ରିଲାଏନ୍ସ ଜିଓ ବଜାରକୁ ଆସିବା ପରଠାରୁ ଯଦିଓ ଟେଲିକମ ଜଗତରେ ପ୍ରତିସ୍ପର୍ଦ୍ଧା ବୃଦ୍ଧି ପାଇଛି ହେଲେ ଅନ୍ୟ ବଡ ବଡ ଟେଲିକମ କଂପାନୀମାନଙ୍କର ସ୍ଥିତି ବର୍ତ୍ତମାନ ଦେବାଳିଆ ପରିସ୍ଥିତିରେ ପହଂଚିଛି । ଯାହାଦ୍ୱାରା ଗୋଟିଏ ପରେ ଗୋଟିଏ କଂପାନୀ ଏବେ ବନ୍ଦ ହେବାକୁ ବସିଲାଣି । ଇତି ମଧ୍ୟରେ ଟେଲିକମ କଂପାନୀ ଏୟାରସେଲର ସର୍ଭିସ କେତେକାଂଚଳରେ ବନ୍ଦ ହୋଇପଡିଛି । କଂପାନୀ ପକ୍ଷରୁ ଯେତେବି ଆଶ୍ୱସ୍ତି ମିଳୁଥିବା ସତ୍ୱେ ବି ଗ୍ରାହକଙ୍କ ମଧ୍ୟରେ କୋକୁଆ ଭୟ ଦେଖାଦେଇଛି । ଏପରିକି ବିକଳରେ ଲୋକେ କଂପାନୀର ନମ୍ବରକୁ ଅନ୍ୟ ନେଟୱର୍କକୁ ପୋର୍ଟ ମଧ୍ୟ କରି ଦେଲେଣି । ଯଦି ଆପଣ ଆପଣଙ୍କର ଏୟାରସେଲ ନମ୍ବରକୁ ପୋର୍ଟ କରିବାକୁ ଚାହୁଁଛନ୍ତି ତେବେ ନିମ୍ନରେ ଦିଆଯାଇଥିବା କିଛି ଷ୍ଟେପକୁ ଫଲୋ କରି ଅତି ସହଜରେ ନିଜର ନମ୍ବରକୁ ଅନ୍ୟ ନେଟୱର୍କକୁ ପରିବର୍ତ୍ତନ କରିପାରିବେ । ତେବେ ଆସନ୍ତୁ ଜାଣିବା . . .
Kanak News is now on WhatsApp
Join and get latest news updates delivered to you via WhatsApp
ସର୍ବପ୍ରଥମେ ଆମେ ଏଠାରେ ଏୟାରଟେଲ ନେଟୱର୍କକୁ କିଭଳି ଆପଣ ଆପଣଙ୍କର ଏୟାରସେଲ ନମ୍ବରକୁ ପୋର୍ଟ କରିବେ ସେସଂପର୍କରେ ଜଣାଇବୁ ।
ପ୍ରିପେଡ୍ ଗ୍ରାହକ କିପରି କରିବେ ନିଜ ନମ୍ବରକୁ ପୋର୍ଟ
• ସର୍ବ ପ୍ରଥମେ ଆପଣ ଆପଣଙ୍କର ମୋବାଇଲର ମେସେଜ ବକ୍ସକୁ ଯାଇ ତାକୁ ଓପନ କରନ୍ତୁ ଏବଂ ଏଠାରେ PORT ଟାଇପ୍ କରନ୍ତୁ ।
• ଏହାପରେ ସ୍ପେସ୍ ଦେଇ ଆପଣଙ୍କର ୧୦ ଡିଜିଟ୍ ବିଶିଷ୍ଟ ମୋବାଇଲ ନମ୍ବରକୁ ଟାଇପ୍ କରନ୍ତୁ । ଉଦାହରଣ ସ୍ୱରୂପ, ଧରି ନିଅନ୍ତୁ ଆପଣଙ୍କର ମୋବାଇଲ ନମ୍ବର 78XXXXX890 , ତାକୁ ଆପଣ PORT 78XXXXX890 ଲେଖି ୧୯୦୦ ନମ୍ବରକୁ ପଠାଇ ଦିଅନ୍ତୁ ।
