ଭିଡ଼ ବଢିଲେ ଭଡ଼ା ବଢିବ ! ରେଳ ମନ୍ତ୍ରାଳୟର ନୂଆ ନିୟମ, ଜାଣନ୍ତୁ କେବେଠାରୁ ଲାଗୁ ହେବ ଏହି ବ୍ୟବସ୍ଥା
ଆଉ ମାତ୍ର କେଇଟା ଦିନ ପରେ ଶେଷ ହେବ ବର୍ଷ ୨୦୧୭ । ନୂତନ ଆଶା ଏବଂ ଅଭିଳାଷ ନେଇ ଆଗମନ କରିବ ବର୍ଷ ୨୦୧୮ । ନୂଆ ବର୍ଷର ଆଗମନ ସହିତ ଅନେକ ନୂଆ ନିୟମ ମଧ୍ୟ ଆରମ୍ଭ ହୋଇଯିବ । ଯାହାକୁ ମାନିବାକୁ ସମସ୍ତେ ବାଧ୍ୟ ଅଟନ୍ତି । ଇତି ମଧ୍ୟରେ ୨୦୧୮ରେ ଛୁଟି ଅବସରରେ ରେଳରେ ଯାତ୍ରା କରିବା ଲୋକଙ୍କୁ ମହଙ୍ଗା ପଡିପାରେ । କାରଣ ନୂଆ ବର୍ଷଠାରୁ ରେଳ ବିଭାଗ ‘ରେଲୱେ ଡାଇନାମିକ ପ୍ରାଇସିଂ’ ନାମକ ବ୍ୟବସ୍ଥା ଲାଗୁ କରିବାକୁ ଯୋଜନା ପ୍ରସ୍ତୁତ କରୁଛନ୍ତି । ଏହି ନୂତନ ବ୍ୟବସ୍ଥା ଆଧାରରେ ଟ୍ରେନରେ ଯାତ୍ରା କରିବା ମହଙ୍ଗା ହୋଇଯିବ । ଯେଉଁ ଟ୍ରେନଗୁଡିକରେ ପାର୍ବଣ ଋତୁ ସମୟରେ ଅଧିକ ଲୋକ ଯାତ୍ରା କରିବେ । ଏଥିସହିତ ଏହି ବ୍ୟବସ୍ଥା ଦ୍ୱାରା ଯେଉଁ ଟ୍ରେନଗୁଡିକ ଫାଙ୍କାରେ ଚାଲୁଥିବ ସେହି ଟ୍ରେନଗୁଡିକର ଯାତ୍ରୀଙ୍କୁ ଏକପ୍ରକାରେ ଆଶ୍ୱସ୍ତି ମିଳିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ହୋଲି, ଦୀପାବଳି, ଛଟ ପୂଜା ଭଳି ପାର୍ବଣ ଋତୁ ଅବସରରେ ଟ୍ରେନଗୁଡିକରେ ଅଧିକ ଭଡି ଦେଖାଦେଇଥାଏ । ଯାହାକୁ ଦୃଷ୍ଟିରେ ରଖି ରେଳମନ୍ତ୍ରାଳୟ ଫ୍ଲାଇଟ୍ ଆଧାରରେ ଡାଇନାମିକ ପ୍ରାଇସିଂ ବ୍ୟବସ୍ଥା ଲାଗୁ କରିବାକୁ ଯାଉଛି । ଅର୍ଥାତ୍ ଯେଉଁ ଟ୍ରେନର ଡିମାଣ୍ଡ ଯେତେ ବଢିବ ସେହି ଟ୍ରେନର ଭଡା ମଧ୍ୟ ସେତେ ଅଧିକ ହେବ । ଏଥିପାଇଁ ପଶ୍ଚିମ-ମଧ୍ୟ ରେଲୱେ ସମେତ ତିନୋଟି ଜୋନରେ ଟ୍ରେନ ଟିକେଟର ଭଡାକୁ ବଢାଇବାର ଯୋଜନା କରାଯାଇଛି । ନିକଟରେ ରେଳ ମନ୍ତ୍ରୀ ପିୟୁଷ ଗୋଏଲ ଏକ ସମ୍ମିଳନୀରେ ଯୋଗ ଦେଇ ଫ୍ଲେକସି ଫେୟର ସିଷ୍ଟମର ସମୀକ୍ଷା କରିଥିଲେ । ଯେଉଁଥିରେ ସାମ୍ନାକୁ ଆସିଥିଲା କି ୨୫୦ରୁ ଅଧିକ ଟ୍ରେନ ଏଭଳି ରହିଛି କି ଯେଉଁଗୁଡିକର ସିଟ୍ ପାଖାପାଖି ୫୦ ପ୍ରତିଶତ ଖାଲି ପଡିଥାଏ ।
ଗଣମାଧ୍ୟମରେ ପ୍ରକାଶିତ ଖବର ମୁତାବକ, ଡାଇନାମିକ୍ ପ୍ରାଇସିଂ ବ୍ୟବସ୍ଥା ଜରିଆରେ ସିଟକୁ ଆଧାର କରି ଟିକେଟର ମୂଲ୍ୟ ଧାର୍ଯ୍ୟ କରାଯିବ । ତେବେ ଏହି ବ୍ୟବସ୍ଥା ଦ୍ୱାରା ଯାତ୍ରୀଙ୍କୁ ଟିକେଟ ଉପରେ ପାଖାପାଖି ୫୦ ପ୍ରତିଶତ ପର୍ଯ୍ୟନ୍ତ ରିହାତି ମଧ୍ୟ ମିଳିପାରେ । ସେହିପରି ଯଦି ଲୋଡ ଅଧିକ ରହିବ ତେବେ ଟିକେଟର ଭଡା ୧୦ରୁ ୨୦ ପ୍ରତିଶତ ପର୍ଯ୍ୟନ୍ତ ମଧ୍ୟ ବଢାଇ ଦିଆଯିବ ।
ବର୍ତ୍ତମାନ ରେଳ ମନ୍ତ୍ରାଳୟ କ୍ରିସ୍ (ରେଳବିଭାଗକୁ କମ୍ପ୍ୟୁଟର ସଫ୍ଟୱୟାର ଦେଉଥିବା କଂପାନୀ)କୁ ପ୍ରତିଟି ମଣ୍ଡଳର ଚୟନ କରାଯାଇଥିବା ଟ୍ରେନଗୁଡିକ ପାଇଁ ଟିକେଟିଂ ବ୍ୟବସ୍ଥାରେ ପରିବର୍ତ୍ତନ କରିବାକୁ କୁହାଯାଇଛି । ମିଳିଥିବା ସୂଚନାରୁ ଯାହା ଜଣା ପଡିଛି କି, ଏହି ବ୍ୟବସ୍ଥାକୁ ଜାନୁଆରୀ ମାସର ଶେଷ ସପ୍ତାହ କିମ୍ବା ଫେବୃଆରୀ ପହିଲାରୁ ଲାଗୁ କରିଦିଆଯିବ ।