ଆପଣ ପିଉଥିବା ମଦ ଅସଲି ନା ନକଲି ? ବୋତଲ ଦେଖି ଏଭଳି କରନ୍ତୁ ଚିହ୍ନଟ, ନଚେତ ଚାଲିଯାଇପାରେ ଜୀବନ
ଉତରପ୍ରଦେଶ, ଉତରାଖଣ୍ଡରେ ତାଣ୍ଡବ ରଚିଛି ବିଷାକ୍ତ ମଦ । ବିଷାକ୍ତ ମଦ ଯୋଗୁଁ ଏହି ଦୁଇଟି ରାଜ୍ୟରେ ବର୍ତ୍ତମାନ ଶହେ ଲୋକଙ୍କର ଜୀବନ ଗଲାଣି । ଏବେବି ଶତାଧିକ ଗୁରୁତର ଅବସ୍ଥାରେ ବିଭିନ୍ନ ମେଡିକାଲରେ ଚିକିତ୍ସିତ ହେଉଛନ୍ତି । ତେବେ ଘଟଣାରେ ସଂପୃକ୍ତ ଥିବା ଅନେକ ଲୋକଙ୍କୁ ଗିରଫ କରାଯାଇଥିଲେ ସୁଦ୍ଧା ପରିସ୍ଥିତିକୁ ସଂପୂର୍ଣ୍ଣ ଆୟତରେ ଅଣାଯାଇପାରୁନି । କାରଣ ଅପରାଧିକ ମାମଲା ଭଳି ନକଲି ମଦ କାରବାର ମଧ୍ୟ ଉଭୟ ସରକାର ଏବଂ ଅବକାରୀ ବିଭାଗ ପାଇଁ ଚ୍ୟାଲେଂଜ ପାଲଟିଯାଇଛି । ଏଥିପାଇଁ ଅବକାରୀ ବିଭାଗ ତରଫରୁ ରାଜ୍ୟର ବିଭିନ୍ନ ସ୍ଥାନରେ ଚଢ଼ାଉ କରି ମଦ ଜବତ କରାଯାଉଛି । ଏଥିସହିତ ହିଁ ଲୋକଙ୍କୁ ସଚେତନା କରିବାକୁ ମଧ୍ୟ ବିଭିନ୍ନ ଅଭିଯାନ ଆରମ୍ଭ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହିକ୍ରମରେ ତଥା ନକଲି ମଦ ଉପରେ ଲଗାମ କଷିବାକୁ ଅବକାରୀ ବିଭାଗ ଏକ ନୂଆ ଏବଂ ଡିଜିଟାଲ ତରିକାର ଆଶ୍ରୟ ନେଇଛି । ଅବକାରୀ ବିଭାଗ ଏନେଇ ଏକ ମୋବାଇଲ ଆପ୍ ବିକଶିତ କରିଛି । ଯେଉଁଥିରେ ଆପଣ ନିଜେ ହିଁ ମଦର ଭୟାବହତା ସଂପର୍କରେ ଜାଣିପାରିବେ ଆଉ ଆପଣଙ୍କୁ ଏହି କାମରେ ସହଯୋଗ କରିବ ଆପଣ ବ୍ୟବହାର କରୁଥିବା ସ୍ମାର୍ଟଫୋନ । କୁହାଯାଉଛି କି, ଅବକାରୀ ନୀତି ବର୍ଷ ୨୦୧୮-୧୯ ଅନୁସାରେ, ବିଭାଗ ଟ୍ରାକ୍ ଆଣ୍ଡ ଟ୍ରେସ ପ୍ରଣାଳୀ ଉପରେ କାମ କରୁଛି ।
ଏହି ଯୋଜନା ଅନୁସାରେ ମଦ ପେଟି ଏବଂ ବୋତଲ ଉପରେ ବାରକୋଡ ଲଗାଯାଉଛି । ଏହି ବାରକୋଡ ତଥା କ୍ୟୁଆର କୋଡର ସ୍କାନିଂ କରି ଆପଣ ମଦ ତିଆରି କଂପାନୀ, ବଟଲଂର ତାରିଖ ଏବଂ ଏମଆରପି ସହିତ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସୂଚନା ପାଇପାରିବେ । ଏଥିସହିତ ହିଁ ଆପଣ ଜାଣିପାରିବେ କି ଆପଣ ଯେଉଁ ମଦ ପିଉଛନ୍ତି ତାହା ବାସ୍ତବରେ ଅସଲି ନା ନକଲି । ତେବେ ମଦର ଚିହ୍ନଟ କରୁଥିବା ଏହି ସ୍ୱତନ୍ତ୍ର ଆପକୁ ଆପଣ ଗୁଗଲ ପ୍ଲେଷ୍ଟୋର ବ୍ୟତୀତ ଅବକାରୀ ବିଭାଗର ଆଧିକାରୀକ ୱେବସାଇଟ୍ ତଥା WWW.upexcise.inରେ ବି ଡାଉନଲୋଡ କରିପାରିବେ ।
ଉଲ୍ଲେଖ ଥାଉ କି, ବିଷାକ୍ତ ମଦ ଯୋଗୁଁ ଉତରପ୍ରଦେଶଏବଂ ଉତରାଖଣ୍ଡରେ ମୃତ୍ୟୁ ସଂଖ୍ୟା ଶହେ ଟପିଛି । ଶତାଧିକ ଗୁରୁତର ଅବସ୍ଥାରେ ବିଭିନ୍ନ ମେଡିକାଲରେ ଚିକିତ୍ସିତ ହେଉଛନ୍ତି । ୟୁପିରେ ୭୮ଜଣ ପ୍ରାଣ ହରାଇଥିବାବେଳେ ୫୦ରୁ ଅଧିକ ଅତ୍ୟନ୍ତ ସଂକଟାପର୍ଣ୍ଣ ଅବସ୍ଥାରେ ଚିକିତ୍ସିତ ହେଉଛନ୍ତି । କେବଳ ଉତରପ୍ରଦେଶର ଶାହାରନପୁରରେ ୬୪ଜଣ, କୁଶିନଗରରେ ୧୪ଜଣଙ୍କର ମୃତ୍ୟୁ ହୋଇଛି । ସେହିପରି ଉତରାଖଣ୍ଡ ହରିଦ୍ୱାର ଜିଲ୍ଳାରେ ୨୦ଜଣଙ୍କର ମୃତ୍ୟୁ ହୋଇଛି ଓ ୯ଜଣଙ୍କ ଅବସ୍ଥା ସଂକଟାପର୍ଣ୍ଣ ରହିଛି । ତେଣୁ ଏହି ସଂଖ୍ୟା ଆହୁରି ବଢ଼ିବାର ସମ୍ଭାବନା ରହିଛି । ଗତକାଲି ସନ୍ଧ୍ୟା ସୁଧା ମୃତକଙ୍କ ପୋଷ୍ଟମର୍ଟମ ରିପୋର୍ଟରୁ ଅଧିକାଂଶ ବିଷାକ୍ତ ମଦ ପିଇବା ଯୋଗୁଁ ମୃତ୍ୟୁ ହୋଇଥିବା ଜଣାପଡିଛି ।