ଆଉ ଦରକାର ପଡିବନି ସିମ୍ କିମ୍ବା ସିଗନାଲ୍ ! ଏଣିକି ବିନା କୌଣସି ସିମ ଏବଂ ନେଟୱର୍କରେ ମଧ୍ୟ କରିପାରିବେ କଲ୍, ଜାଣନ୍ତୁ ପୂରା ପ୍ରକ୍ରିୟା….
ନିକଟରେ ଏଭଳି ଏକ ସେବା ଆରମ୍ଭ କରିଛି ଭାରତ ସଂଚାର ନିଗମ ଲିମିଟେଡ ତଥା ବିଏସଏନଏଲ । ଦେଶର ପ୍ରଥମ ଇଂଟରନେଟ୍ ଟେଲିଫୋନ ସର୍ଭିସ ଭାବରେ ବିଏସଏନଏଲ ପ୍ରଥମେ ଏହି ସେବାର ଶୁଭାରମ୍ଭ କରିଛି । ଯାହାଦ୍ୱାରା ଏଣିକି ବିଏସଏନଏଲର ୟୁଜର୍ସ, ୱିଗ୍ସ ମୋବାଇଲ ଆପ ଜରିଆରେ ଦେଶର କୌଣସି ବି ଟେଲିଫୋନ ନମ୍ବରରେ ବିନା କୌଣସି ସିମରେ କଥା ହୋଇପାରିବେ । ତେବେ ଏହି ସୁବିଧା ୨୫ ଜୁଲାଇରୁ ଆରମ୍ଭ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବିଏସଏନଏଲର ଗ୍ରାହକମାନେ କଂପାନୀର ‘ୱିଗ୍ସ’ ମୋବାଇଲ ଆପରୁ ଦେଶର କୌଣସି ବି ଟେଲିଫୋନ ନମ୍ବରରେ କଲ କରି କଥା ହୋଇପାରିବେ । ଏହାବ୍ୟତୀତ ରିଲାଏନ୍ସ ଜିଓ ମଧ୍ୟ ୱାଇଫାଇ କଲିଂ ସୁବିଧା ଆରମ୍ଭ କରିବାକୁ ଯାଉଛି । ଇଂଟରନେଟ ଟେଲିଫୋନରେ ୱାଇଫାଇ ଜରିଆରେ ୟୁଜର୍ସ କଲ କରିପାରିବେ । ଆଜି ଆମେ ଆପଣଙ୍କୁ ଏଭଳି କିଛି ଟିପ୍ସ ସଂପର୍କରେ ଜଣାଇବୁ ଯାହା ଜରିଆରେ ଆପଣ ଆଇଫୋନ ଏବଂ ଆଣ୍ଡ୍ରଏଡ ଡିଭାଇସରୁ ଏହାକୁ ଏଲାବୁଲ କରିପାରିବେ । ଏହି ପ୍ଲାନ ଆଧାରରେ ୟୁଜର୍ସଙ୍କୁ ବର୍ଷକ ପାଇଁ ଉଭୟ ଅଡିଓ ଓ ଭିଡିଓ କଲିଂର ସୁବିଧା ପାଇପାରିବେ । ଏହି ସେବାକୁ ୟୁଜର୍ସ ୧,୦୯୯ ଟଙ୍କାରେ ୱାନ-ଟାଇମ ଚାର୍ଜ ଦେଇ ଆକ୍ଟିଭ୍ କରିପାରିବେ । ତେବେ ଧ୍ୟାନ ରଖିବେ କି ଇଂଟରନ୍ୟାସନାଲ କଲିଂ ଆପଣଙ୍କ ବର୍ତ୍ତମାନର ଅଫର ପ୍ଲାନ ଆଧାରରେ ହିଁ ବ୍ୟବହାର କରିପାରିବେ । ଇଂଟରନ୍ୟାସନାଲ କଲିଂ ପାଇଁ ୟୁଜର୍ସଙ୍କୁ ୨ ହଜାର ଟଙ୍କା ଡିପୋଜିଟ୍ କରିବାକୁ ହେବ ।
ଏଠାରେ ଆମେ ଆପଣଙ୍କୁ କହି ରଖୁଛି କି, ବିଏସଏନଏନ ‘ଓିଗ୍ସ’ ପାଇଁ ଖୁବ ଶୀଘ୍ର ବୁକିଂ ଆରମ୍ଭ କରାଯିବ । ନୁଆ କନେକ୍ସନ ୧ ଅଗଷ୍ଟରୁ ରୋଲଆଉଟ କରାଯିବ । ଇଂଟରନେଟ ଟେଲିଫୋନ ସର୍ଭିସରେ ଦୁଇଟି ୱିଗ୍ସ ୟୁଜର୍ସଙ୍କ ମଧ୍ୟରେ ଭିଡିଓ କଲିଂ ସାମିଲ ରହିଛି । ଖୁବ୍ ଶୀଘ୍ର ଏହି ସେବାକୁ କମ୍ପ୍ୟୁଟର ପାଇଁ ମଧ୍ୟ ଉପଲବ୍ଧ କରିଦିଆଯିବ । ଏଥିପାଇଁ ୟୁଜର୍ସଙ୍କ ସର୍ବ ପ୍ରଥମେ ୱିଗ୍ସ ଆପ ନିଜଫୋନରେ ଡାଉନଲୋଡ କରି ତାକୁ ଇନଷ୍ଟଲ କରିବାକୁ ହେବ । ଏହାପରେ ନିଜ ଲ୍ୟାଣ୍ଡଲାଇନ ନମ୍ବର, ୟୁଜରନେମ ଏବଂ ପାସୱାର୍ଡ ଏଂଟର କରିବାକୁ ହେବ ।
ଏବେ ଆପଣ ଆପଣଙ୍କର ବିଏସଏନଏଲ ଲ୍ୟାଣ୍ଡଲାଇନ ନମ୍ବରକୁ ମୋବାଇଲ ଫୋନରେ ଇଂଟରନେଟ ସର୍ଭିସ ସହିତ ବ୍ୟବହାର କରିପାରିବେ । ଏହି ସୁବିଧା ଇଂଟରନେଟ କଲିଂ ପାଇଁ Architectural framework ଆଇପି ମଲ୍ଟିମିଡିଆ ସବସିଷ୍ଟମର ବ୍ୟବହାର କରିଥାଏ । ସେହିପରି ପରବର୍ତ୍ତି ନେକ୍ସ୍ ଜେନେରେସନ ନେଟୱର୍କ ଯାହାକି ଭଏସ, ଡାଟା ଏବଂ ଭିଡିଓକୁ ଆଇ ପ୍ୟାକେଟ୍ସରେ କନଭର୍ଟ କରିଥାଏ । ଏହି ସେବା ଜରିଆରେ କଲ କରିବା ଦ୍ୱାରା କିମ୍ବା ରିସିଭ କରିବା ପାଇଁ ୟୁଜରଙ୍କୁ SIP client ଇନଷ୍ଟଲ କରିବାକୁ ହେବ ।ଯାହା କି ‘ଓିଗ୍ସ’ ଆପ ଅଟେ ।