ସରକାରୀ ଚାକିରି ପାଇଁ ସ୍ୱପ୍ନ ଦେଖୁଥିବା ଯୁବକ-ଯୁବତୀଙ୍କ ପାଇଁ ଖୁସି ଖବର । ନିଯୁକ୍ତି କ୍ଷେତ୍ରରେ କରାଯାଇଥିବା ନିୟମରେ ସରକାର ଏବେ ଅନେକ ପରିବର୍ତ୍ତନ ଆଣିଛନ୍ତି । ଯାହାଦ୍ୱାରା ଆଶାୟୀ ପ୍ରାର୍ଥୀଙ୍କୁ ବର୍ତ୍ତମାନ ଏହି ନୂଆ ନିୟମ ଆଧାରରେ ହିଁ ଚାକିରି ପ୍ରଦାନ କରାଯିବ । ତେବେ ଏହି ସରକାରଙ୍କ ଏହି ନୂଆ ନିୟମଗୁଡିକ କଣ ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଅର୍ଥମନ୍ତ୍ରୀ ଅରୁଣ ଜେଟଲି ଉପସ୍ଥାପିତ କରିଥିବା ସାଧାରଣ ବଜେଟରେ ଏହି ନୂଆ ନିୟମ ସଂପର୍କରେ ଆଲୋଚନା କରିଛନ୍ତି । ଜେଟଲିଙ୍କ କହିବା ମୁତାବକ, ଚଳିତ ବର୍ଷ ତଥା ୨୦୧୮ ଆରମ୍ଭ ହେବା କ୍ଷଣି ହିଁ ସରକାରଙ୍କ ତରଫରୁ ଗ୍ରୁପ୍ ସି ଏବଂ ଡି ପଦବୀରେ ନିଯୁକ୍ତି ନେଇ ଇଷ୍ଟରଭିୟୁ ଭଳି ନିୟମକୁ ସଂପୂର୍ଣ୍ଣ ରୂପେ ବନ୍ଦ କରିଦିଆଯାଇଛି । ହରିୟାଣାରେ ମନୋହର ଲାଲ ସରକାର ଏହି ସାକ୍ଷାତକାର ପ୍ରଣାଳୀକୁ ପୂରା ପୁରି ବନ୍ଦ କରିଦେଇଛନ୍ତି । ଏଭଳି ପରିସ୍ଥିତିରେ ହରିୟାଣାରେ ତୃତୀୟ ଏବଂ ଚତୁର୍ଥ ଶ୍ରେଣୀର ନିଯୁକ୍ତି ପାଇଁ କୌଣସି ସାକ୍ଷାତକାର ହେବ ନାହିଁ । ଏଠାରେ ଆମେ କହି ରଖୁଛୁ କି, ତୃତୀୟ ଶ୍ରେଣୀରେ ସାଧାରଣତଃ ପୁଲିସ କର୍ମୀ, ଚାଳକ-ପରିଚାଳକ, ପଟୱାରୀ, ଟିଜିଟି, ଜେବିଟି, ସିଏଣ୍ଡିବି ଶିକ୍ଷକ ଏବଂ ଅନ୍ୟାନ୍ୟ କର୍ମଚାରୀ ଆସୁଥିବା ବେଳେ ଚତୁର୍ଥ ଶ୍ରେଣୀରେ ଚପରାସୀ, ଚୌକିଦାର, ମାଳି, ସଫେଇ କର୍ମଚାରୀ ଇତ୍ୟାଦି ସାମିଲ ଅଟନ୍ତି ।
ସୂଚନା ମୁତାବକ, ହରିୟାଣାରେ ଏବେ ଗ୍ରୁପ-ଡିର ସରକାରୀ ଚାକିରି ଜଣେ ଅଷ୍ଟମ ଶ୍ରେଣୀ ପାସ କରିଥିବା ବ୍ୟକ୍ତି ବି ପାଇପାରିବେ । ସରକାର ଚତୁର୍ଥ ଶ୍ରେଣୀ ପଦବୀ ପାଇଁ ସର୍ବନିମ୍ନ ଶିକ୍ଷାଗତ ଯୋଗ୍ୟତା ମିଡିଲ ପାସ୍ ବୋଲି ନିର୍ଦ୍ଧାରିତ କରିଦେଇଛନ୍ତି । ସେହିପରି ଗ୍ରୁପ-ସି କ୍ଲର୍କ ପାଇଁ ନିଯୁକ୍ତି ପାଇଁ ସର୍ବନିମ୍ନ ଯୋଗ୍ୟତା ସହିତ କମ୍ପ୍ୟୁଟର ଦକ୍ଷତା ଥିବା ବାଧ୍ୟତାମୂଳକ ବୋଲି କରିଛନ୍ତି । କାରଣ ପୂର୍ବରୁ ବିଭିନ୍ନ ବିଭାଗରେ ଗ୍ରୁପ-ଡି ପଦବୀ ପାଇଁ ସର୍ବନିମ୍ନ ଶିକ୍ଷାଗତ ଯୋଗ୍ୟତା ପୃଥକ ପୃଥକ ରହିଥିଲା । କିଛି ବିଭାଗରେ ତ ହିନ୍ଦି ଏବଂ ଇଂରାଜୀ ଭାଷା ପ୍ରତି ଜ୍ଞାନ ଥିଲେ ଉକ୍ତ ପ୍ରାର୍ଥୀଙ୍କୁ ଆଉ ଅନ୍ୟ କୌଣସି ଶିକ୍ଷାଗତ ଯୋଗ୍ୟତା ମଗାଯାଉନଥିଲା ।
ସରକାରଙ୍କର ଏହି ତାଜା ନିୟମ ଅନୁସାରେ , ଏଣିକି ଏଥିପାଇଁ ମନ୍ତ୍ରୀମଣ୍ଡଳ, ସାମାନ୍ୟ ପ୍ରଶାସନ ବିଭାଗ, ଅର୍ଥ ବିଭାଗ ଏବଂ ହରିୟାଣା ରାଜ୍ୟ କର୍ମଚାରୀ ଚୟନ ଆୟୋଗର ସ୍ୱୀକୃତି ମିଳିବା ଜରୁରୀ ହେବନାହିଁ । କାରଣ ନିଯୁକ୍ତି ପାଇଁ ସମ୍ବନ୍ଧିତ ବିଭାଗ ନିଜ ସ୍ତରରେ ପ୍ରାସଙ୍ଗିକ ସେବା ନିୟମଗୁଡିକରେ ସଂଶୋଧନ କରିପାରିବେ । ପ୍ରାସଙ୍ଗିକ ସେବା ନିୟମଗୁଡିକରେ ଏହା Provision Law Department ସହ ଆଲୋଚନା କରିବା ପରେ ଯାଇ ହିଁ କରାଯାଇପାରିବ । ସେହିପରି ହରିୟାଣା ସରକାର ଗ୍ରୁପ-ଡି ପଦବୀରେ ଭର୍ତି ପାଇଁ ଆଶାୟୀ ପ୍ରାର୍ଥୀଙ୍କ ସାକ୍ଷାତକାର ଲାଗି ଗଠିତ ଚୟନ ସିମିତିଗୁଡିକୁ ମଧ୍ୟ ଭଙ୍ଗ କରିଦିଆଯାଇଛି ।
ସୌଜନ୍ୟ: ଅମର ଉଜାଲା