ଜନତାଙ୍କ ଉପରେ ସରକାରଙ୍କ ଜୁଲୁମ୍ ! ଏପ୍ରିଲ ପହିଲାରୁ ଆକାଶ ଛୁଆଁ ହେବ ଗ୍ୟାସର ଦର
ଆଗାମୀ ସପ୍ତାହରୁ ଘରୋଇ ପ୍ରାକୃତିକ ଗ୍ୟାସ୍ ଦର ପୂର୍ବାପେକ୍ଷା ଦୁଇଗୁଣା ବଢାଇ ପାରନ୍ତି ସରକାର । ତେବେ ଗ୍ୟାସ ଦର ବୃଦ୍ଧି ପାଇବା ଦ୍ୱାରା ସିଏନଜି, ପିଏନଜି, ବିଜୁଳି ଏବଂ ୟୁରିଆ ଇତ୍ୟାଦିର ଦରଦାମରେ ମଧ୍ୟ ପରିବର୍ତ୍ତନ ଦେଖାଦେଇପାରେ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ଘରୋଇ ଗ୍ୟାସ କ୍ଷେତ୍ରରେ ପ୍ରାକୃତିକ ଗ୍ୟାସ ଉପରେ ଧାର୍ଯ୍ୟ କରାଯାଇଥିବା ଦାମକୁ ଏପ୍ରିଲ ପହିଲାରୁ ୟୁନିଟ ପିଛା ବର୍ତ୍ତମାନର ଡଲାର ହିସାବରେ ବୃଦ୍ଧି କରିଦିଆଯାଇପାରେ । କାରଣ ଆମେରିକା, ଋଷ ଏବଂ କନାଡା ଭଳି ଦେଶରେ ପ୍ରାକୃତିକ ଗ୍ୟାସର ଦାମ ପ୍ରତି ଛଅ ମାସରେ ଥରେ ନିର୍ଦ୍ଧାରଣ କରାଯାଇଥାଏ । ଯାହାକୁ ଏବେ ଭାରତରେ ବି ଲାଗୁ କରାଯିବ ।
ଖାଲିଯେ, ପ୍ରାକୃତିକ ଗ୍ୟାସର ଦାମରେ ପରିବର୍ତ୍ତନ ଆସିବ ତାହା ନୁହେଁ । ଏହାଦ୍ୱାରା ଉଭୟ ସିଏନଜି ଓ ପିଏନଜି ପାଇଁ ଆବଶ୍ୟକ ପଡୁଥିବା କଂଚାମାଲ ମଧ୍ୟ ମହଙ୍ଗା ହୋଇପାରେ । ଯାହାଦ୍ୱାରା ବିଜୁଳି ଉତ୍ପାଦନ ଏବଂ ପେଟ୍ରୋକେମିକାଲ ପାଇଁ ଫିଡଷ୍ଟକ ମଧ୍ୟ ବୃଦ୍ଧି ପାଇବ । ତେବେ ଗ୍ୟାସ ମୂଲ୍ୟରେ ଅହେତୂକ ବୃଦ୍ଧି ପାଇବା ଦ୍ୱାରା ଏହାର ବେଶି ଲାଭ ଓଏନଜିସି ଭଳି ଗ୍ୟାସ ଉତ୍ପାଦକ କଂପାନୀମାନଙ୍କୁ ମିଳିବ ।