ବିବାହ ପାଇଁ ବିନା ସୁଧରେ ମିଳିବ ୨୫ ଲକ୍ଷ ଟଙ୍କା । ୩ଟି ସନ୍ତାନ ଜନ୍ମ ହେବା ମାତ୍ରକେ ଲୋନ ସହ ସାରା ଜୀବନ ଆୟକର ଛାଡ । ମହିଳାଙ୍କୁ ମିଳିବ କାର ଉପହାର
ଭାରତ ଏବଂ ଚୀନ ଭଳି ଦେଶମାନଙ୍କରେ ଯେଉଁଠି ବର୍ଦ୍ଧିତ ଜନସଂଖ୍ୟା ଏକ ବଡ ସମସ୍ୟା ଭାବେ ଉଭା ହୋଇଛି, ସେଇଠି ବିଶ୍ୱରେ ଏଭଳି ବି କିଛି ଦେଶ ରହିଛି , ଯେଉଁମାନେ କି ନିଜ ଦେଶର କମୁଥିବା ଜନସଂଖ୍ୟାକୁ ନେଇ ବହୁତ ଚିନ୍ତାରେ ଅଛନ୍ତି । ୟୁରୋପୀୟ ଦେଶ ହଙ୍ଗେରୀ ବି ଏଭଳି ହିଁ ଏକ ସମସ୍ୟା ଭିତରେ ବୁଡି ରହିଛି । ଏହାକୁ ଦୃଷ୍ଟିରେ ରଖି ସେଠାକାର ସରକାର ଅଧିକ ପିଲା ଜନ୍ମ କରିଥିବା ମହିଳାଙ୍କୁ ଉପହାର ଦେବାକୁ ଘୋଷଣା କରିଛନ୍ତି । ସରକାରଙ୍କର କହିବା କଥା ହେଲା କି, ଜନ୍ମହାରରେ ହ୍ରାସତା ଏବଂ ପଳାୟନ ଭଳି ସମସ୍ୟାକୁ ଦୃଷ୍ଟିରେ ରଖି ଜନସଂଖ୍ୟା ବୃଦ୍ଧି କରିବାକୁ ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସାରା ଜୀବନ ଆୟକରରୁ ମିଳିବ ମୁକ୍ତି
ରାଷ୍ଟ୍ରକୁ ସମ୍ବୋନ୍ଧିତ କରିବାକୁ ଯାଇ ହଙ୍ଗେରୀର ପ୍ରଧାନମନ୍ତ୍ରୀ Victor Orban ୭ଟି ଉପାୟ ଘୋଷଣା କରିଛନ୍ତି । ଏହା ଅନୁଯାୟୀ ଅତି କମରେ ୪ଟି ସନ୍ତାନ ଜନ୍ମ କରିଥିବା ମହିଳାଙ୍କୁ ସାରା ଜୀବନ ଆୟକର ତଥା ଇନକମ ଟ୍ୟାକ୍ସ ଛାଡ କରିଦିଆଯିବ ଏବଂ ବଡ ବଡ କାର କିଣିବାକୁ ସବସିଡି ମଧ୍ୟ ପ୍ରଦାନକରାଯିବ । ପ୍ରଧାନମନ୍ତ୍ରୀ ଆହୁରୀ ମଧ୍ୟ କହିଛନ୍ତି କି, ଅପ୍ରବାସୀ ଲୋକମାନଙ୍କ ଉପରେ ନିର୍ଭରତା ହ୍ରାସ କରିବା ପାଇଁ ଏବଂ ହଙ୍ଗେରୀର ଭବିଷ୍ୟତ ସୁଧାରିବା ପାଇଁ ଏହା ହେଉଛି ଏକମାତ୍ର ଉପାୟ । କାହିଁକି ନା ଦକ୍ଷିଣପନ୍ଥୀ ରାଷ୍ଟ୍ରବାଦୀ ବିଶେଷ ରୂପରେ ମୁସଲିମ ଦେଶଗୁଡିକରୁ ଆସୁଥିବା ଅପ୍ରବାସୀଙ୍କ୍ୁ ବିରୋଧ କରିଥାନ୍ତି । ଉଲ୍ଲେଖ ଥାଉ କି, ହଙ୍ଗେରୀର ଜନସଂଖ୍ୟାରେ ପ୍ରତିବର୍ଷ ୩୨ ହଜାର ହ୍ରାସ ପାଉଛି ଏବଂ ୟୁରୋପୀୟ ୟୁନିୟନ ତୁଳନାରେ ଏଠିକାର ମହିଳାଙ୍କର ପିଲା ଜନ୍ମ କରିବାର ସଂଖ୍ୟା ମଧ୍ୟ ହ୍ରାସ ପାଉଛି ।
ପ୍ରଧାନମନ୍ତ୍ରୀଙ୍କ କହିବା କଥା ହେଲା କି, ଏହି ଉପାୟ ଦ୍ୱାରା ପ୍ରଥମ କରି ବିବାହ କରିଥିବା ଦଂପତିଙ୍କୁ ପାଖାପାଖି ୨୬ ଲକ୍ଷ ଟଙ୍କାର ଲୋନ ବିନା ସୁଧରେ ଦିଆଯିବ । ସେହିପରି ସେମାନଙ୍କର ୩ଟି ସନ୍ତାନ ହେବା କ୍ଷଣି ହିଁ ଏହି ଋଣକୁ ସଂପୂର୍ଣ୍ଣ ରୂପେ ଛାଡ କରିଦିଆଯିବ । ପ୍ରଧାନମନ୍ତ୍ରୀ ଆହୁରୀ ମଧ୍ୟ କହିଛନ୍ତି, ଆମକୁ ସଂଖ୍ୟା ନୁହେଁ ବରଂ ନାଗରିକଙ୍କର ଆବଶ୍ୟକତା ରହିଛି ।
ଯୋଗ୍ୟତା
• ଆଗାମୀ ୩ ବର୍ଷ ମଧ୍ୟରେ ୨୧ ହଜାରରୁ ଅଧିକ ନର୍ସରୀ ନିର୍ମାଣ କରାଯିବ ।
• ଦେଶର ସ୍ୱାସ୍ଥ୍ୟ ବ୍ୟବସ୍ଥା ଉପରେ ଅତିରିକ୍ତ ୨.୫ ଆରବ ଡଲାର ଖର୍ଚ୍ଚ କରାଯିବ ।
• ଘର ଉପରେ ସବସିଡି ପ୍ରଦାନ କରାଯିବ ।
• ସରକାର ସେମାନଙ୍କର ସହାୟତା କରିବେ , ଯେଉଁମାନେ କି ୭ଟି ସିଟ ବାଲା ଗାଡି କିଣିବେ । ସବସିଡି ମିଳବ ।