ଗୁଜରାଟରେ ‘ଥର’ ପରି ବିରୋଧୀଙ୍କ ଉପରେ ଚାଲିଲା ମୋଦିଙ୍କ ହାତୁଡି ! ସୋସିଆଲ ମିଡିଆରେ ଟ୍ରଲ୍, ୨୦୧୯ ପୂର୍ବରୁ ଆଧାର ଲିଙ୍କ କରାଇନେଉ ବିଜେପି
ଗୁଜରାଟ ଏବଂ ହିମାଚଳପ୍ରଦେଶ ବିଧାନସଭା ନିର୍ବାଚନର ଫଳାଫଳ ଏବେ ଚୂଡାନ୍ତ ପର୍ଯ୍ୟାୟରେ ପହଂଚିଛି ଏବଂ ଭୋଟଗଣତି ମଧ୍ୟ ଜୋରସୋରରେ ଚାଲିଛି । ମାତ୍ର ଏଯାବତ୍ ସୂଚନା ଅନୁସାରେ ବର୍ତ୍ତମାନ ସର୍ବାଗ୍ରେ ରହିଛି ବିଜେପି । ତେବେ ଭୋଟ ଗଣତି ପ୍ରକ୍ରିୟା ଦୀର୍ଘ ସମୟ ଧରି ଚାଲୁରହିଥିବା ବେଳେ, ବିଜେପିର ବିଜୟ ଏକପ୍ରକାରେ ସୁନିଶ୍ଚିତ ବୋଲି ଅନୁମାନ କରାଯାଉଛି । ଯଦିଓ ଗୁଜରାଟରେ କଂଗ୍ରେସ ମଧ୍ୟ ସତ୍ତାରୁଢ ଦଳ ବିଜେପିକୁ କଡା ଟକ୍କର ଦେଉଛି ତେବେ ବିଧାନସଭା ନିର୍ବାଚନର ଫଳାଫଳକୁ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ ନିର୍ବାଚନର ଫଳାଫଳକୁ ନେଇ ରାଜନୀତିଜ୍ଞ, ବିଭିନ୍ନ ଗଣମାଧ୍ୟମ ଏବଂ ସୋସିଆଲ ମିଡିଆରେ ବି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ହେଲେ ସୋସିଆଲ ମିଡିଆରେ ଏହାକୁ ନେଇ କିନ୍ତୁ ଟିକିଏ ଅଧିକ ଉତ୍ସାହ ଦେଖାଦେଇଛି । ସେଥିପାଇଁ ତ ଏହାକୁ ନେଇ ବିଭିନ୍ନ ପ୍ରକାରର କୌତୂହଳପୂର୍ଣ୍ଣ କମେଂଟମାନ ନଜର ଆସିଛି । ଯେଉଁଥିରେ ନିର୍ବାଚନ ଟ୍ରେଣ୍ଡକୁ ନେଇ ଅନେକ ସାରା ଫର୍ଣ୍ଣି ଫଟୋ, କମେଂଟ ଏବଂ ଭିଡିଓ ମଧ୍ୟ ସାମ୍ନାକୁ ଆସିଛି । ଏସବୁ ମଧ୍ୟରେ ଟୁଇଟର ୟୁଜର୍ସ ଉଭୟ କଂଗ୍ରେସ ଏବଂ ବିଜେପି ଦଳର କିଛି ଏଭଳି ଢଙ୍ଗରେ ମଜା ଉଡାଇଛନ୍ତି ।
ଜଣେ ଟୁଇଟର ୟୁଜର ପ୍ରଧାନମନ୍ତ୍ରୀ ମୋଦିଙ୍କର ଏକ ମଜାଳିଆ ଫଟୋ ସେୟାର କରିଛନ୍ତି । ଯେଉଁଥିରେ ପ୍ରଧାନମନ୍ତ୍ରୀ ମୋଦିଙ୍କୁ ଜଣେ ହଲିଉଡ ଅଭିନେତାଙ୍କ ସହ ତୁଳନା କରିଛନ୍ତି । ସେହି ସୁପରଷ୍ଟାର ରଜନୀ ନାମକ ଜଣେ ଟୁଇଟର ଆକାଉଂଟରେ ମଣିଶଂକର ଅୟାରଙ୍କର ‘ନୀଚ’ କହିଥିବା ମନ୍ତବ୍ୟ ଉପରେ ସମାଲୋଚନା କରିଛନ୍ତି । ଏହାବ୍ୟତୀତ ଅନ୍ୟ ଜଣେ ଟୁଇଟର ୟୁଜର ଟ୍ରେଣ୍ଡରେ କଂଗ୍ରେସକୁ କଡା ଟକ୍କର ଦେବା ଦେଖି ବିଜେପିକୁ ନିଜର ପ୍ରଦର୍ଶନ ୨୦୧୯ ନିର୍ବାଚନ ପୂର୍ବରୁ ଆଧାରକାର୍ଡ ସହ ଯୋଡିବାକୁ ପରାମର୍ଶ ଦେଇଛନ୍ତି । ଏଭଳି ଭାବରେ ବିଭିନ୍ନ ପ୍ରକାରର ମଜାଦାର କମେଂଟ ସୋସିଆଲ ମିଡିଆରେ ଟ୍ରେଣ୍ଡ କରୁଛି । ଆଉ ମାତ୍ର କିଛି ସମୟରେ ପରେ ସ୍ପଷ୍ଟ ହୋଇଯିବ କି ଦୁଇଟି ଯାକ ରାଜ୍ୟରେ କେଉଁ ଦଳ ସରକାର ଗଢିବ । ଯଦିଓ ଏହି ଟ୍ରେଣ୍ଡରେ ବିଜେପିର ପଲା ଭାରି ଥିବା ଜଣାପଡୁଛି । ତେବେ ଖୁବ୍ ଶୀଘ୍ର ଫଳାଫଳ ଆପଣଙ୍କ ସାମ୍ନାକୁ ଆସିବ ।