ଜିଓ ଫୋନରେ ବି ଚଲାଇପାରିବେ ହ୍ୱାଟସଆପ ! ସେ ପୁଣି ମାଗଣାରେ, ଜାଣନ୍ତୁ କିପରି 

79

ରିଲାଏନ୍ସ ଜିଓର ‘ଜିଓ ଫୋନ’ରେ ହ୍ୱାଟସଆପ ଚଲାଇବାର କୌଣସି ବ୍ୟବସ୍ଥା ନାହିଁ । ୟୁଜର୍ସ କେବଳ କଂପାନୀର କିଛି ନିଦ୍ଦିଷ୍ଟ ଆପକୁ ହିଁ ବ୍ୟବହାର କରିପାରିବେ, ଯାହାକି ପୂର୍ବରୁ ଫୋନଟିରେ ଉପଲବ୍ଧ ଥିବ । ତେବେ ଏଭଳି ସୂଚନା ଦେଇଥିଲା ଖୋଦ୍ ରିଲାଏନ୍ସ କଂପାନୀ । ଫୋନର ଲଂଚି ଅବସରରେ ହିଁ ଏକଥା କଂପାନୀ ସ୍ପଷ୍ଟ କରିଥିଲା । ୟୁଜର୍ସ ଏଥିରେ ନା ତ ହ୍ୱାଟସଆପ ଚଲାଇ ପାରିବେ ନା ହିଁ କୌଣସି ଆପ ଡାଉନଲୋଡ କରିପାରିବେ ବୋଲି କଂପାନୀ ସୂଚିତ କରିଥିଲା । ହେଲେ ଏହାସବୁ ସତ୍ୱେ ବି ଆପଣ ଜିଓ ଫୋନରେ ହ୍ୱାଟସଆପ ବ୍ୟବହାର କରିପାରିବେ । ଯାହାର ଟ୍ରିକ୍ ଆଜି ଆମେ ଆପଣଙ୍କୁ ଜଣାଇବାକୁ ଯାଉଛୁ । ଏହାଦ୍ୱାରା ଆପଣଙ୍କୁ ଖର୍ଚ୍ଚାନ୍ତ ହେବାକୁ ବି ପଡିବ ନାହିଁ, କାରଣ ଏହି ପ୍ରକ୍ରିୟା ଅତି ସହଜରେ ଓ ମାଗଣାରେ ଆପଣଙ୍କ ଜିଓଫୋନରେ ବ୍ୟବହାର କରିପାରିବେ । ତେବେ ଆସନ୍ତୁ ଜାଣିବା ଏହି ଟ୍ରିକ୍ ସଂପର୍କରେ ।

• ସର୍ବ ପ୍ରଥମେ ଆପଣଙ୍କ ଜିଓ ଫୋନର ବ୍ରାଉଜରକୁ ଯାଇ ସେଠାରେ www.browserling.com ଓପନ କରନ୍ତୁ ।

• ଏହି ୱେବସାଇଟରେ ଆପଣଙ୍କୁ ୫ ପ୍ରକାରର ବ୍ରାଉଜର ନଜର ଆସିବ । ଯେଉଁଥିରେ ଆପଣଙ୍କୁ କ୍ରୋମକୁ ହିଁ ଚୟନ କରିବାକୁ ପଡିବ ।

• ଏହାପରେ ୱେବସାଇଟରେ ଦିଆଯାଇଥିବା ଆଡ୍ରେସ ବାରକୁ ଯାଇ  web.whatsapp.com ଓପନ କରନ୍ତୁ ।

• ଏଠାରେ ଆପଣଙ୍କୁ ଏକ କ୍ୟୁଆର (QR)କୋଡ ନଜର ଆସିବ ଯାହାକୁ ଆପଣ ୩ ନମ୍ବରର ବଟନ ସହିତ ଜୁମ କରିବାକୁ ପଡିବ ।

• ଏବେ ଆପଣ ଯେଉଁ ଫୋନରେ ପୂର୍ବରୁ ହିଁ ହ୍ୱାଟସଆପ ବ୍ୟବହାର କରୁଥିବେ, ତାକୁ ହ୍ୱାଟସଆପ ୱେବକୁ ଯାଇ କ୍ୟୁଆର କୋଡରେ ସ୍କାନ କରିବାକୁ ପଡିବ ।

• ଏଭଳି ଭାବେ ଆପଣଙ୍କର ଜିଓ ଫୋନରେ ହ୍ୱାଟସଆପ  ଓପନ ହୋଇଯିବ ।

• ଏବେ ଏଥିରେ ସେ ପର୍ଯ୍ୟନ୍ତ ହ୍ୱାଟସଆପ ଓପନ ରହିବ ଯେ ପର୍ଯ୍ୟନ୍ତ ଆପଣ ଏହାକୁ ଲଗଆଉଟ୍ କରିନଥିବେ । ଏଥିସହିତ ଜିଓ ଫୋନରେ ଆପଣ ମାଗଣାରେ ହ୍ୱାଟସଆପ ବ୍ୟବହାର କରିପାରିବେ ।

ଏଠାରେ ଆମେ କହି ରଖୁଛୁ କି, ରିଲାଏନ୍ସ ଜିଓର ଫିଚର ଫୋନର ପ୍ରି ବୁକିଂ ପ୍ରକ୍ରିୟା ଆରମ୍ଭ ହେବାର ମାତ୍ର ୪୮ ଘଂଟା ଭିତରେ ହିଁ କଂପାନୀକୁ ଏହାକୁ ବନ୍ଦ କରିବାକୁ ପଡିଥିଲା । ଏହି ଫୋନକୁ ୬୦ ଲକ୍ଷରୁ ଅଧିକ ଲୋକ ପ୍ରିବୁକିଂ କରିସାରିଛନ୍ତି । ଏହାପରେ ପୁଣି ଥରେ ପ୍ରିବୁକିଂ ପ୍ରକ୍ରିୟା କରାଯାଇ ନାହିଁ । ତେବେ ଏହି ଫୋନର ପ୍ରିବୁକିଂ ପାଇଁ ପ୍ରଥମେ ୫୦୦ ଟଙ୍କା ଦେବାକୁ ପଡିବ ଏବଂ ଯେତେବେଳେ ଫୋନର ଡେଲିଭରୀ ହେବ ସେତେବଳେ ୧,୦୦୦ଟଙ୍କା ଦେବାକୁ ପଡିବ । କଂପାନୀ ସୂଚନା ମୁତାବକ, ଏହି ୧,୫୦୦ଟଙ୍କାର ସିକ୍ୟୁରିଟି ମନି ଆଧାରରେ ୩ବର୍ଷ ପରେ ୟୁଜରଙ୍କୁ ଫେରସ୍ତ କରିଦିଆଯିବ । ବର୍ତ୍ତମାନ ୧,୫୦୦ଟଙ୍କାର ସିକ୍ୟୁରିଟି ଫେରସ୍ତ ନେବା ପାଇଁ ହେଲେ ଗ୍ରାହକଙ୍କୁ ଫୋନଟିକୁ କଂପାନୀକୁ ଫେରାଇବାକୁ ପଡିବ ।