ରାସ୍ତାରେ ଗଡିପାରିବନି ଆପଣଙ୍କ ଗାଡି । ପରିବହନ ବିଭାଗର କଡା ନିର୍ଦ୍ଦେଶ । ଯଦି ଆପଣଙ୍କ ଗାଡିରେ ନାହିଁ ସରକାରଙ୍କ ନିର୍ଦ୍ଦେଶିତ ଏହି ନମ୍ବର ପ୍ଲେଟ୍
ଦେଶରେ ଦିନକୁ ଦିନ ବଢି ଚାଲିଛି ଗାଡି ଚୋରି ସମସ୍ୟା । ପ୍ରତିଦିନ କେଉଁଠି ନା କେଉଁଠି ଗାଡି ଚୋରି ହେବାର ଖବର ସାମ୍ନାକୁ ଆସିଛି । ଯାହାର ଟେର ମଧ୍ୟ ପାଇ ପାରିନଥାଏ ପୁଲିସ ବିଭାଗ । ତେବେ ଜନତାଙ୍କ ଏଭଳି ସମସ୍ୟାକୁ ଦୃଷ୍ଟିରେ ରଖି ସରକାରଙ୍କ ତରଫରୁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନିଆଯାଇଛି । ଯେଉଁଥିରେ ଗାଡି ଚୋରି ହେବା ମାତ୍ରକେ ପୁଲିସ ପାଖରେ ପଂହଚିଯିବ କି ଚୋରି ହୋଇଥିବା ଗାଡିଟି ବର୍ତ୍ତମାନ କେଉଁଠାରେ ଅଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଏଣିକି ଉଭୟ କାର ଏବଂ ବାଇକର ନମ୍ବର ପ୍ଲେଟରେ ହିଁ କିଛି ସିକ୍ୟୁରିଟି ବଢାଯିବା ନେଇ ସରକାରଙ୍କ ତରଫରୁ ଯୋଜନା ପ୍ରସ୍ତୁତ କରାଯାଉଛି । ଆଉ ଏହି ନମ୍ବର ପ୍ଲେଟକୁ ଆପଣ କେଉଁଠାରେ ବି ତିଆରି କରି ଲଗାଇପାରିବେ । ଯଦି କୌଣସି ବ୍ୟକ୍ତିଙ୍କର ଗାଡି ଚୋରି ହୋଇଯାଏ ତେବେ ଏହି ନମ୍ବର ପ୍ଲେଟ ଜରିଆରେ ଅତି ସହଜରେ ଚୋରି ହୋଇ ଯାଇଥିବା ଗାଡିର ସନ୍ଧାନ ମିଳିପାରିବ ବୋଲି ସ୍ପଷ୍ଟ କରାଯାଇଛି ।
କେନ୍ଦ୍ରୀୟ ପରିବହନ ବିଭାଗର ପୂର୍ବାନିୟମାବଳୀକୁ ବର୍ତ୍ତମାନ ସଂଶୋଧନ କରାଯିବା ନେଇ ଆଲୋଚନା ଜାରି ରହିଛି । ଯାହାକୁ ରୋଡ ଟ୍ରନ୍ସପୋର୍ଟ ଆଣ୍ଡ ହାଇୱେ ମିନିଷ୍ଟ୍ରି ପକ୍ଷରୁ ଏହାକୁ ପ୍ରତ୍ୟେକ ଗାଡି ଚାଳକ ମାନିବାକୁ ବାଧ୍ୟ ବୋଲି ଘୋଷଣା କରିଛନ୍ତି । ନିର୍ଦ୍ଦେଶରେ କୁହାଯାଇଛି କି, ୨୦୧୯, ଜାନୁଆରୀ ପହିଲାରୁ ରାସ୍ତାରେ ଗଡୁଥିବା ପ୍ରତିଟି ଗାଡିର ନମ୍ବର ପ୍ଲେଟରେ ଅଟୋମୋବାଇଲ ମାଲ୍ୟୁଫାକ୍ଟର୍ସ ନମ୍ବର ପ୍ଲେଟ ବ୍ୟବହାର କରାଯିବ ଏବଂ ଏହି ନମ୍ବର ପ୍ଲେଟକୁ ଡିଲର୍ସମାନେ ହିଁ ଗାଡିରେ ଫିଟ କରିବେ ।
