୬ ମାସ ଯାଏଁ କରନ୍ତୁ ନାହିଁ ମୋବାଇଲ ଫୋନର ବ୍ୟବହାର, କଂପାନୀ ତରଫରୁ ଦିଆଯିବ ୭୧ ଲକ୍ଷ ଟଙ୍କାର ପୁରସ୍କାର ! ଜାଣନ୍ତୁ ଆବେଦନ କରିବାର ପୂରା ପ୍ରକ୍ରିୟା
ଡେକ୍ସଟପ କିମ୍ବା ଲାପଟପ ବ୍ୟବହାର କରିପାରିବେ
ସ୍ମାର୍ଟଫୋନର ବ୍ୟବହାର ସାରା ଦୁନିଆରେ ଏବେ ହୁ ହୁ ହୋଇ ବୃଦ୍ଧି ପାଇବାରେ ଲାଗିଛି । ବର୍ତ୍ତମାନ ଏହା ଏକ ବ୍ୟାଧି ଭଳି ପିଲାଠାରୁ ଆରମ୍ଭ କରି ବୃଦ୍ଧା ପର୍ଯ୍ୟନ୍ତ ସମସ୍ତଙ୍କୁ ଗ୍ରାସ କରିବାରେ ଲାଗିଛି । ମୋଟ ଉପରେ କହିବାକୁ ଗଲେ ସଭିଏଁ ମୋବାଇଲ ମାୟାରେ ବାୟା । ହେଲେ ଯଦି ଆପଣ ସ୍ମାର୍ଟଫୋନ ବ୍ୟବହାର କରିବା ଛାଡି ଦିଅନ୍ତି ତେବେ ଆପଣଙ୍କୁ ଏଥିପାଇଁ ଲକ୍ଷାଧିକ ଟଙ୍କା ମିଳିପାରେ । ଆଜ୍ଞା ହଁ ! ଏହା ସଂପୂର୍ଣ୍ଣ ରୂପେ ସତ । ଭିଟାମିନ ୱାଟର ନାମକ ଏକ କଂପାନୀ ବର୍ଷକ ପାଇଁ ଫୋନ ଛାଡିବା ବ୍ୟକ୍ତିଙ୍କୁ ୧ ଲକ୍ଷ ଡଲାର ତଥା ପାଖାପାଖି ୭୧ ଲକ୍ଷ ଟଙ୍କା ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ସେମିତିରେ କହିବାକୁ ଗଲେ କୋକୋ କୋଲାର ମାଲିକାନାରେ ଥିବା ଏହି ଭିଟାମିନ ୱାଟର କଂପାନୀର ମୋବାଇଲ ସହିତ କୌଣସି ସଂପର୍କ ନାହିଁ । ହେଲେ କଂପାନୀ ନିଜର ମାର୍କେଟିଂ କ୍ୟାମ୍ପେନ ପାଇଁ ସ୍ମାର୍ଟଫୋନ ୟୁଜର୍ସଙ୍କୁ ଟାର୍ଗେଟ କରିଛି । କାହିଁକି ଜାଣିବା ପାଇଁ ପଢନ୍ତୁ ପୂରା ରିପୋର୍ଟ
କଂପାନୀ କହିଛି କି, କଂପାନୀ ତରଫରୁ ୭୧ ଲକ୍ଷ ଟଙ୍କା ସେହି ମାନଙ୍କୁ ପ୍ରଦାନ କରାଯିବ ଯେଉଁମାନେ କି ସ୍ମାର୍ଟଫୋନର ବ୍ୟବହାର ସଂପୂର୍ଣ୍ଣ ରୂପେ ଛାଡିଦେବେ । ଏହା ପଛରେ ମୁଖ୍ୟ କଥା ଏହା ଜାଣିବାର ଅଛି କି କଣ କୌଣସି ବ୍ୟକ୍ତି ବିନା କୌଣସି ଫୋନରେ ବଂଚି ପାରିବ ନା ନୁହେଁ । ତେବେ କଂପାନୀ ଏହାକୁ ଜାଣିବା ପାଇଁ ଆପଣଙ୍କ ଉପରେ ଲାଇଡିଟେକ୍ଟର ଟେଷ୍ଟ କରିବ ଏବଂ ଏହାଦ୍ୱାରା ଜଣା ପଡିଯିବ କି, ଆପଣ ବାସ୍ତବରେ ଫୋନ ବ୍ୟବହାର କରିବା ଛାଡିଦେଇଛନ୍ତି କି ନୁହେଁ ।