• ଏହାପରେ କନଫର୍ମ ହେବାପାଇଁ ଆପଣ ଆପଣଙ୍କର ନମ୍ବର ବନ୍ଦ କରିବା ପାଇଁ ପ୍ରସ୍ତୁତ ଅଛନ୍ତି କି ନାହିଁ ତାକୁ କନଫର୍ମ କରିନ୍ତୁ । ଏଭଳି କରିବା ପରେ କିଛି ସମୟ ପରେ ଆପଣଙ୍କର ନମ୍ବରକୁ ଏକ ୟୁପିସି କୋଡ ଆସିବ ।
• ଯଦି ଆପଣ ଆପଣଙ୍କର ପ୍ରିପେଡ୍ ଏୟାରସେଲ ସିମକୁ ଏୟାରଟେଲ କରିବାକୁ ଚାହୁଁଛନ୍ତି ତେବେ ନିକଟସ୍ଥ ଏୟାରଟେଲ ଷ୍ଟୋରକୁ ଯାଇ ଆଧାର ନମ୍ବର ସହିତ ଆବଶ୍ୟକୀୟ ଦସ୍ତାବିଜ ଦେଇ ଆପଣଙ୍କର ନମ୍ବରକୁ ପ୍ରିପେଡ୍ କରିପାରିବେ ।
• ଏଥିସହିତ ମୋବାଇଲକୁ ଆସିଥିବା ୟୁପିସି କୋଡକୁ ମଧ୍ୟ ତାଙ୍କୁ ଦେବାକୁ ପଡିବ । ଏହାପରେ ଆପଣଙ୍କର ନମ୍ବର ଏୟାରଟେଲ ନେଟୱର୍କକୁ କନଭର୍ଟ ହୋଇଯିବ ।
ଏବେ ନଜର ପକାନ୍ତୁ କିପରି କରିବେ ନିଜର ପୋଷ୍ଟପେଡ୍ ନମ୍ବରକୁ ପୋର୍ଟ
• ଏଥିପାଇଁ ଆପଣଙ୍କୁ ଏୟାରଟେଲର କଷ୍ଟମର କେୟାର କିମ୍ବା ଅଫିସିଆଲ ୱେବସାଇଟକୁ ଯାଇ କଂପାନୀର ବେଷ୍ଟ ଅଫରକୁ ଚୟନ କରିବାକୁ ପଡିବ ।
• ଏହାପରେ ଏୟାରଟେଲ ତରଫରୁ ଜଣେ ପ୍ରତିନିଧି ଆପଣଙ୍କ ନିକଟକୁ ଆସିବେ ।
• ଯାହାଙ୍କୁ ଆପଣ ଆପଣଙ୍କର ଆଧାର ନମ୍ବର ଏବଂ ୟୁପିସି କୋଡକୁ ଦେବାକୁ ପଡିବ । ଏଭଳି କରିବା ପରେ ସେ ଆପଣଙ୍କୁ ଏୟରାଟେଲର ଏକ ନୂଆ ନମ୍ବର ପ୍ରଦାନ କରିବ ।
• ହେଲେ ଏଥିପାଇଁ କିନ୍ତୁ ଆପଣଙ୍କୁ ଆମେ ପୂର୍ବରୁ ଆଲୋଚନା କରିଥିବା ଷ୍ଟେପକୁ ଫଲୋ କରିବାକୁ ହେବ । ଏପରି କରିବାର ମାତ୍ର କିଛି ସମୟ ପରେ ଆପଣଙ୍କର ଏୟାରସେଲ ନମ୍ବରଟି ଆପଣା ଛାଏ ବନ୍ଦ ହୋଇଯିବ ଏବଂ ସେହି ନମ୍ବରରେ ଆପଣ ଏୟାରଟେଲ ନେଟୱର୍କ ବ୍ୟବହାର କରିପାରିବେ ।
