ଚୀନ-ପାକିସ୍ତାନ ପଟୁ ବିପଦ । ହେଲେ ଭାରତ ପାଖରେ ନାହିଁ ପର୍ଯ୍ୟାପ୍ତ ଗୋଳାବାରୁଦ । ଯୁଦ୍ଧ ହେଲେ ୧୦ ଦିନରେ ସରିଯିବ
ଗତକାଲି ସଂସଦରେ ଉପସ୍ଥାପିତ ହୋଇଥିବା ସିଏଜିର ଏକ ରିପୋର୍ଟରେ ଦର୍ଶାଯାଇଛି କି ଭାରତୀୟ ସେନା ପାଖରେ ଆବଶ୍ୟକ ପରିମାଣରେ ଗୋଳାବାରୁଦ ମହଜୁଦ ନାହିଁ । ବର୍ତ୍ତମାନ ଯୁଦ୍ଧ ପାଇଁ ଯେତିକି ଗୋଳା-ବାରୁଦା ରହିଛି ତାହା ଆଉ କିଛି ଦିନ ତଥା ୧୦ ଦିନ ଭିତରେ ଶେଷ ହୋଇଯିବ ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ ରିପୋର୍ଟରେ ଉଲ୍ଲେଖ ରହିଛି ୨୦୧୬ରେ ୧୫୨ ପ୍ରକାରର ଗୋଳାବରୁଦ ୩୧ରୁ ୪୦ ଦିନ ପାଇଁ, ୧୨ ପ୍ରକାରର ଗୋଳାବାରୁଦ ୩୦ରୁ ୪୦ ଦିନ ପାଇଁ ଓ ୨୬ ପ୍ରକାରର ଗୋଳାବାରୁଦ ୨୦ ଦିନ ପାଇଁ ଷ୍ଟକ ରହିଥିଲା । ତେବେ ସେନାରେ ଗୋଳାବାରୁଦ ଅଭାବ ଭଳି ସମସ୍ୟା କିଛି ନୂଆ କଥା ନୁହେଁ । କାରଣ ପୂର୍ବରୁ ମଧ୍ୟ ଏଭଳି ସମସ୍ୟା ଦେଖାଦେଇଥିଲା ମାତ୍ର ସେତେବେଳେ ଏହାକୁ ନିୟନ୍ତ୍ରଣକୁ ଆଣାଯାଇପାରିଥିଲା ।
ରିପୋର୍ଟରେ କୁହାଯାଇଛି କି, ଦେଶର ଗୋଳାବାରୁଦ କାରଖାନାଗୁଡିକ ପର୍ଯ୍ୟାପ୍ତ ପରିମାଣର ଉତ୍ପାଦନ କରି ନପାରିବା ସହିତ କ୍ଷତିଗ୍ରସ୍ତ ସାମଗ୍ରୀଗୁଡିକୁ ମରାମତି ମଧ୍ୟ ଠିକସେ କରିପାରୁ ନାହିଁ । ଗୋଳାବାରୁଦ ଡିପୋରେ କର୍ମୀମାନଙ୍କର ଅଭାବ ରହିଛି ଏବଂ ଗଚ୍ଛିତ ଉପକରଣରୁ ଦୁର୍ଘଟଣା ଘଟିବାର ଆଶଙ୍କା ବି ରହିଛି । ରିପୋର୍ଟ ମୁତାବକ, ଚଳିତ ବର୍ଷ ଜାନୁଆରୀରେ ଆର୍ମିର ଗୋଳାବାରୁଦ ମ୍ୟାନେଜମେଂଟର ଫଲୋଅପ୍ ଅଡିଟ କରାଯାଇଥିଲା ।
ଯେଉଥିରେ ଦର୍ଶାଯାଇଛି କି, ଆବଶ୍ୟକତା ହିସାବରେ ସେନା ନିକଟରେ ଗୋଳାବାରୁଦ ଗଚ୍ଛିତ ରହିଛି । ସୁରକ୍ଷା ମନ୍ତ୍ରଣାଳୟ ୪୦ ଦିନର ସମୟ ସୀମା ମଧ୍ୟରେ ଏହି ଗଚ୍ଛିତ ଗୋଳାବାରୁଦକୁ ମଂଜୁରୀ ଦେଇଛି । ମାତ୍ର ୧୯୯୯ ମସିହାରେ ଏହାକୁ କମାଇ ୨୦ ଦିନ ପାଇଁ କରାଯାଇଥିଲା । ଏଭଳି ସ୍ଥିତିରେ କ୍ୟାଗର ରିପୋର୍ଟ ଦେଶରେ ଗୋଳାବାରୁଦର ଅଭାବକୁ ସ୍ପଷ୍ଟ କରିଛି । କ୍ୟାଗ ରିପୋର୍ଟ ଅନୁସାରେ ୨୦୧୬ରେ ୧୫୨ ପ୍ରକାରର ଗୋଳାବରୁଦ ୩୧ରୁ ୪୦ ଦିନ ପାଇଁ, ୧୨ ପ୍ରକାରର ଗୋଳାବାରୁଦ ୩୦ରୁ ୪୦ ଦିନ ପାଇଁ ଓ ୨୬ ପ୍ରକାରର ଗୋଳାବାରୁଦ ୨୦ ଦିନ ପାଇଁ ଷ୍ଟକ ରହିଥିଲା ।
ସେହିପରି ୨୦୦୮ରୁ ୨୦୧୩ ମଧ୍ୟରେ ଏହାର କିଣାବିକା ନେଇ ୯ ଆଇଟମ ଚିହ୍ନଟ କରାଯାଇଥିଲା । ୨୦୧୪ରୁ ୨୦୧୬ ମଧ୍ୟରେ ଏଥିମଧ୍ୟରୁ ପାଂଚଟିର ହିଁ କଂଟ୍ରାକ୍ଟ ଉପରେ କାମ ହୋଇପାରିଛି । ଅଭାବୀ ଭଳି ସମସ୍ୟାକୁ ଦୂର କରିବା ପାଇଁ ଭାରତୀୟ ସେନା ପକ୍ଷରୁ ସୂଚନା ମିଳିଛି କି, ମନ୍ତ୍ରଣାଳୟର ଆର୍ଥିକ ବ୍ୟବସ୍ଥାକୁ ବୃଦ୍ଧି କରାଯାଇଛି । ଏଥିସହିତ ୮ ପ୍ରକାର ଆଇଟମର ଚିହ୍ନଟ ମଧ୍ୟ ହୋଇଛି । ଯାହାର ଉତ୍ପାଦନ ଭାରତରେ ହେବ । ଅଧିକତର ସପ୍ଲାଇ ଅଡିନାନ୍ସ ଫ୍ୟାକ୍ଟ୍ରି ବୋର୍ଡ ପକ୍ଷରୁ କରାଯାଇଥାଏ । କିନ୍ତୁ ଉତ୍ପାଦନର ଲକ୍ଷ ପୁରଣ ହୋଇପାରିନାହିଁ । ଏଥରକ ବୋର୍ଡର ଉତ୍ତର ସନ୍ତୋଷଜନକ ମିଳିପାରିନାହିଁ ।
ସୌଜନ୍ୟ: ଏନଡିଟିଭି