ଆଉ ପାଖରେ ରଖିବାକୁ ପଡିବନି ନଗଦ ଟଙ୍କା ! ଏହି ଗୋଟିଏ କାର୍ଡ ଦେଖାଇ ଆପଣ କରିପାରିବେ ଟ୍ରେନ, ବସ୍ ଏବଂ ଅଟୋରେ ଯାତ୍ରା

5

ଖୁବ୍ ଶୀଘ୍ର ଦେଶବାସୀଙ୍କୁ ଗୋଟିଏ ସହରରୁ ଅନ୍ୟ ଏକ ସହର ତଥା ସହର ଭିତରେ ଯାତ୍ରା କରିବା ସମୟରେ ବିଭିନ୍ନ ପ୍ରକାରର କାର୍ଡ କିମ୍ବା କ୍ୟାସ ରଖିବା ଭଳି ସମସ୍ୟାରୁ ମୁକ୍ତି ମିଳିବ । କାହିଁକି ନା ଜନତାଙ୍କ ସୁବିଧା ପାଇଁ ମୋଦି ସରକାର ଖୁବ୍ ଶୀଘ୍ର ସାରା ଦେଶରେ ଲାଗୁ କରିବାକଯାଉଛନ୍ତି ଏକ କମନ ମୋବିଲିଟି କାର୍ଡ । ଏହି କାର୍ଡ ଜରିଆରେ ଲୋକେ କେଉଁଠି ବି ବିନା କୌଣସି ଟେନସନରେ ଯାତ୍ରା କରିପାରିବେ । କେନ୍ଦ୍ର ସରକାରଙ୍କ ସୂଚନା ପ୍ରଯୁକ୍ତି ମନ୍ତ୍ରାଳୟ ଏବଂ ନ୍ୟାସନାଲ ପେମେଂଟ କର୍ପୋରେସନ ଅଫ ଇଣ୍ଡିଆ ଏନପିସିଆଇ ମିଶି ଏହି ସେବା ଆରମ୍ଭ କରିବାକୁ ଯାଉଛନ୍ତି ।

କେବେ ହେବ ଆରମ୍ଭ

ଡିସେମ୍ବର ସୁଧା ଏହି କାର୍ଡ ସାରା ଦେଶରେ ଆରମ୍ଭ ହେବା ନେଇ ଅନୁମାନ କରାଯାଉଛି । ମିଳିଥିବା ସୂଚନା ମୁତାବକ, ଏନପିସିଆଇ ଦେଶର ସମସ୍ତ ବ୍ୟାଙ୍କ ଏବଂ ଆର୍ଥିକ ସଂସ୍ଥାମାନଙ୍କ ସହ ଏନେଇ ଆଲୋଚନା କରୁଛି । ଏହି କାର୍ଡ ଦ୍ୱାରା ଲୋକେ ଟିକେଟ କିଣିବା ସହିତ ହିଁ ପେମେଂଟ ମଧ୍ୟ କରିପାରିବେ ।

ଡେବିଟ୍-କ୍ରେଡିଟ୍ କାର୍ଡ ଭଳି କରିବ କାମ

ଏହି ମୋବିଲିଟି କାର୍ଡ ପୂରାପୂରି ଡେବିଟ- କ୍ରେଡିଟ୍ କାର୍ଡ ଭଳି ହିଁ କାମ କରିବ । ଏହି କାର୍ଡ ପାଇଁ ସବୁ ପ୍ରକାରର ଗାଡିରେ ପଏଂଟ ଅଫ ସେଲ ତଥା ପିଓଏସ ମେସିନ ଲଗାଇବାକୁ ମଧ୍ୟ ଆଲୋଚନା ଚାଲିଛି । ଯାହାଦ୍ୱାରା ଲୋକଙ୍କୁ ଗାଡିରେ ଯିବା ଆସିବା କରିବା ସମୟରେ କେବଳ ଏହାକୁ ସ୍ୱାଇପ କରିବାକୁ ହେବ ।ତେବେ ଯେଉଁ ଗାଡିମାନଙ୍କରେ ଏହି ମେସିନ ଲଗାଯିବ, ସେଥିରେ ଅଟୋରିକ୍ସା, ଟ୍ୟାକ୍ସି ଏବଂ ସିଟି ବସ ସାମିଲ ରହିଛି । ରେଲେଓ ଏବଂ ରାଜ୍ୟ ପରିବହନର ବସଗୁଡିକରେ ମଧ୍ୟ ଏହି କାର୍ଡ ଜରିଆରେ ଯାତ୍ରା କରିପାରିବେ ।

ଏଠାରେ ଆମେ କହି ରଖୁଛି କି, ଏହି କାର୍ଡ ବର୍ତ୍ତମାନ ଦିଲ୍ଲୀରେ ଆରମ୍ଭ ହୋଇସାରିଲାଣି । ଦିଲ୍ଲୀବାସୀ ଏବେ ଏହି କାର୍ଡ ଜରିଆରେ ହିଁ ଯାତାୟତ କରୁଛନ୍ତି ।

Comments are closed.