ଚାକିରି ନେଲା ଜୀବନ ! ଜାଣନ୍ତୁ ଜଣେ ପାକିସ୍ତାନୀ ଝିଅର କରୁଣ କାହାଣୀ
ଏହି ଫଟୋଟି ହେଲା ପାକିସ୍ତାନରେ ବାସକରୁଥିବା ଜଣେ ମହିଳାଙ୍କର ଆଉ ତାଙ୍କ ନାଁ ହେଲା ହିନା ଶାହନବାଜ । ଶୁଣିବାକୁ ମିଳିଛି ନିକଟରେ ତାଙ୍କୁ ତାଙ୍କର ଜଣେ ସଂପର୍କୀୟ ଗୁଳିକରି ହତ୍ୟା କରିଦେଇଛି । ଆଉ ଏହି ହତ୍ୟାକାଣ୍ଡ ପଛର କାରଣ ଥିଲା ତାଙ୍କର ଆତ୍ମନିର୍ଭରଶୀଳ ହେବା । ଆଜ୍ଞା ହଁ ! ସେ ଚାକିରି କରୁଥିବାରୁ ତାଙ୍କୁ ହାରିବାକୁ ପଡିଥିଲା ଜୀବନ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ପାକିସ୍ତାନର କୋହତ ନାମକ ଅଂଚଳରେ ବାସକରୁଥିବା ୨୭ ବର୍ଷୀୟ ହିନା ନିଜ ପରିବାରର ଭରଣପୋଷଣ କରିବାର ଏକମାତ୍ର ସଦସ୍ୟ ଥିଲେ । କାରଣ ତାଙ୍କ ବାପାଙ୍କ ମୃତ୍ୟୁ କିଛି ବର୍ଷ ପୂର୍ବରୁ ହିଁ ହୋଇଯାଇଥିବା ବେଳେ ହିନାଙ୍କ ଭାଇଙ୍କୁ ମଧ୍ୟ କୌଣସି କାରଣରୁ ହତ୍ୟା କରି ଦିଆଯାଇଥିଲା । ଆଉ ଏହାପରେ ଆରମ୍ଭ ହୋଇଯାଇଥିଲା ତାଙ୍କର ସଂଘର୍ଷମୟ ଜୀବନ । ତାଙ୍କ ବେକରେ ବନ୍ଧା ହୋଇଯାଇଥିଲା ବିଧବା ମାଆ ଓ ଭାଉଜ ଓ ଭାଇର ପୁଅ ଏବଂ ଜଣେ ବିଧବା ଭଉଣୀ । ଘରର ସମସ୍ତ ଦାୟିତ୍ୱ ଭାର ହିନାଙ୍କୁ ନେବାକୁ ପଡିଥିଲା । ଆଉ ସେ ସେଥିପାଇଁ ଏକ ବେସରକାରୀ ଅନୁଷ୍ଠାନରେ ଚାକିରି କରିବାକୁ ବାଧ୍ୟ ହୋଇଥିଲେ ।
ତେବେ ଗୋଟେ ପଟେ ହିନାଙ୍କ ସଂଘର୍ଷ ଜାରି ରହିଥିବାବେଳେ, ସେହିପରି ଅନ୍ୟପଟେ ତାଙ୍କର ସଂପର୍କୀୟମାନଙ୍କୁ ଏସବୁ ପସନ୍ଦ ନଥଲା । ଏହାକୁ ନେଇ ହିନାଙ୍କ ସହ ସେମାନଙ୍କ ସହ ବହୁବାର ବଚସା ମଧ୍ୟ ହୁଏ । ଦିନେ ଏହି ବଚସା ଉଗ୍ରରୂପ ଧାରଣ କରିଥିଲା । ହିନାଙ୍କ ଦାଦାଙ୍କ ପୁଅ ସହ ଝଗଡା ହେବା ସମୟରେ ସେ କ୍ରୋଧରେ ଅନ୍ଧହୋଇ ହିନାଙ୍କୁ ଗୁଳିକରି ହତ୍ୟା କରିଥିଲା ।