ମୃତ୍ୟୁର ଭବିଷ୍ୟବାଣୀ ! ଏଣିକି ଗୁଗଲ କରିବ ମୃତ୍ୟୁର ଭବିଷ୍ୟବାଣୀ, ଏହି ଟେକନିକରୁ ଜଣା ପଡିବ ବ୍ୟକ୍ତିର ମୃତ୍ୟୁ ହେବ କେବେ
ପ୍ରଗତି ପଥେ ଆଧୂନିକ ଜ୍ଞାନ କୌଶଳ । ଦିନକୁ ଦିନ ସ୍ମାର୍ଟ ହେବାରେ ଲାଗିଲେଣି ଗାଁଠାରୁ ଆରମ୍ଭ କରି ସହରରେ ସବବାସ କରୁଥିବା ଲୋକେ । ଇତି ମଧ୍ୟରେ ଗୁଗଲ ଏବେ ଏଭଳି ଏକ ନୂଆ ଟେକନିକ୍ ଲଂଚ କରିବାକୁ ଯାଉଛି । ଯାହାଦ୍ୱାରା ମେଡିକାଲରେ ଭର୍ତ୍ତି ରୋଗୀର ମୃତ୍ୟୁ କେବେ ହେବ, ସେ ସଂପର୍କରେ ସୂଚନା ମିଳିପାରିବ ।
Kanak News is now on WhatsApp
Join and get latest news updates delivered to you via WhatsApp
ଆଂଟିଫିସିଆଲ ଇନଟେଲିଜେନ୍ସ ଜରିଆରେ ଗୁଗଲ ଏଭଳି ଏକ ସିଷ୍ଟର ପ୍ରସ୍ତୁତ କରୁଛି କି ଯାହା ରୋଗୀର ମୃତ୍ୟୁ ସଂପର୍କରେ ଭବିଷ୍ୟବାଣୀ କରିପାରିବ । ଯାହାର ଅର୍ଥ ହେଲା, ଏହି ସିଷ୍ଟମ ସୂଚାଇ ଦେବ କି, କୌଣସି ରୋଗୀର ଜୀବିତ ରହିବାର ସମ୍ଭାବନା କେତେ ରହିଛି ଏବଂ ରୋଗୀଟିର ମୃତ୍ୟୁ କେବେ ଘଟିପାରେ । ସୂଚନା ମୁତାବକ, ନିକଟରେ ଗୁଗଲ ଏଭଳି ଏକ ଟୁଲ ବିକଶିତ କରିଛି, ଯାହାକି ପ୍ରଥମେ ରୋଗୀର ବେମାରୀର ଲକ୍ଷଣକୁ ଷ୍ଟଡି କରିବ ଓ ପରେ ଏହାକୁ ଆଧାର କରି ସୂଚିତ କରିବ କି ରୋଗୀଟିର ବଂଚିବାର କେତେ ସମ୍ଭାବନା ରହିଛି ।
ଏଠାରେ ଆମେ କହି ରଖୁଛୁ କି, ଗୁଗଲର ଏହି ନୂଆ ଟୁଲର ପ୍ରାଥମିକ ପରୀକ୍ଷଣ କରାଯାଇ ସାରିଛି । ଗବେଷଣା ପାଇଁ ଏଭଳି ଜଣେ ମହିଳାଙ୍କୁ ଖୋଜା ଯାଇଥିଲା, ଯିଏ କି ସ୍ତନ କର୍କଟ ରୋଗରେ ଆକ୍ରାନ୍ତ ଥିଲେ । ମେଡିକାଲରେ ଡାକ୍ତରୀ ଦଳ ମହିଳାଙ୍କର ରେଡିୟୋଲଜି ସ୍କାନ କରିଥିଲେ । ଡାକ୍ତରଙ୍କ କହିବା ଅନୁସାରେ, ମହିଳାଙ୍କର ମରିବାର ସମ୍ଭାବନା ପ୍ରାୟତଃ ୯.୩ ପ୍ରତିଶତ ଥିଲା । ସେହିପରି ଯେତେବେଳେ ଗୁଗଲ ଆପକୁ ପ୍ରଶ୍ନ କରାଯାଇଥିଲା ସେତେବେଳେ ଉତର ମିଳିଥିଲା କି, ମହିଳାଙ୍କ ମୃତ୍ୟୁ ହେବାର ସମ୍ଭାବନା ପାଖାପାଖି ୧୯.୯ ପ୍ରତିଶତ ରହିଛି । ଯାହା ପରେ ମାତ୍ର କିଛି ଦିନ ପରେ ମହିଳାଙ୍କ ମୃତ୍ୟୁ ହୋଇଯାଇଥିଲା ।