ବଦଳିଲା ଇତିହାସ ! ଦୀର୍ଘ ୪୪୧ ବର୍ଷ ପରେ ମହାରାଣା ପ୍ରତାପଙ୍କଠାରୁ ପରାସ୍ତ ହେଲେ ଯୋଦ୍ଧା ଆକବର
ଇତିହାସକୁ ନେଇ ରାଜସ୍ତାନରେ ବର୍ତ୍ତମାନ ଦେଖାଦେଇଛି ଗରମାଗରମ ପରିସ୍ଥିତି । ହଦଳୀଘାଟିଠାରେ ହୋଇଥିବା ଯୁଦ୍ଧ ପ୍ରସଙ୍ଗରେ ରାଜସ୍ତାନ ବୋର୍ଡ ସ୍କୁଲର ପୁସ୍ତକରେ ନୁଆ ଦାବି କରାଯିବାର ମାମଲା ଏବେ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ପୁସ୍ତକରେ ହଳଦୀଘାଟିଠାରେ ମହାନ ପ୍ରତାପି ଆକବର ଏବଂ ମହାରାଣା ପ୍ରତାପଙ୍କ ମଧ୍ୟରେ ହୋଇଥିବା ବିଶ୍ୱ ବିଖ୍ୟାତ ଯୁଦ୍ଧରେ ମହାରାଣା ପ୍ରତାପଙ୍କୁ ଏଠାରେ ବିଜୟୀ ହୋଇଥିବା ଦର୍ଶାଯାଇଛି । ସମାଚାର ଏଜେନ୍ସି ପିଟିଆଇର ସୂଚନା ଅନୁସାରେ, ଚଳିତ ବର୍ଷ ଏହି ପୁସ୍ତକର ପାଠ୍ୟକ୍ରମରେ କିଛି ସଂସ୍କରଣ ଅଣାଯାଇଛି । ତେବେ ରାଜସ୍ତାନ ମାଧ୍ୟମିକ ଶିକ୍ଷା ପରିଷଦର ଅଧ୍ୟକ୍ଷ ବିଏଲ୍ ଚୌଧୁରୀଙ୍କ ସୂଚନା ମୁତାବକ, ‘ପୁସ୍ତକରେ କେଉଁଠାରେ ବି ସିଧାସଳଖ ଭାବେ ଉଲ୍ଲେଖ କରାଯାଇ ନାହିଁ କି ଯୁଦ୍ଧରେ ମହାରାଣା ପ୍ରତାପ ଆକବରଙ୍କୁ ହରାଇଥିଲେ ବୋଲି’ ।
ସେ ପୁଣି ମଧ୍ୟ କହିଛନ୍ତି, ବହିର ୩୧ ନମ୍ବର ପୃଷ୍ଠାରେ ଲେଖା ଯାଇଛି କି, କିଛି ଇତିହାସକାରୀମାନେ ଏହାକୁ ପରିଣାମ ତଥା ଫଳାଫଳବିହୀନ ଯୁଦ୍ଧର ସଂଜ୍ଞା ଦେଇଛନ୍ତି । ତେବେ ଫଳାଫଳର ସମୀକ୍ଷା କାରଣରୁ ନିମ୍ନଲିଖିତ ଆଧାର ବିବେଚନୀୟ । କାରଣ ଆକବରଙ୍କର ଉଦ୍ଦେଶ୍ୟ ମହାରାଣା ପ୍ରତାପଙ୍କୁ ଜୀବିତ ଭାବେ ବନ୍ଦୀ କରିବାର ଥିଲା ଏବଂ ସେ ମେୱାରକୁ ମୋଗଲ ସାମ୍ରାଜ୍ୟରେ ମିଶାଇବାକୁ ଚାହୁଁଥିଲେ । ଯେଉଁଥିରୁ ସ୍ପଷ୍ଟ ପ୍ରମାଣିତ ହୁଏ କି ଆକବର ମହାରାଣା ପ୍ରତାପଙ୍କୁ ହରାଇଥିଲେ ମଧ୍ୟ ଜିତି ପାରିନଥିଲେ । ଏହା ଏଭଳି ପୃଷ୍ଠଭୂମି ଅଟେ ଯାହାକି ହଳଦୀଘାଟି ଯୁଦ୍ଧର ଫଳାଫଳ ମହାରାଣା ପ୍ରତାପଙ୍କ ସପକ୍ଷରେ ଆଣି ଠିଆ କରିଦେଇଛି ।
