ଗଡିଲା ସୌର ଚାଳିତ ପ୍ରଥମ ଟ୍ରେନ୍ !
ପ୍ରଥମ ଥର ପାଇଁ ଭାରତୀୟ ରେଳବାଇ ପକ୍ଷରୁ ସୌରଶକ୍ତି ଯୁକ୍ତ ଡିଏମୟୁ ଟ୍ରେନର ଶୁଭାରମ୍ଭ ଶୁକ୍ରବାର ହୋଇଛି । ଦିଲ୍ଲୀର ସଫଦରଜଙ୍ଗ ରେଳ ଷ୍ଟେସନରୁ ଏହି ଟ୍ରେନ୍ ଗଡିଛି । ଦିଲ୍ଲୀର ସରାଇ ରୋହିଲ୍ଲା ଷ୍ଟେସନରୁ ହରିୟାଣାର ଫାରୁକ୍ ନଗର ଷ୍ଟେସନ ପର୍ଯ୍ୟନ୍ତ ଚାଲିବାକୁ ଥିବା ଏହି ଟ୍ରେନରେ ୮ଟି ଡବା ଥିବାବେଳେ ୧୬ଟି ସୋଲାର୍ ପ୍ୟାନେଲ୍ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ମେକ୍ ଇନ୍ ଇଣ୍ଡିଆ ଅଭିଯାନ ଅନ୍ତର୍ଗତ ଏହି ସୋଲାର ପ୍ୟାନେଲ୍ ବାବଦରେ ଖର୍ଚ୍ଚ ହୋଇଛି ୫୪ ଲକ୍ଷ ଟଙ୍କା । ଏହି ଟ୍ରେନରେ ପାୱାର ବ୍ୟାକଅପ୍ ସୁବିଧା ମଧ୍ୟ ରହିଛି । ବ୍ୟାଟେରୀ ମାଧ୍ୟମରେ ୭୨ ଘଂଟା ପର୍ଯ୍ୟନ୍ତ ଯାତ୍ରା ଏହି ଟ୍ରେନ୍ କରିପାରିବ । ଗତ ବର୍ଷ ରେଳ ବଜେଟରେ ରେଳମନ୍ତ୍ରୀ ସୁରେଶ ପ୍ରଭୁ ଘୋଷଣା କରିଥିଲେ ଯେ, ସୌରଶକ୍ତି ମାଧ୍ୟମରେ ଆସନ୍ତା ୫ ବର୍ଷ ମଧ୍ୟରେ ଏକ ହଜାର ମେଗାୱାଟ୍ ବିଦ୍ୟୁତ୍ ଶକ୍ତି ଉତ୍ପନ ହେବ । ଏହି ଟ୍ରେନର ଉଦଘାଟନ ପରେ ପ୍ରଭୁ କହିଛନ୍ତି କି ଭାରତୀୟ ରେଳବାଇ ସ୍ୱଚ୍ଛତା ଓ ଅକ୍ଷୟଶକ୍ତିର ଉପଯୋଗ ନେଇ ପ୍ରତିଶ୍ରୃତିବଦ୍ଧ ।
ଆସନ୍ତା ୨୫ ବର୍ଷ ମଧ୍ୟରେ ଟ୍ରେନରେ ସୋଲାର୍ ପ୍ୟାନେଲର ଉପଯୋଗ କାରଣରୁ ପ୍ରତି ଟ୍ରେନରେ ବାର୍ଷିକ ୫.୨୫ ଲକ୍ଷ ଡିଜେଲ୍ ସଂଚୟ କରାଯାଇ ପାରିବ । ସେହିଭଳି ରେଳବାଇ ମଧ୍ୟ ୩ କୋଟି ଟଙ୍କାର ସଂଚୟ କରିପାରିବ । ପରିବେଶକୁ ଦୃଷ୍ଟିରେ ରଖି ଆଗାମୀ ଦିନମାନଙ୍କରେ ଅଧିକରୁ ଅଧିକ ଟ୍ରେନରେ ଏହି ସୁବିଧା ଆରମ୍ଭ ହେବ ବୋଲି ରେଳମନ୍ତ୍ରୀ ସୁରେଶ ପ୍ରଭୁ କହିଛନ୍ତି ।
ସୌଜନ୍ୟ: ଦ ଇକୋନୋମିକ୍ ଟାଇମ୍ସ