ସେଂଟର ମୋଟର ହ୍ୱିଲର ଆକ୍ଟର ଧାରା ୫୦ ଅନୁସାରେ, ହାଇ ସୁକ୍ୟୁରିଟି ରେଜିଷ୍ଟେସନ ଏହି ନମ୍ବରକୁ ୧୫ ବର୍ଷର ଗ୍ୟାରେଂଟି ସହିତ ପ୍ରସ୍ତୁତ କରାଯିବ । ଯଦି ଏହା ପୂର୍ବରୁ କୌଣସି ପ୍ରାକୃତିକ କାରଣରୁ ନମ୍ବର ପ୍ଲେଟ ଖରାପ ହୋଇଯାଏ କିମ୍ବା ନଷ୍ଟ ହୋଇଯାଏ ତେବେ ଏହାକୁ ଡିଲର ହିଁ ଠିକ୍ କରିବେ । ଗାଡିର ଉଭୟ ଆଗ ଏବଂ ପଛରେ ଏଭଳି ନମ୍ବର ପ୍ଲେଟ ବ୍ୟବହାର କରାଯିବ , ଯାହାକୁ ଅତି ସହଜରେ ବାହାର କରିବା ମୁସ୍କିଲ ହୋଇଯିବ । ଆଉ ଯଦି ବି ବାହାରି ଯାଏଁ ତେବେ ତାକୁ ଲଗାଇବା ବି କଷ୍ଟକର ହୋଇଯିବ । ଏଥିପାଇଁ ଏହାକୁ ସ୍ନାପ ଲକ ସିଷ୍ଟମ ସହିତ ମଧ୍ୟ ଯୋଡାଯିବ । ତେବେ ଗାଡି ଚୋରିରୁ ରକ୍ଷା ପାଇବା ପାଇଁ ଏଥିରେ ଅତି କମରେ ଦୁଅଟି ସ୍ନାପ ଲକ ଯୋଡା ଯିବ । ଏଥିରେ ‘ଇଣ୍ଡିଆ’ ଲେଖା ଥିବା ବାରକୋଡ ବିଶିଷ୍ଟ କ୍ରୋମିୟମ ହେଲୋଗ୍ରାମ ମଧ୍ୟ ବ୍ୟବହାର କରାଯିବ । ନିର୍ଦ୍ଦେଶ ଅନୁସାରେ, ହେଲୋଗ୍ରାମରେ ନୀଳ ରଙ୍ଗର ‘ଚକ୍ର’ ବ୍ୟବହାର କରାଯିବ ।
ସେହିପରି, ଏହି ନମ୍ବର ପ୍ଲେଟରେ ସର୍ବନିମ୍ନ ୧୦ ଅଙ୍କ ବିଶିଷ୍ଟ ସ୍ଥାୟୀ ଆଇଡେଂଟିଫିକେସନ ନମ୍ବର ଲେଜର ବ୍ରାଣ୍ଡେଡ ହେବ, ଯାହାକୁ ନମ୍ବର ପ୍ଲେଟର ଠିକ୍ ବାମ ପାଖର ତଳ ଭାଗକୁ ହିଁ ଲଗାଯିବ । ସ୍ଥାୟୀ ଆଇଡେଂଟିଫିକେସନ ନମ୍ବରରେ ଦୁଇଟି ଆଲ୍ଫାବେଟ ରହିବ, ଯାହାକି ଭେଣ୍ଡର କିମ୍ବା ମାନ୍ୟୁଫାକ୍ଚର୍ସ ବା ସପ୍ଲାୟରଙ୍କର ରହିବ ବୋଲି ପରିବହନ ବିଭାଗ ନିର୍ଦ୍ଦେଶ ଦେଇଛି ।