ଏଯାବତ୍ ଇତିହାସରେ ଏହା ପଢାଯାଏଁ ଉଦୟପୁର ନିକଟରେ ହଳଦୀଘାଟିଠାରେ ମହାରାଣା ପ୍ରତାପ ଏବଂ ଆକବରଙ୍କ ମଧ୍ୟରେ ଘମାଘୋଟ ଲଢେଇ ହୋଇଥିଲା । ଯେଉଁଥିରେ ଆକବରଙ୍କର ବିଜୟ ହୋଇଥିଲା । ତେବେ ପିଟିଆଇରେ ପ୍ରକାଶିତ ଖବର ମୁତାବକ, ସାମାଜିକ ବିଜ୍ଞାନର ଏହି ନୂତନ ପୁସ୍ତକକୁ ୨୦୧୭-୧୮ରେ ଛାତ୍ରଛାତ୍ରୀଙ୍କ ପାଠ୍ୟକ୍ରମରେ ସାମିଲ କରାଯାଇଛି । ଆଉ ପୁସ୍ତକର ଏକ ଅଧ୍ୟାୟ ଉଲ୍ଲେଖ କରିଥିବା ପ୍ରଫେସର ଚନ୍ଦ୍ରଶେଖର ଶର୍ମାଙ୍କର ଦାବି ରହିଛି ଯେ, ଏଭଳି ଅନେକ ତଥ୍ୟ ରହିଛି ଯାହା ଇଙ୍ଗୀତ କରେ କି ଏହି ଯୁଦ୍ଧର ଫଳାଫଳ ମହାରାଣା ପ୍ରତାପ ତଥା ମେୱାର ରାଜପୁତ ରାଜାଙ୍କ ପକ୍ଷରେ ରହିଥିଲା ।
ଶର୍ମାଙ୍କ ଦାବି ରହିଛି, ଏହା ଏଭଳି ଏକ ପୃଷ୍ଠଭୂମି ଯାହାକି ହଳଦୀଘାଟି ଯୁଦ୍ଧର ଫଳାଫଳ ମହାରାଣା ପ୍ରତାପଙ୍କ ସପକ୍ଷରେ ନେଇ ଠିଆ କରି ଦେଇଛି । ତାଙ୍କ ଭାଷାରେ . . .
• ଆକବରଙ୍କ ଉଦ୍ଦେଶ୍ୟ ଥିଲା କି, ମହାରାଣା ପ୍ରତାପକୁ ବନ୍ଦୀ କରାଯାଉ ଏବଂ ମୋଗଲ ଦରବାରରେ ତାଙ୍କୁ ହାଜର କରାଯାଉ କିମ୍ବା ମୃୃତ୍ୟୁ ଦଣ୍ଡ ଦିଆଯାଉ ବୋଲି ।
• ଏଥିସହିତ ରାଜପୁତ ରାଜାଙ୍କ ସାମ୍ରାଜ୍ୟକୁ ମୋଗଲ ସାମ୍ରାଜ୍ୟରେ ଅର୍ନ୍ତଭୁକ୍ତ କରିବାର ଥିଲା । କିନ୍ତୁ ଆକବର ନିଜର କୌଣସି ଲକ୍ଷ୍ୟରେ ବି ସଫଳ ହୋଇ ପାରିନଥିଲେ ।
• ଏଭଳି ଅନେକ ଐତିହାସିକ ପ୍ରମାଣ ରହିଛି, ଯେଉଁଥିରେ ମୋଗଲ ସେନାମାନେ ମେୱାରକୁ ପରାସ୍ତ କରିବାରେ ଅସଫଳ ହୋଇଥିଲେ ଏବଂ ଯୁଦ୍ଧ ମହାରାଣା ପ୍ରତାପଙ୍କ ସପକ୍ଷରେ ହିଁ ରହିଥିଲା ।
ସୌଜନ୍ୟ-ବିବିସି ନ୍ୟୁଜ୍