ମୋବାଇଲରେ ରଖନ୍ତୁ ଏହି ଆପ ! ଜିଏସଟିକୁ ନେଇ କେବେ ହୋଇ ନପାରନ୍ତି ଠକାମିର ଶିକାର
ଗତ ଶୁକ୍ରବାର ଜିଏସଟି ପରିଷଦର ୨୨ତମ ବୈଠକରେ ପାଖାପାଖି ୨୭ଟି ସାମଗ୍ରୀର ଦାମରେ ପରିବର୍ତ୍ତନ ଅଣାଯାଇଛି । ଯେଉଁଥିରେ ଅଣ ବ୍ରାଣ୍ଡେଡ୍ ନମକିନ, ଅଣ ବ୍ରାଣ୍ଡେଡ୍ ଆୟୁର୍ବେଦ ଔଷଧ, ରବର, ପ୍ଲାଷ୍ଟିକ୍ ଏବଂ କାଗଜର ବର୍ଜ୍ୟବସ୍ତୁ, ଶିଶୁ ଖାଦ୍ୟ, ଖାକରା ଓ ଚପାତି ଆଦି ଉପରେ ଜିଏସଟିକୁ ୫ ପ୍ରତିଶତକୁ ହ୍ରାସ କରାଯାଇଛି । ଜରି କାମ, ଇମିଟେସନ୍ ଗହଣା ଏବଂ ଛପା ସାମଗ୍ରୀ ଉପରେ ଜିଏସଟି ମଧ୍ୟ ୫ ପ୍ରତିଶତକୁ ହ୍ରାସ କରାଯାଇଛି । ହାତ ତିଆରି ସୂତା ଉପରୁ ଜିଏସଟି ୧୨ ପ୍ରତିଶତକୁ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହା ସତ୍ୱେ ବି କେଉଁ ସାମଗ୍ରୀ ଉପରେ କେତେ ଜିଏସଟି ରେଟ୍ ଦେବାକୁ ପଡିବ, ତାହା ମନେ ରଖିବା ଟିକିଏ କଷ୍ଟକର ହୋଇପାରେ । ଯାହାଦ୍ୱାରା ଆପଣଙ୍କୁ କୌଣସି ବି ଦୋକାନୀ ବା ବ୍ୟବସାୟୀ ଜିଏସଟି ରେଟ୍ ନାଁରେ ଭୁଆଁ ବୁଲାଇ ପାରନ୍ତି । ତେଣୁ ଏଭଳି ପରିସ୍ଥିତିରେ ଆପଣଙ୍କର ସହୟତା କରିବା ପାଇଁ କେନ୍ଦ୍ର ସରକାର ଏକ ଆପ ଲଂଚ କରିଛନ୍ତି । ଯାହାଦ୍ୱାରା ଆପଣ ଜିଏସଟି ରେଟ୍ ସଂମ୍ବନ୍ଧିୟ ସମସ୍ତ ସୂଚନା ଏହି ଆପ ଜରିଆରେ ପାଇପାରିବେ ।
କେନ୍ଦ୍ର ସରକାର ଜାରି କରିଥିବା ଏହି ଆପଟି ହେଉଛି ‘ଜିଏସଟି ରେଟ୍ ଫାଇଣ୍ଡର’ ଆପ । ଯାହାକୁ ଆପଣ ଅଫଲାଇନରେ ବି ବ୍ୟବହାର କରିପାରିବେ । ଏଥିରେ ସମସ୍ତ ସାମଗ୍ରୀ ଉପରେ ଆଦାୟ କରାଯାଉଥିବା ଜିଏସିଟି ରେଟ୍ ଏବଂ ଅନ୍ୟ ସାମଗ୍ରୀଗୁଡିକ ଉପରେ ସମସ୍ତ ଖବର ନଜର ଆସିଥାଏ । ଏହି ଆପଟି କୌଣସି ବି ସ୍ମାର୍ଟଫୋନରେ ଡାଉନଲୋଡ କରିପାରିବେ । ଖାଲି ଏତିକି ନୁହେଁ, ଏହି ଆପରେ ଭିନ୍ନ ଭିନ୍ନ ରେଟ୍ ବାବଦରେ ସାମଗ୍ରୀକୁ ୭ଟି ଶ୍ରେଣୀରେ ବିଭକ୍ତ କରାଯାଇଛି । ଏଭଳି ପ୍ରକାରର ସର୍ଭିସେସକୁ ମଧ୍ୟ ୫ଟି ଶ୍ରେଣୀରେ ବାଂଟି ଦିଆଯାଇଛି । ଆପଣ ଚାହିଁଲେ ଏହି ଶ୍ରେଣୀକୁ ଯାଇ ସାମଗ୍ରୀ ଉପରେ ଲାଗିଥିବା ଜିଏସଟି ରେଟକୁ ଜାଣିପାରିବେ କିମ୍ବା ଆପଣ ସର୍ଚ୍ଚ ଅପସନ ଜରିଆରେ ମଧ୍ୟ କୌଣସି ବି ସାମଗ୍ରୀର ରେଟ୍ ଜାଣି ପାରିବେ ।
ଏହି ଆପରେ ଆପଣଙ୍କୁ ଗୋଟିଏ ଜାଗାରେ ହିଁ ସବୁ ସାମଗ୍ରୀ ଏବଂ ସେବାର ରେଟ୍ ଦେଖିପାରିବେ । ଏହି ଆପକୁ ଆପଣ ଗୁଗଲ ପ୍ଲେ ଷ୍ଟୋରରୁ ଡାଉନଲୋଡ କରିପାରିବେ । ତେବେ ଏହି ଆପ ଜରିଆରେ ଆପଣ ଯେତେବେଳେ ଚାହିଁବେ ସେତେବେଳେ ଜିଏସଟି ରେଟ୍ ସଂପର୍କିତ ଖବର ପାଇବା ସହିତ କୌଣସି ବି ପ୍ରକାରର ଅବୈଧ ଆଦାୟରୁ ନିଜକୁ ରକ୍ଷା କରିପାରିବେ ।
ସୌଜନ୍ୟ: ଆଜତକ୍