ଡିଟିଏଚ-କେବଲୁକୁ ନେଇ ଟ୍ରାଇ ଦେଲା ନିର୍ଦ୍ଦେଶ: ୭୨ ଘଂଟା ଭିତରେ ଚ୍ୟାନେଲ୍ ନଆସିଲେ ଉପଭୋକ୍ତାଙ୍କୁ ମାଗଣରେ ଦିଆଯିବ ସର୍ଭିସ୍
ଭାରତୀୟ ଦୂର ସଂଚାର ବିନିୟାମକ ପ୍ରାଧିକରଣ ତଥା ଟ୍ରାଇର ପ୍ରଚେଷ୍ଟା କାରଣରୁ ଡିଟିଏଚ ଇଣ୍ଡଷ୍ଟ୍ରିରେ ବହୁ ପରିବର୍ତ୍ତନ ଆସିଛି । ନିୟମରେ ସ୍ପଷ୍ଟ କରାଯାଇଛି କି, ଉପଭୋକ୍ତା ଯେତିକି ଚ୍ୟାନେଲ ଦେଖିବାକୁ ଚାହିଁବେ ତାଙ୍କୁ ସେତିକି ହିଁ ଚ୍ୟାନେଲ ଉପଲବ୍ଧି କରାଯିବ । ଏବଂ ଟଙ୍କା ବି ସେ ସେହି ଅନୁସାରେ ଦେବେ । ତେଣୁ ଏହି ନିୟମ ଲାଗୁ କରିବା ପରେ ଟ୍ରାଇ ତରଫରୁ ସମସ୍ତ ଟିଭି କନେକ୍ସନରେ ହେରଫେର ଉପରେ ଫୋକସ କରାଯାଇଛି । ଏଥିପାଇଁ ଟ୍ରାଇ ନିଷ୍ପତି ନେଇଛି କି, ଯାହା ଦ୍ୱାରା ଉଭୟ କେବୁଲ ଟିଭି ଅପରେଟର ଏବଂ ଡିଟିଏଚ ସର୍ଭିସ୍ ପ୍ରୋଭାଇଡର ସବୁବେଳେ ଉପଭୋକ୍ତାଙ୍କର ସମସ୍ୟାର ସମାଧାନ ପାଇଁ ପ୍ରସ୍ତୁତ ରହିବେ ।
Kanak News is now on WhatsApp
Join and get latest news updates delivered to you via WhatsApp
ଟ୍ରାଇ ଘୋଷଣା କରି କହିଛି କି, ଟିଭି କନେକ୍ସନରେ କୌଣସି ବି ପ୍ରକାରର ହେରଫେର ତଥା ସମସ୍ୟାର ସମାଧାନ ପାଇଁ କଲ ସେଂଟରର ବ୍ୟବସ୍ଥା କରାଯାଇଛି । ଯଦି କନେକ୍ସନ ସମ୍ବନ୍ଧିତ କୌଣସି ସମସ୍ୟାକୁ ୭୨ ଘଂଟା ମଧ୍ୟରେ ଠିକ୍ କରାନଯାଏ ତେବେ ଉପଭୋକ୍ତାଙ୍କୁ ଏଥିପାଇଁ ଟଙ୍କା ଦେବାକୁ କୌଣସି ଆବଶ୍ୟକତା ପଡିବ ନାହିଁ । ବରଂ ଉଭୟ କେବୁଲ ଟିଭି ଅପରେଟର ଏବଂ ଡିଟିଏଚ ସର୍ଭିସ ପ୍ରୋଭାଇଡରଙ୍କୁ ମାଗଣାରେ ସେବା ଦେବାକୁ ହେବ ।
ଲୋକଙ୍କର ହୀତ ପାଇଁ ଟ୍ରାଇ ପକ୍ଷରୁ ଏଭଳି ନିୟମ ଜାରି କରାଯାଇଛି । ଯାହାକୁ ୧ ଫେବୃଆରୀରୁ କଡାକଡି ଭାବରେ ଲାଗୁ କରିଦିଆଯିବ । ତେବେ ଉପଭୋକ୍ତାଙ୍କୁ ଫ୍ରି ଟୁ ଏୟାର ଚ୍ୟାନେଲ ପାଇଁ ପ୍ରୂ୍ବରୁ ନିର୍ଧାରିତ ରକମ ପରିଶୋଧ କରୁଥିଲେ । ମାତ୍ର ନୂଆ ନିୟମ ଅନୁସାରେ, ଏବେ ଆପଣଙ୍କୁ କେବଳ ସେତିକି ଟଙ୍କା ହିଁ ପେମେଂଟ କରିବାକୁ ହେବ, ଯାହାକୁ ଆପଣ ଦେଖିବାକୁ ଚାହୁଛନ୍ତି । ଟ୍ରାଇର କହିବା କଥା ହେଲା କି, ଉପଭୋକ୍ତାଙ୍କ ନିକଟରେ ୧୦୦ଟି ଏଚଡି ଚ୍ୟାନେଲ ବାଛିବାର ବିକଳ୍ପ ରହିଛି, ଯେଉଁଥିରେ ଉଭୟ ମାଗଣା ଏବଂ ଦେୟ ଯୁକ୍ତ ଚ୍ୟାନେଲ ଗୁଡିକ ଥାଇପାରେ । ତେବେ ଟ୍ୟାକ୍ସ ସହିତ ଏହି ପ୍ୟାକେଜର ଦାମ ମାତ୍ର ୧୩୦ ଟଙ୍କାରୁ ଅଧିକ ରହିବ ନାହିଁ ।