ଯଦି ଆପଣ ଫୋନ ବ୍ୟବହାର କରିଥିବା ନେଇ ଧରା ପଡନ୍ତି ତେବେ ଆପଣଙ୍କୁ ଏହି ପ୍ରତିଯୋଗୀତାରୁ ବାହାର କରିଦିଆଯିବ । ଏଠାରେ ଆମେ କହି ରଖୁଛୁ କି, ଏଥିରେ କୌଣସି ଆଇନଗତ ପ୍ରକ୍ରିୟା ବ୍ୟବହାର କରାଯାଇନାହିଁ । ଏଥିପାଇଁ ଆପଣଙ୍କୁ ଆଦୌ ଚିନ୍ତିତ ହେବାକୁ ଆବଶ୍ୟକ ପଡିବନି ।
we tried to get Brandon to make this deal, but he is too busy – will you turn off your phone for a year instead? #NoPhoneForAYear #contest https://t.co/RVTF0gytnv pic.twitter.com/wFFTXl0PBX
— vitaminwater® (@vitaminwater) December 11, 2018
କିଭଳି କରିବେ ଆବେଦନ
ଏହି ପ୍ରତିଯୋଗୀତାରେ ଆପଣ ଟୁଇଟର କିମ୍ବା ଇନଷ୍ଟାଗ୍ରାମ ଜରିଆରେ ଭାଗ ନେଇପାରିବେ । ଏଥିପାଇଁ ଆପଣଙ୍କୁ #nophoneforayear ଏବଂ #contest ଲେଖି ପୋଷ୍ଟ କରିବାକୁ ହେବ ଏବଂ ଭିଟାମିନ ୱାଟରକୁ ଆପଣ ଅଂଶଗ୍ରହଣ ସଂପର୍କରେ ଜଣାଇବାକୁ ହେବ । ଏଥି ସହିତ ଆପଣଙ୍କୁ ଏହାବି ଜଣାଇବାକୁ ପଡିବ କି ଆପଣ ଫୋନକୁ କଣ ପାଇଁ ଆଉ କେଉଁ କାରଣରୁ ଛାଡୁଛନ୍ତି ଏବଂ ଆପଣ ଆପଣଙ୍କର ଫ୍ରି ଟାଇମକୁ କିଭଳି ବିତାଇବେ ।
ଯଦି ଆପଣ ଏଥିରେ ଭାଗ ନେବାକୁ ଚାହୁଁଛନ୍ତି ତେବେ ଆପଣଙ୍କୁ ୮ ଜାନୁଆରୀ, ୨୦୧୯ ସୁଦ୍ଧା ଆବେଦନ କରିବାକୁ ହେବ । ଭିଟାମିନ ୱାଟର ୨୨ ଜାନୁଆରୀ, ୨୦୧୯ ସୁଦ୍ଧା ଏଂଟ୍ରିଗୁଡିକୁ ଫାଇନାଲ କରିବ । ଆଉ ଯେଉଁମାନେ ବି ଏଥିରେ ମନୋନୀତ ହେବେ ତାଙ୍କୁ ସୋସିଆଲ ମିଡିଆ ଆକାଉଂଟ ଜରିଆରେ ଯୋଗାଯୋଗ କରାଯିବ ।
ଏଥି ସହିତ ହିଁ ଆପଣଙ୍କ ଏକ କନଟ୍ରାକ୍ଟ ଉପରେ ସାଇନ କରିବାକୁ ପଡିବ । ଯେଉଁଥିରେ ଲେଖାଥିବ କି ଆପଣ ବର୍ଷକ ପାଇଁ ଫୋନ ବ୍ୟବହାର କରିପାରିବେ ନାହିଁ । ତେବେ ଡେକ୍ସଟପ ଏବଂ ଲାପଟପର ବ୍ୟବହାର ଆପଣ କରିପାରିବେ । କଂପାନୀ କହିବା ଅନୁସାରେ, ଯଦି କୌଣସି ବ୍ୟକ୍ତି ମାତ୍ର ୬ ମାସ ବି ବିନା ଫୋନରେ ରହିଯାଆନ୍ତି ତେବେ ତାଙ୍କୁ ବି ଏହି ୭୧ ଲକ୍ଷ ଟଙ୍କା ପ୍ରଦାନ କରାଯିବ ।