ଜିଏସଟି ଦଣ୍ଡ ! ଏଣିକି ୧୦୦ ଟଙ୍କାର ରିଚାର୍ଜ ଉପରେ ମିଳିବ ମାତ୍ର ଏତିକି ବାଲାନ୍ସ
ସବୁ କଳ୍ପନା ଜଳ୍ପନାର ଅବସାନ ଘଟାଇ ସାରା ଦେଶରେ ଲାଗୁ ହେଲା ଐତିହାସିକ ଜିଏସଟି । ଅନ୍ୟପଟେ ଜିଏସଟି ଲାଗୁ ହେବାଦ୍ୱାରା ଲୋକମାନଙ୍କର ଦ୍ୱନ୍ଦ ଆହୁରୀ ବଢିଯାଇଛି ଏବଂ ସେମାନଙ୍କ ମଧ୍ୟରେ ସାମିଲ ଅଛନ୍ତି ମୋବାଇଲ୍ ୟୁଜର୍ସ । ୟୁଜର୍ସମାନେ ଚିନ୍ତିତ ଅଛନ୍ତି କି ଏବେ କେତେ ଟଙ୍କାର ରିଚାର୍ଜ କଲେ କେତେ ଟଙ୍କାର ଟକ୍ ଟାଇମ୍ ମିଳିବ । ତେବେ ଆସନ୍ତୁ ଜାଣିବା ସେ ସଂପର୍କରେ ଅଧିକ ସୂଚନା ।
Kanak News is now on WhatsApp
Join and get latest news updates delivered to you via WhatsApp
ଏଠାରେ କହି ରଖୁଛୁ କି, ଜିଏସଟି ଦ୍ୱାରା ଦୂରସଂଚାର ସେବାଗୁଡିକ ଉପରେ ଯେଉଁଠି ୧୫ ପ୍ରତିଶତ ଟ୍ୟାକ୍ସ ଲାଗୁଥିଲା ସେହିଠାରେ ଏଣିକି ୧୮ ପ୍ରତିଶତ କର ଲାଗିବ । ଅର୍ଥାତ୍ ପୋଷ୍ଟପେଡ୍ ଏବଂ ପ୍ରିପେଡ୍ ୟୁଜର୍ସଙ୍କୁ ୩ ପ୍ରତିଶତ ଟିକସ ଦେବାକୁ ପଡିବ । ଅର୍ଥାତ୍ ୧୦୦ ଟଙ୍କାର ରିଚାର୍ଜ ଉପରେ ଆପଣଙ୍କୁ କେବଳ ୮୨ ଟଙ୍କା ମିଳିବ ।
ବର୍ତ୍ତମାନର ଟ୍ୟାକ୍ସ ରେଟ୍ ମୁତାବକ, ଯଦି ଆପଣ ଜଣେ ପୋଷ୍ଟପେଡ୍ ୟୁଜର ଅଟନ୍ତି ଏବଂ ଏଯାବତ୍ ଆପଣଙ୍କ ନିକଟକୁ ୫୦୦ ଟଙ୍କାର ବିଲ୍ ଆସୁଛି । ତେବେ ଏବେ ଆପଣଙ୍କୁ ୧୮ ପ୍ରତିଶତ ଟିକସ ସହିତ ୫୯୦ ଟଙ୍କା ଦେବାକୁ ପଡିବ । ସେହିପରି ପ୍ରିପେଡ୍ ୟୁଜର୍ସଙ୍କ ପାଇଁ ମଧ୍ୟ ସମାନ ପରିସ୍ଥିତି ୧୦୦ ଟଙ୍କାର ଟପ୍ ଅପ୍ ଭାଉଚର ରିଚାର୍ଜ କରିବାଦ୍ୱାରା କେବଳ ୮୨ ଟଙ୍କା ମିଳିବ, ଯେବେକି ପୂର୍ବରୁ ଆପଣଙ୍କୁ ୮୫ ଟଙ୍କା ମିଳୁଥିଲା ।
ଏହାସହ ମଧ୍ୟ ପଢନ୍ତୁ- ଜିଏସଟି ଲାଗୁ ହେବା ପରେ କଣ ହେବ ଶସ୍ତା ଓ କଣ ହେବ ମହଙ୍ଗା