‘ମୁଁ ଭଗବାନଙ୍କୁ ଯାଇ ତୁମମାନଙ୍କ ବିଷୟରେ ନିଶ୍ଚୟ ଅଭିଯୋଗ କରିବି’ : ମରିବା ପୂର୍ବରୁ ନୀରିହ ଶିଶୁଟିର ହୃଦୟବିଦାରକ କଥା
ସିରିଆ ଗୃହଯୁଦ୍ଧ ଦିନକୁ ଦିନ ଅଧିକ ଭୟଙ୍କର ରୂପ ନେବାରେ ଲାଗିଛି । ପୂର୍ବ ଘୋଟା ପ୍ରଦେଶରେ ନିକଟରେ ଆମେରିକାର ବିମାନ ଆକ୍ରମଣରେ ୩୬ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଥିଲା । ୭ଦିନ ମଧ୍ୟରେ ଏହି ଗୃହ ଯୁଦ୍ଧରେ ୬ଶହରୁ ଊର୍ଦ୍ଧ୍ୱ ଲୋକଙ୍କର ମୃତ୍ୟୁ ହୋଇସାରିଥିବା ବେଳେ ୩ହଜାରରୁ ଉର୍ଦ୍ଧ୍ୱ ଆହତ ହୋଇଛନ୍ତି । ଏହି ଆକ୍ରମଣରେ ବିଦ୍ରୋହୀ ଏବଂ ଆଇଏସ୍ ଆତଙ୍କବାଦୀଙ୍କ ଅପେକ୍ଷା ସାଧାରଣ ଲୋକେ ବିଶେଷ ଭାବେ ପ୍ରଭାବିତ ହେଉଛନ୍ତି । ଏଥିପାଇଁ ହଜାରହଜାର ଲୋକ ଘର ଛାଡ଼ିବା ପାଇଁ ବି ବାଧ୍ୟ ହେଉଛନ୍ତି । ତେବେ ଏହି ବୋମାବିସ୍ଫୋରଣରେ ସବୁଠାରୁ ଅଧିକ ଶିଶୁମାନେ ଶିକାର ହେଉଥିବା ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ଆକ୍ରମଣର ଶିକାର ହୋଇଥିବା ଏକ ତିନିବର୍ଷର ଶିଶୁର ଫଟୋ ଭାଇରାଲ ହୋଇଛି। ଯାହାକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା ଏବଂ ଚିକିତ୍ସାଧୀନ ଅବସ୍ଥାରେ ତାର ମୃତ୍ୟୁ ହୋଇଯାଇଥିଲା । ଡାକ୍ତର ଯେତେବେଳେ ଶିଶୁଟିର ଚିକିତ୍ସା କରୁଥିଲେ, ସେ ନିଜ ଶରୀର କଷ୍ଟ ପାଇଁ ନୁହେଁ ବରଂ ପ୍ରତିଦିନ ଏଭଳି ଆକ୍ରମଣର ଦୃଶ୍ୟକୁ ମନେ ପକାଇ ବିକଳ ହୋଇ କାନ୍ଦୁଥିଲା । ଏବଂ ଅତି କରୁଣ ସ୍ୱରରେ ଶିଶୁଟି ଡାକ୍ତରଙ୍କୁ କହିଥିଲା କି, ମୁଁ ଏହି ସମସ୍ତ ବିଷୟରେ ଭଗବାନଙ୍କ ନିକଟରେ ନିଶ୍ଚିୟ ଅଭିଯୋଗ କରିବି ।’ ଏତିକି କହିବା ପରେ ଶିଶୁଟି ସବୁଦିନ ପାଇଁ ଆଖିବୁଜି ଦେଇଥିଲା ।
ଡାକ୍ତରଙ୍କ କହିବାନୁସାରେ, ଉକ୍ତ ଶିଶୁଟିକୁ ଡାକ୍ତରଖାନା ଅସିବା ସମୟରେ ତାର ଶରୀରର ଅଧିକାଂଶ ଅଂଶ ରକ୍ତରେ ବୁଡି ଯାଇଥିଲା । ଆମେ ଯେତେ ଚେଷ୍ଟା କରିଥିଲେ ମଧ୍ୟ ଦୁର୍ଭାଗ୍ୟବଶତଃ ଉକ୍ତ ଶିଶୁଟିକୁ ବଞ୍ଚାଇ ପାରି ନଥିଲୁ ।