ଜିଏସଟିକୁ ନେଇ ଗୋଟିଏ ସତ୍ୟ ! ଯାହା ସଂପର୍କରେ ଜନତା ଅଜ୍ଞ
ଜୁଲାଇ ପହିଲାରୁ ସାରା ଦେଶରେ ଲାଗୁ ହୋଇଛି ଐତିହାସିକ ଜିଏସଟି । କିନ୍ତୁ ଜିଏସଟି ସଂପର୍କରେ ଏକ ଏଭଳି ସତ୍ୟ ରହିଛି ଯାହାକୁ ସରକାର ଜନତାଙ୍କଠାରୁ ଲୁଚାଇ ରଖିଛନ୍ତି । ତେବେ ସେ ସତ୍ୟଟି କଣ ଆସନ୍ତୁ ଜାଣିବା ସେ ସଂପର୍କରେ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ଅମର ଉଜାଲାରେ ପ୍ରକାଶିତ ଖବର ମୁତାବକ, ଶନିବାର ଦିନ ଚଣ୍ଡିଗଡରେ ବ୍ୟବସାୟୀମାନେ ଜିଏସଟି ଆଧାରରେ ବିଲିଂ କରିଥିଲେ । ଏହାକୁ ନେଇ ଅଧିକାଂଶ ଗ୍ରାହକଙ୍କ ଅଭିଯୋଗ ରହିଛି କି ସେମାନଙ୍କଠାରୁ ସିଜିଏସଟି ଓ ଏସଜିଏସଟି ରୂପରେ ବିଲିଂରେ ଟିକସ ଆଦାୟ କରାଯାଇଛି । ତେବେ ଏହି ସମ୍ବନ୍ଧରେ ଟିକସ ଏକ୍ସପର୍ଟ ଆଡଭୋକେଟ୍ ଅଜୟ ଜଗ୍ଗା ସୂଚନା ଦେଇଛନ୍ତି କି ବ୍ୟବସାୟୀ ଏବଂ ସାଧାରଣ ଜନତାଙ୍କ ମଧ୍ୟରେ ଜାଗରୁକତା ମନୋଭାବ ରହିବା ଆବଶ୍ୟକ । ସେ ଏଥିପାଇଁ ଚଣ୍ଡିଗଡର ଏକ୍ସାଇଜ୍ ଆଣ୍ଡ୍ ଟ୍ୟାକ୍ସସନ କମିଶନର ଅଜିତ୍ ବାଲାଜି ଜୋସିଙ୍କଠାରେ ଦାବି କରିଛନ୍ତି କି, ବ୍ୟବସାୟୀଙ୍କୁ ଏସଂପର୍କରେ ସେ ଜାଗ୍ରତ କରାନ୍ତୁ କି କେଉଁଠାରେ ସିଜିଏସଟି ଲାଗିବ ଓ କେଉଁଠି ଏସଜିଏସଟି, ୟୁଟିଜିଏସଟି ଏବଂ ଆଇଜିଏସଟି ଲଗାଇବା ଆବଶ୍ୟକ ।
ଅଜୟ କହିଛନ୍ତି କି, ଜିଏସଟି ଅଧିନରେ ଚାରିଟି ଆକ୍ଟ ରହିଛି । ତେବେ ପ୍ରଥମଟି ହେଲା, କେନ୍ଦ୍ର ସ୍ତରରେ ଅର୍ଥାତ୍ ସିଜିଏସଟି, ଅନ୍ୟଟି ରାଜ୍ୟ ସ୍ତରରେ ଅର୍ଥାତ୍ ଏସଜିଏସଟି, ତୃତୀୟଟି କେନ୍ଦ୍ର ଶାସିତ ପ୍ରଦେଶ ସ୍ତରରେ ଅର୍ଥାତ୍ ୟୁଟିଜିଏସଟି ଏବଂ ଚତୁର୍ଥଟି ହେଲା ଅନ୍ତରାଜ୍ୟୀୟ ଲେନଦେନ୍ ସ୍ତରରେ ଅର୍ଥାତ୍ ଆଇଜିଏସଟି ।
ଅଜୟ ପୁଣି ମଧ୍ୟ କହିଛନ୍ତି, ସାଧାରଣତଃ ଗୋଟିଏ ପଦାର୍ଥର ବିକ୍ରୀ ଉପରେ କୌଣସି ବି ରାଜ୍ୟରେ ୧୮ ପ୍ରତିଶତ ଜିଏସଟି ଲାଗୁ ହେବାଦ୍ୱାରା ଏହାର ୯ ପ୍ରତିଶତ ସିଜିଏସଟି ଓ ବାକି ୯ ପ୍ରତିଶତ ଏସଜିଏସଟି ଆଦାୟ କରାଯିବ । ତେବେ ଚଣ୍ଡିଗଡରେ ଟ୍ୟାକ୍ସ ସଂପର୍କରେ ସେ କହିଛନ୍ତି କି, କେନ୍ଦ୍ର ଶାସିତ ପ୍ରଦେଶରେ ସିଜିଏସଟି ସହିତ ଏସଜିଏସଟି ନିଆଯାଇପାରିବ ନାହିଁ , ବରଂ ଚଣ୍ଡିଗଡରେ ବିଲିଂ ସମୟରେ ସିଜିଏସଟି ସହ ୟୁଟିଜିଏସଟି ଆଦାୟ କରାଯିବା କଥା ।
ଏହାସହ ମଧ୍ୟ ପଢନ୍ତୁ- ଜିଏସଟି ଲାଗୁ ହେବା ପୂର୍ବରୁ ବଦଳାଇ ଦିଅନ୍ତୁ ଆପଣଙ୍କ ଏହି ଅଭ୍ୟାସ୍ ! ନଚେତ୍ ହୋଇପାରେ ୫ ବର୍ଷ ପାଇଁ ଜେଲ୍