ଏୟାରସେଲ ନମ୍ବରକୁ କିପରି କରିବେ ବିଏସଏନ ନେଟୱର୍କକୁ କନଭର୍ଟ
• ସର୍ବପ୍ରଥମେ ଆପଣଙ୍କର ଏୟାରସେଲ ନମ୍ବରରୁ ୯୮୪୧୦୧୨୩୪୫ କିମ୍ବା ୯୮୪୨୦୧୨୩୪୫ ଡାଏଲ କରନ୍ତୁ ।
• ଏହାପରେ ଏଠାରେ ଦର୍ଶାଯାଇଥିବା ଭାଷାକୁ ଚୟନ କରନ୍ତୁ ।
• ଏହାପରେ ଏୟାରସେଲ କଷ୍ଟରକୁ ସିଲେକ୍ଟ କରନ୍ତୁ ।
• ଏହାପରେ ଏଠାରେ ଆପଣ ଆପଣଙ୍କର ଏୟାରସେଲ ମୋବାଇଲ ନମ୍ବରକୁ ଏଂଟର କରନ୍ତୁ ।
• ଏଭଳି କରିବା ପରେ ଆପଣଙ୍କ ନିକଟକୁ ଏକ ୟୁପିସି କୋଡ ଆସିବ । ଏହାପରେ ଆପଣଙ୍କର ଏୟାରସେଲ ନମ୍ବରର ଶେଷ ୫ଟି ନମ୍ବରକୁ ଏଠାରେ ଏଂଟର କରନ୍ତୁ । ଆଉ ମୋବାଇଲକୁ ଆସିଛିବା ଏହି ୟୁପିସି କୋଡକୁ ନୋଟ୍ କରିବାକୁ ହେବ ।
• ଏହି ଷ୍ଟେପ୍ ସଂପୂର୍ଣ୍ଣ ହେବା ପରେ ଆପଣ ନିକଟସ୍ଥ ବିଏସଏନଏଲ ଶାଖାକୁ ଯାଇ, ସେଠାରେ ଏହି କୋଡକୁ ଦେଇ ଏୟାରସେଲ ନମ୍ବରକୁ ବିଏସଏନରେ ପୋର୍ଟ କରିପାରିବେ ।
ଏଠାରେ ଆମେ କହି ରଖୁଛୁ କି, ଚଳିବ ବର୍ଷ ଜାନୁଆରୀ ଶେଷବେଳକୁ ପ୍ରାୟତଃ ୬ଟି ରାଜ୍ୟ ତଥା ଗୁଜରାଟ, ମହାରାଷ୍ଟ୍ର, ହରିୟାଣା, ହିମାଚଳ ପ୍ରଦେଶ, ମଧ୍ୟପ୍ରଦେଶ ଏବଂ ୱେଷ୍ଟ ଉତ୍ତରପ୍ରଦେଶ ଭଳି ରାଜ୍ୟରେ ନିଜର ସେବାକୁ ବନ୍ଦ କରିସାରିଛି । ବଡକଥା ହେଲା ଏହାର ପ୍ରଭାବ ଏବେ ଓଡିଶାରେ ମଧ୍ୟ ପରିଲକ୍ଷୀତ ହୋଇଛି । ଅଧିକାଂଶ ଅଂଚଳରେ ଏୟାରସେଲର ନେଟୱର୍କ ଆଦୌ ଆସୁନାହିଁ ତ ପୁଣି କେଉଁଠି ସିଗନାଲ ଦୁର୍ବଳ ରହୁଛି । ସେପଟେ, ଟ୍ରାଇ ନିଷ୍ପତି ଆଧାରରେ ଉକ୍ତ ସମୟ ସୀମା ମଧ୍ୟରେ ସମସ୍ତ ୟୁଜର୍ସ ନିଜ ନିଜର ନମ୍ବରକୁ ପୋର୍ଟେବୁଲ କରିବାକୁ ନିଦ୍ଦେଶ ମଧ୍ୟ ଦିଆଯାଇସାରିଛି । ଏଥିସହିତ ଟ୍ରାଇ କଂପାନୀକୁ ମଧ୍ୟ ନିଜର ଗ୍ରାହକମାନଙ୍କୁ ଏଥିରେ ସହଯୋଗ କରିବାକୁ ନିଦ୍ଦେଶ ଦେଇଛି ।