡାଟା ଅଫର କିମ୍ବା ଶସ୍ତା ମୋବାଇଲକୁ ନୁହେଁ ବରଂ ଇଂଟରକନେକ୍ସନ ଉପଭୋକ୍ତା ଶୁଳ୍କ ତଥା ଆଇୟୁସିକୁ ନେଇ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ଏବିପି ନ୍ୟୁଜରେ ପ୍ରକାଶିତ ଖବର ମୁତାବକ, ଜିଓ ଏୟାରଟେଲ ବିରୋଧରେ ଆଣିଛି ତଥ୍ୟ ଲୁଚାଇବା ଭଳି ସଂଗୀନ ଅଭିଯୋଗ । ଯାହାକି ନିକଟରେ ଏୟାରଟେଲ୍ ଟ୍ରାଇକୁ ଦେଇଥିବା ତଥ୍ୟରେ ପ୍ରମାଣିତ ହୋଇଛି । ସୂଚନା ମୁତାବକ, ଏୟାରଟେଲ ମୋବାଇଲ ଇଂଟରକନେକ୍ସନ ଶୁଳ୍କ ଆଧାରରେ ୟୁଜର୍ସଙ୍କୁ ଦେବାକୁ ପଡୁଥିବା ଧାର୍ଯ୍ୟ ମୂଲ୍ୟକୁ ନିଜ ସପକ୍ଷରେ ଆଣିବାକୁ ଚେଷ୍ଟା କରୁଛି ବୋଲି ରିଲାଏନ୍ସ ଜିଓର ଅଭିଯୋଗ ରହିଛି ।
ଏୟାରଟେଲ ଇଂଟରକନେକ୍ସନ ଉପଭୋକ୍ତା ଶୁଳ୍କ ତଥା ଆଇୟୁସିର ପ୍ରକିୟାର ସମାକ୍ଷାକୁ ପ୍ରଭାବିତ କରିବା ପାଇଁ ଏଭଳି ଭ୍ରମ ସୃଷ୍ଟି କରିଛି ବୋଲି ଜିଓର ଅଭିଯୋଗ ରହିଛି । ଏୟାରଟେଲ ଗତ ସପ୍ତାହ, ରିଲାଏନ୍ସ ଜିଓ ଉପରେ କନେକ୍ସନ ଶୁଳ୍କ ପ୍ରସଙ୍ଗରେ ଟ୍ରାଇ ଏବଂ ଉପଭୋକ୍ତାଙ୍କୁ ଭ୍ରମିତ କରୁଥିବାର ଅଭିଯୋଗ ଆଣିଥିବାବେଳେ, ଆଇୟୁସି କାରଣରୁ ବିଗତ ୫ ବର୍ଷ ହେଲା ୬,୮୦୦ କୋଟି ଟଙ୍କାର କ୍ଷତି ସହିବାକୁ ପଡିଛି ବୋଲି ତଥ୍ୟ ଉପସ୍ଥାପନା କରିଥିଲା ଏୟାରଟେଲ । ଯାହାକୁ ସଂପୂର୍ଣ୍ଣ ମିଥ୍ୟା ବୋଲି ଦାବି କରିଛି ରିଲାଏନ୍ସ ଜିଓ ।
ଜିଓର କହିବା କଥା ହେଲା, ‘ଉପଲବ୍ଧ ଥିବା ଆଇୟୁସି କାରଣରୁ ଏୟାରଟେଲ ଦେଇଥିବା ତଥ୍ୟ ସଂପୂର୍ଣ୍ଣ ଭାବେ ଭୂଲ ଅଟେ’ । ଖାଲି ସେତିକି ନୁହେଁ ଜିଓ ଏନେଇ ଏକ ଚିଠି ମଧ୍ୟ ଟ୍ରାଇ ନିକଟକୁ ପଠାଇଛି । ଯେଉଁଥିରେ ଉଲ୍ଲେଖ ରହିଛି କି, ଏୟାରଟେଲର ସମସ୍ତ ଯୁକ୍ତି ମିଥ୍ୟା ଅଟେ ଏବଂ ଏହା ତଥ୍ୟ ଉପରେ ଆଧାରିତ ନୁହେଁ । ଯାହାକି ଲୋକଙ୍କୁ ଭ୍ରମିତ କଲାଭଳି ରହିଛି । ଆମେ ପ୍ରାଧୀକରଣଙ୍କଠାରୁ ଆଶା କରୁଛୁ କି, ଏଭଳି ପ୍ରକାର ଭିର୍ତ୍ତିହୀନ ଦାବି ପାଇଁ ଏୟାରଟେଲ ବିରୋଧରେ ଦୃଢକାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ।
ଏଠାରେ ଆମେ କହି ରଖୁଛୁ କି, ଇଂଟରକନେକ୍ସନ ଉପଭୋକ୍ତା ଶୁଳ୍କ (ଆଇୟୁସି) ଦର ଟ୍ରାଇ ହିଁ ସ୍ଥିର କରିଥାଏ । ଦୂର ସଂଚାର କଂପାନୀମାନେ ଅନ୍ୟ କଂପାନୀର ନେଟୱର୍କରୁ ଆସୁଥିବା କଲ୍ ଉପରେ ହିଁ ଆଇୟୁସି ଲାଗାଇଥାନ୍ତି । ବର୍ତ୍ତମାନ ସମୟରେ ମୋବାଇଲ ଫୋନରୁ କରାଯାଉଥିବା କଲ ଉପରେ ଆଇସିୟୁର ଦର ରହିଛି ୧୪ ପଇସା । ଆଉ ଏହାକୁ ନେଇ ବର୍ତ୍ତମାନ ରିଲାଏନ୍ସ ଜିଓ ଏବଂ ଏୟାରଟେଲ ମଧ୍ୟରେ ଆରୋପ ପ୍ରତ୍ୟାରୋପ ଆରମ୍ଭ ହୋଇଯାଇଛି ।