ଏମଆରପିରେ ସାମିଲ ଥାଏ ଜିଏସଟି ! ବୁଝନ୍ତୁ ଆପଣ ଦେଉଥିବା ବିଲର ପୂରା ଗଣିତ
ଦେଶରେ ଐିତିହାସିକ ବିଲ ତଥା ଜିଏସଟି ଲାଗୁ ହେବା ଲୋକଙ୍କଠାରେ ଦେଖାଦେଇଛି ତିବ୍ର ଅସନ୍ତୋଷ । କାରମ ଏବେବି ଲୋକେ ଜିଏସଟିକୁ ନେଇ ଦ୍ୱନ୍ଦ୍ୱରେ ରହିଛନ୍ତି । ଖାଲି ଦ୍ୱନ୍ଦ୍ୱରେ ନୁହେଁ ବରଂ ଲୋକଙ୍କୁ ଏଥିପାଇଁ ବିଭିନ୍ନ ଠକାମିର ବି ଶିକାର ହେବାକୁ ମଧ୍ୟ ପଡିଛି । ସେ ଯାହା ହେଉନା କାହିଁକି ଜିଏସଟି ଲାଗୁ ହେବା ପରେ ଏବେ ଉଭୟ ବ୍ୟବସାୟୀ ଏବଂ ଗ୍ରାହକଙ୍କୁ ବି ନିୟମ ମାନି ଚାଲିବାକୁ ପଡିଛି । ଆପଣ ଜାଣି ଆଶ୍ଚର୍ଯ୍ୟ ହେବେ କି କୌଣସି ବି ଜିନିଷ ବା ସେବାର ଏମଆରପିରେ ଜିଏସଟି ମିଶିକରି ଥାଏ । ଯାହାର ସିଧା ଅର୍ଥ ଏହା ହେଲା କି ଯଦି କୌଣସି ବି ଦୋକାନୀ କିମ୍ବା ସେବାପ୍ରବକ୍ତା ଆପଣଙ୍କଠାରୁ ଏମଆରପି ଉପରେ ଜିଏସଟି ଚାର୍ଜ କରୁଛନ୍ତି ତେବେ ଏହା ସଂପୂର୍ଣ୍ଣ ଭୁଲ ଅଟେ । କାରଣ ଏମଆରପି ଉପରେ ଚାର୍ଜ କରାଯାଇଥିବା ଟାକ୍ସ ରାଶି ଦୋକାନୀ ପକେଟକୁ ହିଁ ଯାଇଥାଏ । ଏମଆରପିର ଅଥ ସର୍ବାଧିକ ଖୁଚୁରା ମୂଲ୍ୟ ବା ମାକ୍ସିମମ ରିଟେଲ ପ୍ରାଇସ ହୋଇଥାଏ । ଆଉ ଏହି ମୂଲ୍ୟରେ ସମସ୍ତ ପ୍ରକାରର ଟାକ୍ସ ସାମିଲ ବି ରହିଥାଏ । କାରଣ କୌଣସି ବି ପ୍ରଡକ୍ଟର ଏମଆରପି ସବୁ ପ୍ରକାରର ଟାକ୍ସକୁ ସମ୍ମିଳିତ କରି ଧାର୍ଯ୍ୟ କରାଯାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଜାଣନ୍ତୁ କିଭଳି ସ୍ଥିର ହୋଇଥାଏ କେଉଁ ଜିନିଷ ଉପରେ କେତେ ଟାକ୍ସ
ଚାଟାର୍ଡ ଆକାଉଂଟାଂଟ ଅଙ୍କିତ ଗୁପ୍ତା ନିକଟରେ ଏକ ଉଦାହରଣ ଦେଇ କହିଥିଲେ କି, ଧରି ନିଅ ଆପଣ ଗୋଟିଏ ଚକଲେଟର ପ୍ୟାକେଟ କିଣିଛନ୍ତି । ଯାହାର ଏମଆରପି ୧୦୦ଟଙ୍କା ରହିଛି । ଏଥିରେ ପାଂଚ ପ୍ରତିଶତ ଜିଏସଟି ଲାଗିଥାଏ । ଯାହାର ଅର୍ଥ ହେଲା କି ୧୦୦ଟଙ୍କାରେ ୫ ପ୍ରତିଶତ ଜିଓସଟି ଦର ବି ସାମିଲ ରହିଛି । ତେବେ ଆପଣଙ୍କ ଜିନିଷ ବାସ୍ତବ ମୂଲ୍ୟ ହେଲା (100/105 X 100= 95.23) 95.23 ଟଙ୍କା । ସେହିପରି ଯଦି ଏହି ଚକଲେଟର ପ୍ୟାକେଟ ଉପରେ ୧୨ ପ୍ରତିଶତ ଜିଏସଟି ରହିଛି ଏବଂ ଏମଆରପି ୧୦୦ ଟଙ୍କା ଅଟେ ତେବେ ଏହାର ଦର (100/112 X 100 = 89.28) 89.28 ଟଙ୍କା ହେଲା ଏବଂ ବାକି ଭାଗ ଜିଏସଟିର ହେଲା ।
ଧ୍ୟାନ ରଖିବେ କି ଏମଆରପି ଏବଂ କୌଣସି ବି ବସ୍ତୁର ମୂଲ୍ୟରେ ଅନ୍ତର ରହିଥାଏ । ଯେପରିକି କୌଣସି ହୋଟେଲ ବା ରେଷ୍ଟୁରାଂଟର ମେନୁ କାର୍ଡରେ ଦର୍ଶାଯାଇଥିବା ଦାମ ସେହି ବସ୍ତୁର ଏମଆରପି ହୋଇନଥାଏ । ଏଭଳି ପରିସ୍ଥିତିରେ ଜିଏସଟି ଏହି ମୂଲ୍ୟ ଉପରେ ହିଁ ଲାଗିଥାଏ । ଏଭଳି ଭାବେ ଯଦି କୌଣସି ସେବାଦାତା ଆପଣଙ୍କୁ କୌଣସି ସେବା ଦେଉଛନ୍ତି ଏବଂ ସେ ଆପଣଙ୍କୁ କେବଳ ସେହି ସେବା ବଦଳରେ ଦିଆଯାଇଥିବା ଅର୍ଥରାଶି ହିଁ ମାଗିଛନ୍ତି ତେବେ ଏହି ସେବା ଉପରେ ଅତିରିକ୍ତ ଜିଏସଟି ଲାଗୁ କରାଯିବ । କେବଳ ଏମଆରପି ସ୍ଥତିରେ ହିଁ ଜିଏସଟିର ରାଶି ଜିନିଷ ବା ସେବା ସହିତ ସାମିଲ ହୋଇଥାଏ । ଯଦି କୌଣସି ଦୋକାନୀ ଆପଣଙ୍କୁ ଜିନିଷର ଏମଆରପି ଉପରେ ଜିଏସଟି ଲଗାଇ ବିଲ ଦେଉଛନ୍ତି ତେବେ ଏହା ସଂପୂର୍ଣ୍ଣ ରୂପେ ଭୁଲ ଅଟେ । ଆପଣ ଏହି ବିଲ ଉପରେ ଅସହମତି ଦେଖାଇ ପାରିବେ ।